şəhid ailələrinə pul toplanması



əjdaha lazımdı   googllalink

    1. Sosial şəbəkələrdə bu cür yardım toplayan səhifələrə rast gəlirəm, heç birinə güvənmədiyim üçün də baxıb keçirəm, ümumiyyətlə bu cür fəaliyyətlə məşğul olan qurumlara da, qeyri kommersiya təşkilatlarına da inamım qalmayıb artıq, böyük ehtimal göndərilən yardımların böyük bir qismi öz təyinat yerinə çatmır. Amma bu məsələ ilə bağlı bir problemim yoxdur, istəyən istədiyi qədər pul toplasın.
    Problem dövlətin şəhid ailələrinə baxa bilməməsidir. Ancaq yeri gələndə çıxıb "bizim şəhidlərimiz var" , " şəhidlərimizin qisası alınacaq" deyim prim yığmağı yaxşı bacarırlar. 1 il ərzində Pox-püsürə xərclədikləri pulun 1 faizi belə bu cür ailələrin normal yaşaya bilməsi üçün bəs edərdi. Əgər mən öldükdən sonra ailəm bu vəziyyətə düşəcəksə, elə dövlətə günahımı belə vermərəm.
    2. özü acından ölən xalqın şəhidinin ailəsinə yardım təşəbbüsüdür. qürur verdiyi qədər də acınacaqlıdır.
    3. fikir olaraq pisləmək düzgün deyil əslində. ortada reklam üçün yalandan canyananlıq edən manıs tayfasından savayı adını açıqlamaq istəməyən iş adamları bu və bunun kimi hallarda külli miqdarda yardımlar edirlər. bəlkə də, bunlar da o məqsədlə belə bir fikir ilə çıxış edirlər, amma son hadisələrdən öz mənfəətinə görə çox istifadə edən oldu deyə heç kəs inanmır. doğru və ya səhv, dəqiq fikir də söylənilmir.

    bundan başqa, biz əgər hər şey üçün pul toplayacayıqsa, insanların illərlə verdikləri vergilər hara gedir bəs? prezident demək olar ki, ən kiçik dövlət müəssisəsinə belə pul ayırarkən insanların bu durumunu niyə qulaq ardına vurur? və ya bir hərbçi ailəsinin niyə yardıma ehtiyacı olmalıdır ki?
    4. indi də əsgərlərin bank borcunu paylaşan kim, ayağını itirmiş əsgəri evə aparmaqçün araba lazımdı deyən kim,

    bəs noldu ilham? ən yüksək şəraitdə hamısının qeydinə qalınacaqdı?
    5. Əslində pis bir şey deyil, insanların bir-birinə dayaq olmağa çalışması, əlindən gələni etməsi hər halda təqdirə layiqdir. Amma mənə çatmayan bir şey var, pul yığan, şəhid, qazi ailələrinin maddi ehtiyaclarını ödəmək üçün dəstək aksiyalarını təşkil eləyən tanışlarımın hamısı "rəis"çilərdi. #310558 entry'də deyildiyi kimi, bəs noldu ilham? Gedib soruşsan da deyəcəklər ki, "indi başı qarışıqdı, prezidentimiz bir müddət sonra bütün ehtiyaclarını qarşılayacaq. Biz müsəlmanıq, bir-birimizə kömək eləməliyik, onlar bizim üçün şəhid/qazi olublar" və s.


sən də yaz!