avropada yaşamaq vs amerikada yaşamaq



əjdaha lazımdı   izlə   lələ   mən   googllalink

    1. əlimdə şans olsa tərəddüd etmədən amerikada yaşamağı seçərdim. çünki avropada dövlətlər belə milliyətin adıyla bağlıdır (bu onların təbii haqqıdır). bunun nəticəsində avropada axır əvvəl nə edirsən et irqçiliyə məruz qalırsan. amma abşda cənubdaki ən irqçi əyalətlərdə belə əgər dəriniz ağdırsa və səlist ingiliscə danışa bilirsinizsə irqçiliyə məruz qalma ehtimalınız yoxdur. çünki burada sizin milliyətinizlə maraqlanan heç kəs yoxdur. siz amerikada yaşayırsınızsa avtomatik amerikalı olursunuz. amerikadakı kalifornia, ny və digər şəhərlərdə isə irqçilik deyə bir qavram yoxdur. kanadanın insanının tutumunu isə onsuzda bütün dünya məlumdur. avropada isə sizə yerililərin işini əlindən alan insan kimi baxan tiplər hər yerdədir. hətta türkiyədə belə bəzi insanlar ümumi olaraq qardaş dedikləri azərilərə qarşı irqçilik edir.
    2. amerika ölkə deyil şirkət olduğu üçün amerika dediyim qarşılaşmadır.
    3. Avropadaki kimi sosial xidmətləri heç bir zaman Amerikada görə bilməzsiniz. Pulunuz yoxdursa Amerikada homeless-dən başqa bir şey olmursuz. Xüsusilə də, əmək qabiliyyəti olan gənc ve orta yaşlı insansınızsa heç yerdə sizə heç bir sosial yardım və s. olunmur. iş tapa bilmirsizsə sığortanız olmayacaq, sığortanız yoxdursa xəstəxana xərclərinin, tibbi xidmət qiymətlərinin öhdəsindən gələ bilməniz qeyri-mümkündür. Çünki, dəhşətli dərəcədə bahadır. Məktəblər pulsuz olsa da üniversitlərin hamısı ödənişlidir və fantastik dərəcədə bahalıdır. Xüsusilə də Bakalavr və magistratura pillələri.
    Gəzməkdə tarixi yerləri seven insansızsa Amerika sizin üçün deyil. Avropadakı ruhu burada əsla tapa bilməyəcəksiz. ictimai nəqliyyat demək olar ki, yox dərəcəsindədir (New York-u saymıram. DC'də isə metro olsa da həm bahalı, həm məhdud, həm də narahatdır, avtobusların sürətindən və istifadəçi kontingentinden heç danışmıram). Maşınınız yoxdursa elə bilin ki, Amerikada ayağınızda ayaqqabınız yoxdur. Avropada isə kiçik şəhərlərdə velosipedlə bütün işlərinizi görə bilərsiz, elə böyük şəhərlərdə də. Bununla yanaşı London, Berlin, Dublin, Paris, Amsterdam kimi şəhərlərdə əsla ictimai nəqliyyat sıxıntısı çəkməzsiniz. irqçiliyə qalsa bunu da Amerikada ən gözəl şəkildə hiss edə bilərsiz. Düzdür, Avropada bəzi ölkələrdə bu daha qabarıq ola bilər amma Amerikada bunu mədəni şəkildə çox gözəl ört-basdır edə bilirlər. Məsələn, apply etmək istədiyiniz bütün işlərdə sizdən hansı irqə məxsus olduğunuz soruşulacaq... Atldan da yazılacaq ki, biz irqindən, cinsindən, dinindən və s. asılı olmayaraq hər kəsə bərabər münasibət bəsləyirik (!) ...
    Çox şey demək olar...
