+4 əjdaha
1. əslində, yetərincə haqlı və yetərincə də haqsız qərardır. #167508 entrydə vurğulandığı kimi olsa gərək.haqlıdırlar;
o məqamda ki, normal təhsilli gənc öz ölkəsində * onların baxımından düşünün yaxşı işlər etməyə çalışacağına, qaçır gedir yad ellərə, qayıtmaq da istəmir. qalır sənə, təhsilə marağı olmayan və marağı öldürülən kütlə.
o məqamda ki, əsgərlikldən yayınmaqla bağlı halların sayı-hesabı artır və ən böyük bəhanə olaraq xəstəlik və təhsil bəhanəsi* gəlir. səhiyyə sistemi * guya da ilə bağlı əllərindən gələcək şeylərə külli miqdarda məbləğ gərəkdiyindən sadəcə qanuni düzəlişlə həll olunacaq digər məsələ daha asan və effektiv yol olaraq görülür.
o məqamda ki, həqiqətən gərəksiz təhsil alırlar bu insanlar. bu fakültələr və bölümlər yetərincə gərəksizliyini çoxdan sübut eliyiblər. dövlətimiz də bunu düşünüb, ailələrin büdcələrin daralmamasına diqqət etmək adına qərar qəbul edib. aramızda belə kəslər varsa, əvvəl əllərini açıb bir şükr eləsin ki, indiyəcən bu qanun qəbul olunmayıb, sonra da təhsilinin dəyərini bilsin. faydalı yönlərini axtarıb tapmağa çalışıb həyatını düzgün istiqamətləndirsin.
haqsızdırlar;
o baxımdan ki, bu qərarları qəbul edən şəxslərin məqsədi hərbi xidmətin gərəkliliyini vurğulamaq deyil əslində. heç özləri də bu məqamda lazımı qədər saf olmayacaqlarının fərqindədirlər bəlkə də. məlum məsələdir ki, ölkəsindən soyuyan böyük bir gənc kəsim var və heç də "vətənin çıxarları" adına onların qazanclarını təmin etməkçün müxtəlif sahələrdə yetərincə "fədai"lər yoxdu.
o baxımdan ki, bu qərar ölkənin maariflənmə səviyyəsini artırmayacaq və heç də "gözlənilən" müsbət dəyişikliklərə yol açmayacaq. su axar, yolunu tapar hər cür. olan yenə zəif qismə olacaq. əvvəl gərək təhsil səviyyənə və insanları yönəltməyə çalışdığın hərbi vəzifələrinin yetərliliyi və təminatlarının ödənilməsi dərəcəsinə diqqət edəsən, sonra bu qərarı verəsən ki, hər kəs səni alqışlasın.
o baxımdan ki, bu qərar, artıq əzilmişliyin dadına baxan bir kütləyə təsir edir. bu, canı boğazında bir toplum üçün heç də sevindirici olmayan onlarca xəbərin olduğu bir dönəmlə uzlaşır. avropa oyunları, islam oyunları kimi gərəksiz xərclərin yanında yanğınlar, siyasi həbslər, intiharlar, bahalaşmalar və haqsızlıqların baş alıb getdiyi bir zaman kəsimində bu dəyişikliyin ortaya atılması, etiraz şüarları və susdurulanların qorxularını bir kənara atıb baş qaldırılması üçün bir stimulyasiyadan başqa bir şey sayılmaz.
və hələki hər şey dəqiq deyil.
və hələ hər şey itirilməyib.