37 yazar | 50 başlıq | 135 entry
yenilə | gündəm

12
#son entrylər 135 yeni entry
#zirzəmi 23 yeni entry

kasıb hobbiləri 10 azərbaycanda qiymət artışları 6 ən cəlbedici film personajları 6 ən yaxşı serial epizodları   fəlidən doğru xəbər   gəl yuxuma   komediana 2 sözaltı etiraf   cavid ağa   seks vaxtı edilən umbaylıqlar 4 bir qadın | kino   qaqa sənsən, gicdıllaq   sözaltı sözlük üçün tövsiyələr   birkahvebingiybet   hörümçək 4 düşün ki o bunu oxuyur 3 timidus   uşaq mahnıları 3 oktay derelioğlu 4 sözlük yazarlarının etdiyi kiçik çılğınlıqlar 3 sevilən mahnının ən vurucu cümləsi 4 ən cəlbedici film personajları | kino 5 yazarlara whatsappdan gələn son mesaj 2 sözaltı günlük 3 lisey uşağı   derek   ana   yevgenika   mark eliyahu   dream is destiny   heydər əliyev adına azərbaycan ali hərbi məktəbi   işsizlik   the pianist | kino   adəmdən öncə   qılınc müsəlmanı   aman ayrılıq   sevda ələkbərzadə   afaq gəncəli   poker face   azərbaycanda hicablıların sayının artması   eyni anda 4 qadınla münasibətdə olmağa icazə verildiyi üçün islam dininə sitayiş edən kişi obrazı   traduttore traditore   hi dollar 2 ən yaxşı film introları | kino   islamda lezbianlıq   the power of the dog | kino   the picture of dorian gray   tony leung chiu wai | kino   it   polonez   random klaviatura   ingilis dilindəki qəliblər   lo-fi 2 ağrı verən cümlələr 4 azərbaycanda qiymət artışları 5 barmen 2 yayın gəlməsi ilə gözə girən həşəratlar   qış depressiyası 3 earth porn   öyrənildiyində təəccübləndirən məlumatlar 2 epinephrine   sultan ibrahim   gecəyə bir mahnı paylaş   qadının ağlaması 2 yazarların uşaqlarına danışacağı əfsanə adamlar 2 çghb 2   ət tökən seriallar 2 yazarları düşündürən suallar   bu sevda bitmez   klipi ilə dinlənilməli olan musiqilər   elton hüseynəliyev 2 yazarların paylaşmaq istədikləri şeirlər 2 şeypur   kerimcan durmaz   beyin qanaması   turkish delight   ev qızı   əncir  









azərbaycan dilində ən çox edilən yanlışlar



facebook twitter əjdaha lazımdı   googllalink
grammar.nazi

    1. “dır” şəxs sonluğunu “dı” kimi yazmaq.
    Məs.: “Yazdıqların çox maraqlıdı” dedikdə siz keçmiş məzmunu ifadə etmiş olursunuz. Oradakı “dı” “idi" hissəciyinin qısaltmasıdır. Düzgün yazılışı: "yazdıqların çox maraqlıdır" şəklində Olmalıdır. Ümumiyyətlə, əgər məzmun indiki mənanı ifadə edirsə, şəxs sonluğundan - “dır” şəkilçisindən istifadə olunmalıdır. Yox, əgər keçmiş məzmundursa, vəziyyətə görə “dı” (şühudi keçmiş), yaxud “idi” hissəciyindən istifadə olunmalıdır (Bu ikisini fərqləndirmək çətin olduğu üçün başqa "entry"də geniş-geniş yazacağam);

    Hazır, gələcək zaman şəkilçisi işlətmişkən qeyd edim ki, dilimizdə “əcə” şəkilçisi yoxdur. Düzgün versiyası “acaq²”dir. Yəni cümlədə qəti gələcək zamandan istifadə olunarsa, diqqət edilməlidir: “gələcəm”, “gedəcəm”, “edəcəm” yox, “gələcəyəm”, “edəcəyəm”, “gedəcəyəm” olaraq yazılmalıdır;

