30 yazar | 41 başlıq | 85 entry
yenilə | gündəm

#son entrylər 85 yeni entry

yazarların 2021-ci il spotify xülasələri 9 rihanna 7 qəribə təsadüflər 5 çay vs qəhvə 4 nevabigg   rihanna 7 şereşevski-terner sindromu   qışda ən çox sevilən meyvələr 3 kenquru söz   alabama   yazarların 2021-ci il spotify xülasələri 7 rüstəm ismayılbəyli   söylə yadındamı   güldürən dialoqlar   azərbaycan polisi 2 qəbir daşına yazılacaq sözlər 2 dədə   qaraqan   lazımsız məlumatlar 3 ataya demək istədiklərimiz   toyuq dönəri   maliyyə piramidası 2 başlıqları alt alta oxumaq 2 tofiq yaqublu   dekabr 2 evlilik   sözaltı günlük 2 #sözaltı music   baxılası youtube videoları   balxaş   şah ismayıl xətai   moise kean   federico chiesa   qəribə təsadüflər 4 keçən ayın ən bəyənilənləri   atom emission spektroskopiya | elm   green card   bilemiyorum altan bilemiyorum   qrip   lewis hamilton   iel   gecəyə bir mahnı paylaş   əsəb pozan şeylər   ənnağı   lütfi zadə | elm   30 noyabr 2021 xızıda hərbi helikopter qəzası   azərbaycan türkü yox azəri   ən yaxşı azərbaycan mahnıları   sırğa taxan oğlan   cəmiyyətə demək istənilənlər   petux   spider-man | kino   umbaylama   21-ci əsrin ən yaxşı qapıçıları   azəriqaz istehsalat birliyi   uzağın bir adı var   all models are wrong, some are useful   yaran lətifələr   bitməsi istənən şeylər   azərbaycan   yazarların hazırda düşündükləri   paypal   thomas tuchel   gianluigi donnarumma   lautaro martinez   ballon dor-a layiq olub onu qazana bilməyən əfsanəvi futbolçular   ballon dor   ali koç   benedict de spinoza   içki içərkən dinlənəcək mahnılar   porno izləyən qız   özgür demirtaş   azərbaycan kooperasiya universiteti   ielts   sözaltı fotoqrafiya   voleybol   hilma af klint   sözlük yazarlarının dinləməkdən bezmədiyi mahnılar  









cahil xoşbəxtliyi



facebook twitter əjdaha lazımdı   googllalink
yaradıcı ağıllı gözəl insanların yalnız olması - azərbaycanda günü-gündən artan şeylər - bilmədiyi mövzu haqqında danışan insan -
/ 2 »


    1. Baxıb "kaş, məndə də olsa" dediyim şey. Necə mübarək insanlardır cahil insanlar. Bizim kimi ürəyi partlamır, dərd eləmir. "5 günlük dünyadır, düşünmə" deyib, yaşayır. Bu dəqiqə Bakı şəhərində "cahil xoşbəxtliyi nədir və necə olur?" sualına cavabı əyani olaraq izləyirəm.

    14 əjdaha!

    10.11.2020 21:15, adekvat insan
    2. Bütün Azərbaycanı bürümüş hadisədir. Millət sevinir, bozqurd işarələri, bayraqlar. Amma düşünən yoxdur ki, o sülhməramlı qüvvələr gürcüstana neynirdi, Moldovaya neynirdi. iki xalqın bir yaşamasına razı olmaq olar, biz onlar kimi faşist deyilik. Amma sülhməramlı qüvvələr, vegetarian canavarlara bənzəyir -*
    3. Yol o qədər tıxacdır ki,təcili yardım maşınına belə yol tapılmır bu saat.əlavə polis qüvvələri yollarda gücləndirilmiş növbədədirlər.sevinməyi belə bacarmır bəzilərimiz...

    8 əjdaha!

