komendant saatı

1. xüsusi *pandemiya* vəziyyətində, yaxud hərbi və ya mühasirə vəziyyəti elan edildikdə, müəyyən saatlarda xüsusi icazə olmadan küçəyə çıxmağın qadağan edilməsidir. bu halda vətəndaş xüsusi icazə vərəqləri olmadan müəyyən edilmiş saatlarda küçəyə çıxa bilməz.
komendant saatının tətbiq edildiyi bölgədə qaydanı pozaraq icazə vərəqi olmadan küçəyə çıxan şəxslər inzibati qaydada məsuliyyətə cəlb olunur.
mövcud hərbi vəziyyətlə əlaqədar təxribatlara qarşı 28.09.2020 tarixindən *azərbaycan*ın bəzi rayon və şəhərlərində də komendant saatının tətbiqinə başlanıldı. prezident *ilham əliyev*in imzaladığı fərmana əsasən, hərbi vəziyyət dövründə müəyyən edilmiş şəhər və rayonlarda* Bakı, Gəncə, Sumqayıt, Yevlax, Mingəçevir, Naftalan şəhərlərində, Abşeron, Cəbrayıl, Füzuli, Ağcabədi, Beyləqan, Ağdam, Bərdə, Tərtər, Goranboy, Göygöl, Daşkəsən, Gədəbəy, Tovuz, Şəmkir, Qazax və Ağstafa rayonlarında saat 21:00 - 06:00 ərzində küçəyə çıxma qadağası qoyuldu.
amma və lakin, xalqımızın bu qadağaya yetərincə məhəl qoyduğunu düşünmürəm. kaş insanlar biraz daha məsuliyyətli və diqqətli olsalar hər ehtimala qarşı.

2. Və ya ingiliscə qarşılığı ilə "curfew". ilk dəfə ingiltərədə *Fateh Vilhelm* tərəfindən axşam 8-dən etibarən evlərdəki bütün şamların və alovların söndürülməsinin əmr edilməsi ilə bağlı yaranan anlayışdır. Sözün etimologiyası da elə buna işarə edir: curfew -> couvre-feu (fr.) --> "alovu qapatmaq" deməkdir.

indikinin əksinə ilk ortaya çıxdığı kontekstdə ifadənin "küçəyə çıxma qadağası" ilə əlaqəsi olmayıb. Elə məqsədi də indikindən tamamilə fərqli olub: binalar taxtadan olduğu üçün meydana gələ biləcək potensial yanğının qarşısını almaq. Ancaq, təəssüf ki, bu qədər həngamə Londonu ən sonda Böyük Yanğından xilas edə bilməyib.

komendant saatı

Yalnız deyilsən!

Yalnız deyilsən!