    “Burada”, “orada” sözlərini “burda”, “orda” olaraq yazmaq yanlışdır;

    ikinci şəxsin cəm şəkilçisini yazıda “sız” olaraq yazmaq yanlışdır. Məsələn:
    “evə gedərkən "desəz", hər şey yaxşı olacaq” cümləsindəki “desəz” sözünün düzgün yazılışı “desəniz”dir. Ümumiyyətlə, “-sınız²” şəkilçisi ancaq deyilişdə “sız” olaraq qeyd edilməlidir;

    Cümlədə təkrar olunan nə, gah, həm, ya bağlayıcılarından əvvəl vergül qoyulur;

    Cümlənin içərisində olan amma, ancaq, lakin, hətta, yəni, o cümlədən, həmçinin, habelə, halbuki, çünki, yoxsa, ona görə ki, yaxud, eyni zamanda, ondan ötrü ki bağlayıcılarından əvvəl vergül qoyulur;

    Sağ ol ifadəsini “sağol” olaraq yazmaq.

    10 əjdaha!

    21.06.2020 01:16, sistem robotu
    2. Aşağıdakı yazı, bəlkə də, ən çox səhv edilən şeyləri əhatə edir.

    “aha” və “beləcə” sözlərindən sonra vergülün işlənmə qaydaları müxtəlifdir.
    Məsələn, “aha” sözü özündən sonra vergül tələb etmir. Cümlədə bir durğunluq olsa da, ara versəniz də, vergülün gələcəyi mənasına gəlmir. “aha” sözündən yalnız və yalnız bir halda vergül gələ bilər ki, həmin vergül ya modala, ya ara sözə, ya da vergül tələb edən bağlayıcıya aid olsun. Bu zaman da həmin vergül “aha” sözünün yox, yuxarıda yazılanlara – modala, ara sözə, bağlayıcıya aid olur.

    “Beləcə” sözündən sonra isə vergül gələ bilər, ancaq diqqət edilməli məqam var. Birincisi, “beləcə” sözünü kök və şəkilçiyə ayırmalıyıq. “belə” əvəzlik, “cə” isə zərf düzəldən şəkilçidir.
    əgər “beləcə” sözü “nə tərzdə?” sualına cavab verirsə, həmin söz əsas nitq hissəsidir. Yəni gərəksiz şəkildə vergülə ehtiyac yoxdur.
    Yuxarıda da qeyd etmişəm ki, cümlədə durğunluq olsa da, vergül gəlməyə bilər.
    Məsələn: bir kərə yüksələn bayraq bir daha enməz.
    Yuxarıdakı örnəkdə “bayraq” sözündən sonra durğunluq olsa da, vergülə ehtiyac duyulmur.
    Ayın tarixlərinə qaldıqda isə istəyirsinizsə, sıfırla yazın, istəyirsinizsə də, sıfır istifadə etmədən. Hər hansı qayda pozuntusu hesab edilmir.
    Səhv etmirəmsə, 2016-cı il idi filoloq bizə xəbər saytındakı səhvləri müəyyən etmək üçün yazı təqdim etmişdi (arxivimdə qalıb. linki qoyacağam). Orada da görəcəksiniz ki, xəbərdəki ayın tarixlərində heç bir problem yoxdur.
    Qeyd: hələ də “flioloq” sözünü “filoloq” olaraq yazanlar var, heyif. Yəqin ki, səhvin daha rahat tutulmasını istəyir.
    -


    http://eco.gov.az/az/nazirlik/xeber?newsID=5652

    2 əjdaha!

    22.06.2020 13:12, sistem robotu
    3. "Şərikin" sözünün [şərix'in] kimi tələffüzü.
    inşallah sözündə allah sözünün böyük yazılması.

    2 əjdaha!

    22.06.2020 14:47, okush
    4. Çox adam təsirlik halının axırındakı ı\i hərfini yazmır. danışığımızdan irəli gələn problem olduğunu bilirəm, amma təhsil səviyyəsindən asılı olmayaraq çox insanda bu səhvi görmüşəm, etməyin.

    0 əjdaha!