    4. Ultra savadlısınızsa və ya öz işini qurmaq istəyən bir insansınızsa Amerika. Çünki, orada işinizi nə qədər yaxşı görsəniz maaş da ona müqabil olur. Avropada bu vəziyyət bir az fərqlidir. Çünki, maaş qalxsa da vergi də ona uyğun qalxır. Bir iş qurmaq istəyirsinizsə prosedura Avropaya görə daha rahatdır. Digər bir yandan əgər orta səviyyəli birisinizsə sözsüz ki, Avropa ən uyğun seçimdir. Həm öz gələcəyiniz(yaşlılıq dövrü və s.) həm də ailəniz/övladınız üçün Avropada daha uyğun seçimdir. Sizə bir şey olsa belə onun universitetdə daxil olmaqla tam təhsil alacağını və s. biləcəksiniz. Amerikada isə savadın və işləmə qabiliyyətin yaxşıdırsa şellənirsən, yoxsa bir anda özünüzü bomj halında görmə ehtimalınız heç də az deyil. Hər gün gofundme-dəki Amerikadakı insanlar(bunların içində vaxtında məşhur olmuş insanların sayı heç də az deyil) üçün açılmış fund bölmələrinə bir göz gəzdirin və onda hər şey daha aydın olacaq. Amerikada həmişə tək başınasınız. Hər işinizi özünüz həll etməlisiniz və buna görə də həmişə gələcəklə bağlı planlı olmalısınız.
    Başqa nüanslar da var. Məs. təhlükəsizlik. Amerikadakı vəziyyətdən hər halda azdan-çoxdan hamımızın xəbəri var. "Azad" ölkə olduğu üçün başınıza hər an bir şey gələ bilər. Təbii ki, bu hadisə Avropada da ola bilər amma aradakı faiz nisbəti çox böyükdür.
    Fərqli bir baxış bucağında da göz gəzdirək. Amerikanı ən çox sevməmə səbəblərimdən biri odur ki, ortada bir millət yoxdur. Mən tarixi olan, konkret əhalisinin bir kimliyi, özünə xas mədəniyyəti olan ölkələri sevirəm. Amerika isə multikultural ölkədir. Qonşunuzun çinli, iş yoldaşınızın polşalı, sevgilinizin kanadalı, dostunuzun pakistanlı olma ehtimalı 100-də 100-dür.
    işin bir tərəfi də var ki, əgər Azərbaycandakı ailənizə tez-tez baş çəkmək istəyirsinizsə avropa sözsüz ki, daha uyğun seçimdir.
    Əlavə olaraq qeyd edim ki, Amerikada irqçilik olmur demək gülüncdür. Əksinə irqçiliyin vətəni elə amerikadır. Ağdərili olsanız belə əgər bir az ləhcəli danışsanız artıq irqçiliklə üz-üzə gəlmə ehtimalınız yüksəkdir. Avropada belə deyil demirəm təbii ki, amma amerika ilə müqayisəyə belə gəlmir.
    Sonda isə yenə hamısı insanın özündən asılıdır. Biri üçün Kaliforniyada yaşamaq ən gözəlidirsə digərinə berlində və ya tokyoda və ya londonda yaşamaq daha rahatdır. Əsas odur ki, hər kəs özünə uyğun düzgün seçimi edə biləcək qədər araşdırsın hərəkət etmədən əvvəl.
    5. Avropada yaşamaq. Təbii ki, avropanın yeri və məkanı da önəmlidir. Rusiyanın kəndi ilə new yorku müqayise etmirəm. Digər bir faktor isə hansı statusla yaşayırsınız, orada təhsil alırsınız yoxsa iş qurursunuz yaxud başqa nəsə.
    Ancaq ümumi olaraq götürsək, Yuxarıda sadalanan səbəblərə-irqçiliyin var olması, təhlükəsizlik, silah şiddəti wild kapitalizm zad-qatılmaqla birlikdə avropadakı tam olaraq izah edə bilmədiyim "estetika" anlayışını, o mühiti amerikada tapmaq çətinliyini əlavə edirəm.
    Abş avropaya nisbətən daha militarist, dini baxımdan mühafizəkar, aşağı təhsilli insanlara ev sahibliyi edir. fərqli mədəniyyətlərdən gələn insanların cəmləşməsini sevirəm, Ölkəyə zənginlik qatfığını deyə bilərəm. Lakin, Multikultural ölkə olmasına rəğmən, valideynləri dünən amerikaya köçmüş olan bir insanı trump dəstəkçisi olaraq da görə bilərsiniz. Belə də ziddiyyətli.

