1. beş fərqli şəhərlərdə eyni vaxtlarda taksi sürücülərinin yaşadığı hekayələrdən ibarət jim jarmusch filmi.hər birinin ayri hekayəsi var.bəlkə gündəlik həyatımızda yaşaya biləcəyimiz şişrdilməyən hekayələrdir.hər dəqiqəsi dolu olan , hər taksidə ayrı bir söhbətin getdiyi film.
parisdə taksiyə minən kor müştərinin hazırcavablığı , taksi sürücüsünə qoyduğu qapaqlarla kor olan birinin əslində kor olmayanlardan daha yaxşı halda olduğunu görə biləcəyimiz film.məsələ gözün açıq olmasında deyil.insanın dəri rənginin də bir önəmi yoxdur.bunu başa düşmək üçün hər kəsin kor olmağına da ehtiyac yoxdur.
helsinkidə taxi sürücüsünün ayaq üstdə güclə duran üç içkili dostu maşına aldığı epizod bir başqa güldürmüşdü.dünyanın harasında olursan ol poxdan həyatı olan minlərcə insanın olduğunu görmək olar.bir alkolik nəzakət var bir də alkolik adamın ifrat həssas olmağı var.taksı sürücüsünün danışdığı hekayədən sonra içkili müştərilərin sürücünü ağlayaraq qucaqlamaları ifrat həssasləğı göstərən səhnələrdəndi.ikinci yadda qalan bir səhnə də sürücünün müştəriyə harda olduğunu bilirsən sualına helsinkidəyəm cavabın almasıdır.
los angeles, new york, paris, roma və helsinki'də ayrı ayrı taksiçilərin fərqli görülən eyni tərzdəki həyatını gösterir jarmusch. hər şəhərdəki hissə o ölkənin dilindədir. tom waits soundtracktı ilə öldürücü zərbəni vurur jim.
filmdə roberto benigni italyan taksici kimi ekranlarımıza gəlir yenidən.
los anceles – məşhurlaşmaq və bəlkə də həyatını kökündən dəyişmək şansı düşən qız var. amma o, bu təklifi vecinə almadan rədd edir. o, taksi şoferidi və təmirçi olmaq istəyir. qızın idealı budur. aldığım mesaj: hər gözqamaşdırıcı təklifə boyun əymə, öz idealını bil və öz yolunla get, özünü tapdığın yolla.
nyu-york – los ancelesdəki hekayənin təsdiqi kimi gəldi mənə. avropada təlxəylik eləyən kişi varlanmaq ümidilə amerikaya gəlir. amma burda uğur qazana bilmir, uğur bir yana, heç taksi sürə bilmir. sonda adamın yolunu azması, əslində onun yolunu azaraq avropadan amerikaya gəlməsi anlamındadı məncə. aldığım mesaj: daha yaxşı bacardığın bir işi gör.
paris – məncə daha çox anlam yüklənmiş hissədi. burda həm irqçiliyə işarə var, o aydındı. və qüsurluluq. təbii ki, korların əslində görənlərdən daha yaxşı gördüyünü anlamaq elə də çətin deyil. aldığım mesaj: heç vaxt görünüşə aldanma.
roma – burda din və cəmiyyət, azadlıq barədə mövzular var. seksual istəklərin tabuya çevrilməsi, qadağan olunması, əslində insanların heyvanlaşmasına gətirib çıxarır ki, bu da adamların balqabaq, qoyun və öz qardaşı arvadı ilə “yatmasına” gətirib çıxara bilir. aldığım mesaj: tabular istəklərini nəzərə almır, sadəcə qadağan edir.
helsinki – filmin ən dramatik hissəsidi. bu hissə finlandiya soyuğuna zidd oldu. axır ki, orda isti münasibət gördüm. daha doğrusu, ilıq münasibət. çünki orda çəkilən filmlərdə insanlar çox soyuq davranırlar. hekayəsi də gözəldi. ümidsizliyə qapılmamağı öyrətdi. aldığım mesaj: həmişə səndən də pis gündə olan kimsə var.
4.winona ryderin әn seksi vaxtlarında çәkildiyi filmlәrdәn biri. sırf ona görә baxmışdım әslindә, filmdәn elә bir şey gözlәmirdim. ancaq baxandan sonra fikrim dәyişdi.
5.jim jarmusch yaşadığı beş şəhərin, fərqli saatlarında, o şəhərin içində yaşanan taksi hekayələrini çatdırır. taksi şoferlərinin hər jarmusch xarakteri kimi dərinlikləri yoxdur, asan anlaşılan, dərdsiz insanlardır. filmdə winona ryder adlanan yoluxucu xəstəlik mövcuddur və mümkün olan bütün kişilər bu xəstəlikdən əziyyət çəkmək istəyərdilər.
roma və helsinkinin hekayəsi mənim üçün ayrıdır. əsas da helsinki soyuğu.
)