pankek



əjdaha lazımdı   googllalink

    1. hazırlanması asan və əyləncəli olan, şəxsən dadı çox xoşuma gələn şirniyyat. nə vaxt sıxılsam bişirirəm niyəsə, həyatdakı tək-tük uğurlarımdan biri yaxşı pankek bişirmək olsa gərək. başlığın açılmadığını görüb yazım istədim.
    3 il bundan əvvəl lvov şokolad evində 3 balaca pankek üçün 6 manat ödəyəndən sonra özüm niyə bişirmirəm deyə düşündüm. xeyli xeyli resept yoxlayandan sonra tapdığım ən yaxşısını sizinlə paylaşım.

    2 yumurta və yarım stəkan şəkər tozunu 1-2 dəqiqə köpüklənənə qədər çırpın. sonra 1/3 stəkan duru yağ əlavə edib biraz daha qarışdırın. daha sonra 400 ml süd, 3 stəkandan 2 xq az un, 1 paçka vanel və qabartma tozu əlavə edib hamısını qarışdırın. keks xəmirindən biraz duru, qaşıqdan axan xəmir olmalıdır. sonra rahatınıza görə qaşıq və ya çömçə ilə yapışmayan tavaya töküb bişirin.

    diqqət etməli olduğunuz əsas məsələ, tavaya çox yağ dökməyin və tavanın yetərincə isti olduğundan əmin oldun. ən yaxşısı çay qaşığnın yarısı ilə duru yağı tökün tavaya, fırça və ya salfetlə yağlayın tavanı.

    pankekin üzərində kiçik qabarcıqlar yaranmağa başlayanda çevirin. çox gözləsəz, üzü də bişəcək və çevirəndə yaxşı qızarmayacaq. nəticədə bir tərəfi çox qızarmış, bir tərəfi ağ pankek olacaq. çalışın qabarcıqlar yaranmağa başlayanda çevirin.
    bal, moloko, nutella, şokolad, karamel, banan, kefiniz nə ilə istəsə yeyə bilərsiz. banan və karamel qarışığı favorimdir. əridilməmiş, kiçik plitka şokolad(nestle xüsusilə) kubikləri ilə də olduqca dadlı olur. nə isə sualınız olsa bir mesaj qutusu uzağınızdayam jdgsfa
    nuş olsun!
    2. cild problemlərim üzündən artıq 6 aydan çoxdur ki yeyə bilmədiyim qida. tərkibindəki süd ayrı, şəkər ayrı, un ayrı, qabartma tozu isə tamam ayrı bir dərddir. bu baxımdan özümə alternativ və sağlam pankek bişirirəm, nə qədər dadlı olur deyə bilmərəm amma heç yoxdan yaxşıdır:
    qaralmış orta boy bananı əzirik və 1 yumurta əlavə edib mikserlə yaxşıca qarışdırırıq. sonra isə içinə apardığı qədər yulaf unu(kokos unu, badam unu da ola bilər) əlavə edib qarışdırırıq. unu çox tökməməyə çalışın, 5 dəqiqə gözləyəcəyik ki yulaflar biraz şişsin. sonra isə salfetka ilə duru yağ çəkdiyimiz tavada orta istilikdə qızardırıq.
    adi pankek bişirərkən diqqət etməli olduğunuz şey tərkibindəki hər şeyin otaq tempraturunda olmasıdır. yaxşı qabarmasını və yumşaq olmasını istəyirsinizsə yumurtanın ağını sarısından ayırın və kənarda çalın. hər şeyi qarışdırdıqdan sonra ən sonda yumurtanın ağını 3 hissəyə ayırıb yavaş yavaş əlavə edin, çox da qarışdırmayın ki sönməsin. belə etməklə 2 üsul istifadə edərək qabardacaqdınız pankeki. üçüncü bir üsul da var amma çox uzundu və özüm sınamamışam deyə demirəm.
    3. sağlam qidalanan və pankek sevən dəyərli sözlük yazarları üçün ideal resept -* uzun müddət sağlam pankek reseptləri yoxlamış biri olaraq deyirəm mütləq yoxlayın.deməli 5 y.q yulaf,1 balaca banan (böyükdüsə 2/3-si), 1 y.q qatıq,1 yumurta,1 ç.q qabartma tozu (çayni soda da olar).blenderdən keçirib alınan qarışımı adi qaydada bişirin.vəssalam.hazırlanmağının rahatlığı da ekstra -*
    5. ingilis dilindən tərcümədə "tava kökəsi" .


sən də yaz!