    22.06.2020 15:51, lazylumpofcheese
    5. "o", "bu" əvəzliklərində vergül istifadəsi zamanı edilən səhvlərdir.

    əvəzlikdən sonra əvəzlik gəldikdə vergül qoymaq, məs.:
    "bu, o oğlandır" cümləsində fonetik norma pozulub, Ona görə ki cümlədə əvəzlik varsa və həmin əvəzlik mübtəda vəzifəsindədirsə, yenidən əvəzlik gələrsə ( təyin vəzifəsində), vergül qoyulmamalıdır.

    düzgün yazılışı: bu o oğlandır.

    əvəzlikdən sonra köməkçi nitq hissəsi gələrsə, vergül qoyulmaz.
    qeyd: burada çox önəmli bir istisna var. əgər cümlədə istifadə edilən köməkçi nitq hissəsinin özünəməxsus vergülü varsa, qoyulmalıdır. bunu da bilməlisiniz ki, həmin vergül (tutaq ki, ara söz olsun) ara sözə aiddir. ona görə qoyulmalıdır.
    məsələn: "bu, artıq mənim problemim deyil" cümləsində "bu" əvəzliyi mübtəda vəzifəsində çıxış etsə də, vergül qoymaq olmaz. niyə? çünki köməkçi nitq hissəsi - qüvvətləndirici ədat gəlib və həmin köməkçi nitq hissəsinin özünəməxsus durğu işarəsi yoxdur.
    düzgün yazılışı: bu artıq mənim problemim deyil. başqa örnəyə baxaq:

    "o, deyəsən, mənim əmim oğlumdur." cümləsi düzgün cümlədir, çünki köməkçi nitq hissəsi - modal söz gəlib və həmin modal söz özündən əvvəl və sonra vergül tələb edir, yəni vergül modal sözə aiddir.

    mübtəda vəzifəsində çıxış edən əvəzlikdən sonra feil gəlsə, vergül qoymaq olmaz.
    məsələn: "o, qaçır", "o, yeriyir", "o, döyülür" və s.
    yuxarıdakı 3 örnəyin hər birində fonetik norma pozulub, ona görə ki vergül qoymaq olmaz.

    düzgün yazılışı: o qaçır. o yeriyir. o döyülür.
    qeyd: cümlədə feil ilə xəbər vəzifəsində çıxış edən söz və ya söz birləşmələrini qarışdırmayın.
    "o, uşaqdır" cümləsində fonetik norma pozulmayıb. ( mən bayaqdandır fonetik norma deyirəm, bir-iki cümlə ilə nə olduğunu izah edim: cümlədə durğu işarəsi, sözdə hərf səhv yazılıbsa, fonetik norma pozulmuş hesab edilir. geniş yazacağam) feil dedikdə hərəkət olması gərəkdir və "nə edir" kimi ,- bunun timsalında törəmələrini də qeyd etmək olar: "edirdi", "edəcəkdi", "edərdi" kimi ,-sual tələb edir.

    bunlar əsas qaydalardır. zənn etmirəm ki, bununla bağlı başqa qayda qaldı. əgər qalıbsa, əlavə edəcəyəm. -*

    4 əjdaha!

    28.06.2020 00:09, sistem robotu

    2 əjdaha!

    17.07.2020 09:49, qarğıdalı
    7. Əskik sözünü əksik kimi yazmaq

    0 əjdaha!

    17.07.2020 09:54, Alfa
    8. Nəsiminin yuxarıda şərh olunan misrasında səhv yoxdur ,çünki Nəsimi bu misrasında qeyri-qəti gələcək zaman şəkilçisi (-ar) və onun inkarını ( -maz) istifadə etdiyi sığar-sığmaz feilini cümlənin xəbəri funksiyasında substantivləşmiş feili-sifət kimi düşünüb yazıb. izahı olan mənbə :Buludxan Xəlilov "Azərbaycan dilində feil" Bakı ,Adiloğlu-2018 . səh. 143. l burdan baxa bilərsiniz link

    4 əjdaha!

    30.07.2020 12:08, Elli


üzv ol