bugün məsləhət təsadüfi
sözaltı sözlük
postlar Yoxlama mesaj

2 yazar | 2 başlıq | 30 entry
yenilə | gündəm

son entrylər 30 yeni entry
#zirzəmi 12 yeni entry
#sözaltı wiki (3208)


chatgpt 7 sözaltı günlük 5 qoxu hafizəsi | elm süni intellekt derealizasiya əsgərlik şarlatan ən yaxşı villainlər | kino vincentcatgogh 30-u keçmək və hələ də evli olmamaq american gods | kino m/Psixoloji dəstək 6 m/Vaxtını boşa xərcləmək 0 m/Blok imtahanından kəsiləcəm.... 4 veo 3 güldürən qarğışlar səs azərbaycan love | kino the last of us yazarların paylaşmaq istədikləri musiqilər sevgili xanım milenaya lolita-psixoz chatgpt uncle tom's cabin reed hastings larry ellison oracle chicken run | kino emrah safa gürkan crumb theory | kino qadağan olunmuş filmlər sözaltı günlük street spirit recaptcha ilə insan olduğunu sübut etmək kod yazanda filosof olan adam i̇nsan beyninin süni intellektlə müqayisəsi muğamın fəlsəfi əsasları sözaltı tarixçə - yeniliklər türkiyə wlingua busuu yazarların spotify listi no1 mahnılarında keçən mükəmməl cümlələr stabil miokard infarktı ay işığı xəstəliyi | elm miqren dimethyltryptamine(dmt) | elm experte span checker takotsubo cardiomyopathy reytinq lsd – lysergic acid diethylamide ilan adası welwitschia mirabilis welcome to me əfsanəvi albom qapaqları pair programming i will sözlük sözaltı sözlük alqoritm eratosfen xəlbiri | elm məhəmməd əmin rəsulzadə məsləhətli filmlər | kino umbay digital minimalism the sexual politics of meat forex terminləri high-frequency trading hft əli ömərov yaş artdıqca daha yaxşı dərk edilən şeylər yazarların paylaşmaq istədikləri mahnılar sumqayıt fallout new vegas vladimir demikhov baxılası türk serialları elektrokonvulsiv terapiya elektrokonvulsiv terapia kitsch cəmiyyət içində biabır olduğunu hiss etdirən şeylər rainbow çəki atmaq istəyənlərə tövsiyələr türklərin sevilməyən cəhətləri tarixin ən böyük umbaylamaları tarixin ən böyük umbaylamaları tarixin ən böyük umbaylamaları








anna karenina



facebook twitter əjdaha lazımdı izlə dostlar   mən   googlla
lev tolstoy - unudulmaz kitab cümlələri - madame bovary - bitirilə bilməyən kitablar - charles bukowski - tövsiyə olunan kitablar - kitab əsasında çəkilən filmlər - kitabının yerini verməyən filmlər - sözaltı etiraf
başlıqdakı ən bəyənilən yazılar:

+16 əjdaha

3. roman tarixinin (don kixotun xəyali məşuqələrindən, bilavasitə madame bovarydən, decamerondaki hekayələrin arzu mənbələri halına gəlmiş o hüzünlü qadın personajlarından, eləcə nastasya filipnovnadan, mrs dallowaydən, marthalardan, teresalardan, sonyalardan; bütün o agneslər, dollylər, kamelyalı qadınlar və kamelyalı olmayanlardan, esmeraldalardan üzr istəyirəm!) ən gözəl, ən bədbəxt qadını.

hər qatar reylslərinə baxdıqda xatırladığım, oğluyla sevgisi arasında sıxışıb qalan, bir sevginin təzahürü, ifadəsi, (saçlarını kəsdirdiyi vaxt necə də gözəl idi) bir qadının sevginin sərhədlərinin haraya qədər uzada biləcəyini isabatlamış, bir vaxtlar yaşamış (buna inanmaq lazımdır) bəlkə də hələ də yaşayan, həm ana, həm həyat yoldaşı, həm sevgili, həm də məşuqə (oxucunun başqa şansı heyf ki yoxdur) olan qadın.

anna kimi qadınlar romanlardamı doğulur sadəcə? romanlarda təsvir edildiyi kimimi ölür?

onu tanımayan qadına evlilik təklif etməyəcəyim dəqiqdir.

+14 əjdaha

5. şedevr statusuna artıqlaması ilə layiq əsərdir. mümkün qədəri ilə orijinal dildə oxuyun. tolstoyun inanılmaz dərəcədə gözəl və qüsursuz ədəbi dili var. personajların hisslərini, fikirilərini hər santimetrinə qədər incələyib oxucuya çatdırır. məsələn, annanın oğlu ilə ayrılma səhnəsini, kiti doğarkən levinin fikirlərini, vronski atdan yıxılanda annanın çırpınışlarını o qədər mükəmməl təsvir edib ki, insanın tükləri biz-biz olur. bir də təbii ki, annanın özünü qatarın altına atdığı səhnə... hansı birimiz anna kareninanı oxuduqdan sonra qatar görərkən anna haqqında düşünməmişik ki?
amma, əsər anna karenina adlanmasına baxmayaraq, əsərin yarısından çox hissəsi tolstoyun alter egosu hesab edilən konstantin levin personajına həsr edilib. bu da bir çoxları üçün "anna karenina"nı maraqsız edir. tolstoy levin vasitəsilə ilə 19-cu əsr rusiyanın kənd təsərüfatındakı islahatları, sosial-iqtisadi və dini problemlər haqqında uzun-uzadı bəhs edir. bu da ehtiraslı yasaq sevgi romanı oxumaq üçün kitabı əlinə alan 21-ci əsr oxuyucusu üçün o qədər də maraqlı olmaya bilər. ancaq, əsərdə annaya həqiqətən ürəkdən acıyan məhz elə levindir.

