+4 əjdaha
1. və ya digər adı norepinefrin, quruluşca adrenalinə çox oxşayan, ondan fərqli olaraq (çox nadir istisnalar var) həm hormon həm də neyrotransmitter rolunu oynayan, həm neyronlarda həm də böyrəküstü vəzilərdə ifraz olunan kimyəvi maddə. adrenalin və noradrenalin həmişə eyni anda orqanizm tərəfindən ifraz olunur və çox oxşar təsirlərə malikdirlər. adrenalinin təsirlərini ümumi olaraq hamımız bilirik, qan damarları genişlənir, təzyiq artır, ürək döyüntülərinin sayı artır, "döyüş ya da qaç" prinsipi işə düşür və s. həmçinin qan bədənin uc hissələrindən əsas əzələ qruplarına yığılır. ona görə də qorxan birini görən zaman kağız kimi ağarmısan ifadəsini işlədirik. əgər stress vəziyyəti mənfi emosiyalarla dəstəklənmirsə, adrenalin və noradrenalin ifrazı zamanı həmçinin qəribə bir həzz hiss edirik. bunun səbəbi noradrenalinin dopaminin ifrazını tətikləməsidir. elə bu səbəbdən adrenalin bağlığı olan insanlara rast gəlirik. məsələn davamlı olaraq paraşütlə tullanan insanlar və ya ralli yarışçılarını buna misal göstərə bilərik. bundan başqa uzunmüddətli adrenalin çatışmazlığı zamanı depressiyalar yaşanır, ona görə də arada (mənfi emosiyalar olmamaq şərtilə, çünki bu zaman adrenalin işi daha da pisləşdirir, baş verən hadisənin yaddaşda güclü bir şəkildə iz buraxmasına səbəb olur) müsbət emosiyalarla adrenalinizi artırın ki, daimi depressiyalardan əziyyət çəkməyəsiniz -*adrenalin vs noradrenalin
https://imgur.com/I1sWtMw