    Kanada və Cənubi amerika haqqımda fikrim yoxdur. Bu dediklərim Abş haqqında orta və ya işçi sinfindən olan yaxud biraz əvvəl qeyd etdiyim o avropa mədəniyyətinin ruhunu axtaran bir insan üçündür. Aydındır ki, Müəyyən ekonomik səviyyəyə gəlmiş birinin amerikada iş qurmağı daha rahatdır.
    6. Həm qitədə həm də ölkədə yaşamış biri olaraq istərdim ki, öz düşüncələrimi bəlli edim. Bəlli düzəlişlər etmək istəyirəm ki, verəcəyim məlumatlar dəqiq olsun. Avropa deyərkən Qərbi, Şərqi, Cənubi və Mərkəzi Avropa ölkələri ilə Amerikanı tək olaraq müzakirə etmək gülüncdü. Unutmamaq lazımdır ki, hər il minlərlə J1 tələbə əsasən Şərqi və Cənubi Avropadan Amerikaya işləməyə gedir və kölə kimi işlədilir. Bu ölkələrin rifahı həddindən artıq aşağı dərəcədədir və işsizlik çox yuxarı səviyyədədir. Təhsil sistemində belə çox geridə qalıblar. Ölkələrdə keçmiş SSRi-nin izlərini görmək olur. Yəni ki, Avropadı deyib Bolqarıstanda yaşamaqdansa Amerikada yaşamaq daha məntiqlidir. Cənubi Avropa ilə Amerikanı müzakirə edərkən isə yenə rifah, təhsil və mədəniyyəti müzakirə etmək istəyirəm. ilk öncə Cənubi Avropa mədəniyyət mərkəzlərindən biridir və insanları çox istiqanlıdır. Qarşılarındakı insanlara qarşı mədəni olurlar. Təhsil sistemi isə təəssüf olsun ki, üst səviyyədə deyil və Amerika ilə qarşılandırılan vəziyyətdə deyil. işsizlik səviyyəsi isə yüksək olduğu üçün yerli camaat çətin halda özlərinə iş tapır qaldı ki, miqrant olaraq bizləri işlə təmin etsinlər. Geriyə qalan Qərbi Avropa və Şm. Avropa ölkələri hansı ki, sözlük yazarlarının Avropa deyəndə ağıllarına gələn tək zonalarda mədəniyyət qəribədir. ilk olaraq həddindən artıq sakit və soyuq olurlar. Qərbi Avropa əsasən də ingiltərə illər boyu əzən tərəf olduğu üçün öz ölkəsindən olmayanları alçaldır. Amerikalılardan çoxda fərqləri olmasa da onlar kimi yobazca insanları alçatmırlar. Amma rejimin ən görünən hissəsi məhz Qərbi Avropa ölkələrinə şamil edilir. Şm. Avropa ölkələri isə Avropanın əsasını təşkil edir məncə. Təhsil baxımdan qitənin ən yaxşısıdır. Qayda-qanunlarda da çox ciddidilər.

    Gələk Amerikaya. Həddindən artıq savadsız kütlənin yığışdığı bir ölkədir. Bu ölkədə zəngin olmaq üçün savadlı olmağa gərək belə yoxdur. Həyatın boyu işləyib bir yerə pul yığaraq zəngin ola bilərsən. Bir insanın kölə olmasını hiss etdirən başlıca ölkələrdən biridir. Fərz elə bir səhralıqda vəhşi bir heyvanı açıb buraxmısan çöllüyə. O heyvanda çöllükdə yemək axtarır. Vuruşur, çabalayır. Əgər yorulsa, bitkin düşsə öləcək. Bax bu qitə belə ölkədir. Tutalım ki, üçüncü ölkə vətəndaşısan və işləmək üçün bura gedirsən , savadın olsa belə sən heç kimsən. Çünki onlar savad axtarmır, kölə axtarır. Miqrantlar sahəsində ayaqda duran Amerika miqrantlara ən pis vəziyyəti verən ölkələrdən biridir.

    Uzun sözün qısası work to live - Europe
    live to work - USA


sən də yaz!