əsər haqqında bir neçə maraqlı ola biləcək faktları yazım icazənizlə:

-görünüş olaraq anna kareninanın prototipi puşkinin qızı mariya aleksandrovna puşkinadır.
-əsərin ilk əl yazmasında anna karenina-tatyana stavroviç, aleksey vronski-ivan balaşev idi.
-karenin sözünü tolstoy qədim yunancadakı karenon sözündən götürüb. mənası baş deməkdir.
-əvvəlcə tolstoy annanı neva çayında batırmaq istəyirdi. lakin, yazarın şahidi olduğu hadisə hər şeyi dəyişdirir. belə ki, lev tolstoyun yaxşı münasibətdə olduğu aleksandr bibikov adlı qonşusunun qeyri-qanuni formada yaşadığı qadın varmış. qadının adı anna piroqova idi. anna xoş bir insan olmağına baxmayaraq çox qısqanc biri idi. qısqanclıq üstündə daima skandallar çıxardarmış. bir gün hətta o həddə çatır ki, anna evi tərk edir. bir neçə gündən sonra isə annanın özünü qatarın altına ataraq intihar etdiyi xəbəri gəlir. deyilənə görə bu hadisə tolstoya çox təsir edir. əsərin məşhur sonluğunu da bu hadisədən ilhamlanaraq yazır.
-anna kareninanın intiharının təsvir edildiyi obiralovka stansiyası hal-hazırda jeleznodorojnaya adlanır.

+4 əjdaha

1. bir lev tolstoy dramıdır.
kitabın ilk cümləsi kitabın nə dərəcə ketfiyyətli olduğuna işarədir. adam deyir ki
"bütün xoşbəxt ailələr bir birinə bənzər, hər bədbəxt ailənin bədbəxtliyi isə özünə xasdır"

+5 əjdaha

6. 19-cu əsr rus qadının belə, 21-ci əsr azərbaycan qadınından daha azad olduğunu göstərən əsər. bu tərəflərdə anna karenina olsaydı, vronski ilə münasibəti bilinən kimi ya əri ya da qardaşı tərəfindən əsərin əvvəlində öldürülərdi. (əsərdə annanın qardaşı ona dəstək olur). əsərdə annanın ölümü əzab, iztirabdan qurtulmaq üçün yox, daha çox vronskidən intiqam almaq üçün, onu bir ömürlük mənəvi həbsə salmaq üçündür. əsərdə levin hissəsinin anna karenina hissəsindən çox olması ilə sanki bir işarə vermək istəyir. sanki anna kareninaya ən uyğun xarakter levindi. o levinlə birlikdə olsaydı, evlilikdən kənar münasibət yaşasaydılar belə, levin onu qoruyardı. vronski isə bunu bacarmadı.
2012-ci ildə eyni adlı kino isə mənim üçün məyusluq idi. kitabın 4də birini göstərir yalnız. kinonun müsbət cəhəti levin xarakteridi. onu başqa cür təsəvvür etmək olmazdı.

+2 əjdaha

2. ssenarisi tolstoyun eyniadlı əsərində götürülmüş 2012-ci ildə kinoteatrlara gələn film.
baş rollarda keira knightley(anna karenina), jude law(karenin), aaron taylor-johnson(vronsky) oynayır.
rejissor joe wright-dır.
klassika sayılan bir romana, klassika sayılacaq film çəkilib.


--spoiler--

kitabı oxumadan filmi izləməyəcəm deyənlərlə filmi izləmədən əvvəl eyni fikirdə idim. qismət oldu, getdim. kitabı mütləq oxuyacağımı düşünürəm hələ də, yəni film kitabı oxuma arzusunu azaltmadı ki, artırdı. kitabın sonu bildikdən sonra kitaba marağı ölənlər üçün keçərli deyil. 400səhifəkik romanı 2,5 saata sığışdırmaq asan deyil. bəzi yerlər keçirilib. amma ssenaridən çox səhnələrarası keçid, film musiqiləri, keiraçığımın mükəmməl aktrisalığı filmi kitabdan əlaqəsiz qiymətləndirməyə bəs edir. anna kareninanın hislərini yaşadır. o dövrün burjuasını hiss edirsən. film teatr səhnələri arası keçid kimi də verilir bəzən. anna kareninanın ölüm səhnəsi, cəsədin üzündəki ifadə və filmin sonunda oblonskynin ağladığı səhnə filmin ən təsirli səhnələrindən idi.

--spoiler--

+1 əjdaha

4. universitetin son kursunda dostumla kitabları oxuyub birlikdə şərh etməyə başlamışdıq. əlbəttə çox fərqli fikirlər ortaya çıxarırdıq. bəzən əsərin keçə biləcəyi yerin harda olduğunu, hansı küçəyə daha çox oxşadığı kimi detalları belə birlikdə düşünürdük. anna karenina, bizdən 1 kurs aşağıda oxuyan bir qız idi biim üçün. hətta o qıza o qədər maraqla baxırdıq ki, qız nə üçün baxdığımızı belə başa düşmürdü. əlbəttə ki, ona anna karenina`ya bənzədiyini demədik. amma hər dəfə adını oxuduğumda o qızı xatırladığım və gülümsədiyim üçün qəribə bir hiss keçirirəm.



hamısını göstər

anna karenina