+5 əjdaha
1. psixoloji məfhumdur.öncəlikdə qavrama, qavrayışın (perception) nə olduğunu deyim. duyğular və yaddaşın birgə fəaliyyətinin nəticəsidir. qavrama duyğuların beyində zehni prosedurdan keçməsinin nəticəsində yaranır. bizim keçmiş təcrübələrimiz, yuxularımız, gözləntilərimiz və s. qavramada təsiredici faktordur. qısaca qavrama, duyğuların bu faktorlara əsasən beyində yenidən canlanmasıdır.
insan diqqətini ətrafda baş verən hansısa hadisəyə yönəldir və ya bir otaqdakı hansısa bir əşya (ya da insan) diqqətini çəkir. bir çox şey arasından müəyyən birini seçmək və diqqətini ona yönəltmək. bu selective perception adlanır. qeyri-şüuri olaraq baş verir.
buna təsir edən xarici (qıcıqlandırıcı) və daxili (şəxsi) faktorlar var.
xarici (qıcıqlandırıcı) faktorlardan ən əsası ziddiyyətdir. yəni qıcıqlandırının ətrafdakılardan kəskin şəkildə fərqlənməsi. əsasən reklamlarda daha rahat ayırd etmək olur bunu. məsələn, reklam edilən şeyə diqqət çəkmək məqsədilə ətrafdakı hər şey ona zidd olan şeylərlə əhatələnir, rəngli paltara diqqət çəkmək istəyirsə ətrafdakılar çox sıradan və solgun rəngli geyimlər olacaqdır, diqqəti hərəkət edənə çəkmək istəyirsə, ətrafdakılar sabit və hərəkətsiz olacaqdır.
daxili (şəxsi) faktorlar isə gözlənti, maraq, ehtiyac və inancdır. məsələn, iki dost fərqli futbol komandalarını tutur və həmin iki komanda qarşılıqlı olaraq oynayırlar. bu halda, oyunda yaranan kritik vəziyyətlərlə bağlı dostların şərhləri fərqli olur. başqa deyişlə, insan görmək istədiyini görür.