a nightmare on elm street — ən bəyənilən yazılar

+9 əjdaha

1. 1984-cü ildə rejissor Wes Craven tərəfindən ekranlaşdırılan ABŞ qorxu filmi. Aktyor Johnny Deep'in karyerasına başladığı film kimi də yaddaşlarda qalıb. Bundan başqa filmdə Robert Englund, John Saxon, Nick Corri (Jsu Garcia) kimi aktyor, Heather Langenkamp, Amanda Wyss, Ronee Blakley kimi aktrisalar rol alıblar. Cəmi 1 aya çəkilən film ilk həftədə 1.5 milyon 275 min ABŞ dolları gəlir qazanıb. Filmin sonrakı gəliri 25 milyona çatır. Müxtəlif illərdə Wes Craven da daxil olmaqla fərqli rejissorlar tərəfindən filmin digər bölümləri çəkilsə də o qədər də uğurlu ola bilməyiblər. 1989-cu ildə Nintendo Entertainment System video oyun konsolu tərəfindən filmin oyun versiyası da buraxılıb.

+6 əjdaha

2. Yox olmağa doğru gedən slasher janrına yenidən həyat verən bir franchise-di A Nightmare on Elm street. Çünki, bu filmə qədər olan slasher kinoların həm büdcəsi kifayət qədər az idi həm də əksəriyyətinin mövzusu bir-birinin bənzəri idi. Danışmayan, iri cüssəli, maskası olan bir antaqonistin əlindəki fərqli alət/silahlarla yeniyetmələri öldürməsindən o tərəfə keçmirdi temaları. Leatherface, Michael Myers, Jason voorhees və s. hamısı az-çox bir-birinə bənzər antaqonistlər idi.
Wes Craven isə tamamilə fərqli bir yol seçdi Freddy Krueger üçün. Digərlərinin əksinə Freddy çox danışan, qurbanlarını tez öldürmək əvəzinə onlarla məzələnən, əzabla öldürən bir personaj idi və bunların hamısını yuxularında edirdi. Yəni, adi bir insan yox, fərqli bir varlıq idi. Düzdür birinci filmdən sonra Craven növbəti beş film boyunca demək olar ki, franchise-dan uzaq dursa da Freddy-ni canlandıran Robert Englund sayəsində hər növbəti filmdə mövzu nə qədər bayağılaşsa da Robert sayəsində filmlər kifayət qədər izlənilirdi. 2010-cu ildə çıxmış remake-dən savayı qalan bütün filmlərdə personajı Robert özü canlandırdı. Freddy Krueger personajı hal-hazırda "larger than life" personajlarından biri kimi tanınır. Qorxu filmi deyiləndə ağıla gələn ilk antaqonistlərdən biridir.
Hal-hazırda franchise-in aqibəti haqqında dəqiq bir məlumat olmasa da çıxan xəbərlərə görə həm yeni film həm də serial üzərində işlər davam edir. Freddy rolu üçünsə yenidən Robert Englundlə görüşürlər.