+6 əjdaha
5. 1990-cı ildə əvvəlcə burn the priest adı ilə richmond-da qurulmuş amerikan metal qrupu.qrupun qurucuları 4 tələbə dost idi: lead gitarist mark morton, bassist john campbell, drummer chris adler və ritm gitaristi matt conner. həmin vaxtlar studiya üçün pulu olmayan dostlar, morton-un evində bir araya gəlirdi. vokalistləri olmadığı üçün də karyeralarına instrumental mahnılarla başlamışdılar. pul qazanmaq üçün klublarda çıxış edir, ad günlərinə və bənzər məclislərə gedirdilər.
sonrakı dövrlərdə mark, magistr təhsili ilə əlaqədar chicago-a getməli olduğu üçün qrupdan müvəqqəti ayrılır. matt isə başqa bir qrupa keçir. mark-ın yoxluğunda vokalist randy blythe və ritm gitaristi abe spear qrupa daxil olur. daha sonra mark təhsilini başa vurub qayıdır. 1998-ci ildə abe spear qrupdan ayrılır. onun yerinə isə chris adler-in qardaşı willie adler gəlir və beləliklə, qrupun əfsanəvi heyəti tamamlanır.
1999-cu ildə qrup, burn the priest adlı bir albom yayımlayır. həmin vaxtlarda isə qrupun adı ilə bağlı problem yaşamağa başlayırlar. bəzi insanlar, adı “rahibi yandırın” mənasına gələn qrupu satanist və din düşməni zənn edirdi. buna görə də 2000-ci ildə, hələ də istifadə etdikləri “lamb of god” adını götürürlər. elə həmin il yeni adla ilk albomları olan new american gospel-i də yayımlayırlar. bu albom daha çox deathcore stilindədir. sonrakı albomlarda isə groove metal-a keçid edilir. randy-in səsi də sonrakı albomlarda daha da təkmilləşir.
uzun müddət uğurlu fəaliyyətdən sonra, 2010-cu ildə qrupa böyük bir fəlakət üz verir. çexiyada baş tutan konsert zamanı 19 yaşlı bir fanat, mühafizəçiləri keçərək səhnəyə çıxır. randy isə onu itələyərək ölümünə səbəb olur. bu hadisə ilə əlaqədar 2012-ci ildə məhkəmə prosesi başlayır. randy bu müddətdə çexiyada 5 həftəyə yaxın həbsdə saxlanılır. daha sonra isə 200 min dollar kəfalət ödəyərək azadlığa çıxır. amerikaya qayıtdıqdan sonra isə həbsdə yaşadıqlarına dair dark days (qaranlıq günlər) adlı bir kitab yazır. bundan sonra qrup da normal fəaliyyətinə davam edir.
“lamb of god”, hər zaman sərt tərzi ilə fərqlənib. qrup, amerikan metalının ən yaxşı nümunələrindən biridir və new wave of american heavy metal hərəkatının da öndərlərindən sayılır. albomları:
new american gospel - 2000
as the palaces burn - 2003
ashes of the wake - 2004
sacrament - 2006
wrath - 2009
resolution - 2012
vii: sturm und drang - 2015
lamb of god - 2020
omens - 2022
)