+5 əjdaha
1. Avstriyalı post metal, post rock qrupudur. Omerata adlı qrup dağılandan sonra qrupun yaradıcısı Mark Owen öz dostlarını ətrafına yığaraq yeni qrup yaratmaq fikrinə düşür. Ona görə də ilk təkliflərini Grant Warner və Brendon Warner qardaşlarına edir. Daha sonra yaxın dostu Chris Torpy də qrupa qoşulur. Qrupun adı düşünülüb qoyulmuş bir ad deyil sadəcə ümidsizlik, heçlik, kədər qavramlarını bir araya gətirmək məqsədilə seçib qoyublar.Qrupun ilk albumu Krım müharibəsindən danışılan Crimea olur. Beynəlxalq səviyyədə uğur qazanmasa da debut olaraq yaxşı albumdur. Bu albumla qrup əsasən ukraniyanın da yer aldığı orta - şərqi asiya eləcə də rusiya tarixi ilə maraqlı olduqlarını diqqətə çatıdırıb.
Qrupun ikinci albumu olan The Quietest Place on Earth yazıldığı zaman ilk albumda yer alan qardaşlar qrupu tərk edir yerlərini Omerata ilə köhnə dostu olan Matt Harvey alır. Albumun qeydləri amerikada olur. Lakin qrup Chris Torpy'ni intihar nəticəsi ilə itirir və bu qrupu çox zədələyir. Qazandıqları gəlirləri və verdikləri konsertlərdən gəlirlərin hamısını Avstraliyada bir quruma dəstək məqsədilə verirlər. Bu qurum əsasən anxiety, depression kimi sindromlardan əziyyət çəkən insanların intihar etməməsi və onların yenidən qazanılması ilə bağlı qurumdu.
Qrupu dünyaya təqdim edən eləcə də ən yaxşı albumları olan Departure Songs üçüncü işləridir. içində demək olar ki, boş iş yoxdur. Başlanğıc mahnısı A Gallant Gentleman ilə tanış olmuşam qrupla. Daha sonra bu parçanı Netflix serialı olan After Life'da da eşitmə imkanım oldu. Full albumu burdan dinləmək olar hələ ki
(youtube: 
)
)Albumun ikinci mahnısı olan Bogatyri isə HBO serialı olan Chernobyl'in də qeyd elədiyi kimi 1986-cı ildə baş vermiş məlum hadisə ilə bağlıdır. O zaman partlayış zamanı növbəti partlayışın qarşısını almaq və isti radioaktiv maddələri soyutmaq məqsədilə bir qrup xilasedici fanar ilə aşağılara enir amma yüksək radiasiya nəticəsilə fanarlar pozulur. Xilasedicilər həmin su borularını əlləri ilə taparaq açdıqları üçün ukraniyada onlara qəhrəman Bogatyri adı verilir.
Albumun ən sevdiyim parçası isə sonda olan Challenger adlı Flight və A Swan Song'dur. ikinci hissəsi çox dərindi və nə zaman dinləsəm kədəri bədənimin hər hücrəsində hiss edirəm. Bəzən rahatlıq bəzənsə narahatlıq bəxş edir.
Qrupun son albumu olan Triumph And Disaster isə daha çox sludge metal və post metal janrına trend olub.