    10.11.2020 21:35, qocababa
    4. Yenə müxalif olmaq durumundayam. Hərdən deyirəm ki, bir dəfə də hamı deyəni de, amma başa düşürəm ki, onda mən gərək sözlükdəki hesabımı deaktiv edim.
    Açığı, bu qarabağ situasiyasının şəxsən mənə bir isti-soyuğu yoxdur. Nə oralı deyiləm, nə o qədər vətənpərvər. Amma bu gün mən hamıdan əvvəl düşdüm küçələrə, boğazım yırtılana qədər qışqırdım. Ayağım qopana qədər oynadım, nə bilim yallı getdim, qazilərin qarşısında baş əydim, bayrağımıza bükülüb tanımadığım şəxslərlə şəkillər çəkdirdim.
    Mən cahiləm. Cahiləm ki, millətimə və özümə 30 ildə bir xoşbətçiliyi, bir qələbəni (hər nə qədər “yarımçıq”, müddəalı da olsa) çox görmədim. Cahiləm ki, millətim və özümdə hiss etdiyim “kutlama” ehtiyacını doya-doya yaşadım, yaşatdım. Cahiləm ki, orada bizlə birlikdə ağlayaraq qol qaldırıb oynayan şəhid analarını görüb bir az da inandım nəyisə qazandığımıza. Ona yüzlərin əl çaldığını görüb qəhərlənən qazi bəyimi görəndə tüklərim biz-biz oldu.
    Fəqət evindən bayıra çıxmayanlar bu mənzərələri görmədilər. Axı onlar cahil deyillər.
    Mənə maraqlıdır kimdir burada cahil. Əslində bu gün mən həmişə hər şeyə müxalif çıxan əxlaqsız əxlaqlı deyildim. Çoxluğun içində itib-batan, amma yenə boğazı tökülənə qədər bağıran vətəndaş idim. Cahiləm. Xoşbəxt cahiləm.
    5. müharibə bitdi (əgər ciddən bitdisə) və yenə xalqdakı o müvəqqəti birlik dağıldı. yenə azərbaycanda yayılmış sürü psixologiyası geniş vüsət aldı. yenə başa döndük. tarix həqiqətən də təkrarlanırmı yoxsa? əsəblərim pozulmasın deyə televizoru açmıram, insanlarla müzakirə etmirəm, xəbərləri oxumamağa çalışıram. xülasə, bu coğrafiyada sadəcə cahillər və yaltaqlar xoşbəxt ola bilər.

    10 əjdaha!

    10.11.2020 22:48, noorchester
    6. Özündən fərqli düşünəni neanderatal, siyasi müzakirə aparanı politoloq, oturub gələcəyi analtik olaraq düşünəni vətən xaini adlandıran insanlara məxsus davranış. Qısacası bu xüsusiyyətə sahib insanla fikir mübadiləsi yürütməyin

    4 əjdaha!

    10.11.2020 23:15, curiosus
    7. Dünən gecədən başlayaraq ölkənin bütün rayon və şəhərlərində,küçələrində bir dəstə,qrup,qəbilə formasında kasıblarının 06,07 markalarla biraz varlılarının xarici "inomarkalarla" etdiyi,artıq vəhşiləşməyə doğru getdiyini düşündüm hal-vəziyyət. Ümid edirəm ki bu qəbilə formasında vəziyyətdən sui istifadə edib insanların rahatlığını pozub yollarda təhlükə yaradan gədə güdələrin cahil xoşbəxtliyinə sabah polis bir son qoyacaq.
    8. (#310118) entryə tam olaraq haqq verdiyim hadisədir. Müharibə təzə başladığı vaxt insanlar küçələrə axışdığında qışqır-bağır salan avto-xuliqanlar tərəfindən köhnə yaşadığım ərazidə bir pişiyin üstündən maşınla keçmişdilər, özü də bilə-bilə.

    Deməli hadisə belə olub (bunu pəncərədən görən şəxs danışır); yoldan keçməyə çalışan pişiyin üstünə vəhşiləşmiş vətənşüvən, maşınını sürətlə sürür və vurmağa çalışırdı. O an "pişiyin bəxti gətirib" deyərkən arxasından gələn maşın yazıq heyvanın düz üstünə çıxıb. Heyvan havada uçub və təkrar yolun ortasına düşərək ölüb. Buna əhəmiyyət vermədən də yollarına davam ediblər. Həmin bu hadisəni pəncərədən görən şəxs gedib nəşini yoldan çıxarıb və basdırıb. indi bax bunu kimə şikayət edəsən? Hay sənə də, sevincinə də.

    Bu gün isə daha başqa bir hadisəyə rasladım. Ara küçələrin birində balaca uşağın əlinə bayrağı veriblər, uşaq pəncərədən nəyi var aşağı boylanıb və maşın da sürətlə hərəkət edir. Ay axmaq, başqalarına hörmət qoymursan, cəhənnəm. Maşında uşaq var axı bu nə tupoyluqdur?! Özlərini hisslərə qapdıraraq nə gəldi etmələri dəhşətlidir. Heç çoxunun nəsə hiss etdiyini də düşünmürəm, sadəcə bilirlər bunu edəndə polis heç nə etməyəcək, ağızlarını qoyub allah yoluna qışqırırlar. Nəm əsəbləşdim

    2 əjdaha!

    11.11.2020 00:59, Elimelikov06
    9. Olması bir dərd, olmaması başqa dərd olan mövhüm. Çox qarışıq mövzudu mənim üçün.
    Hamımız elə küçələrə axışmış insanları nəzərdə tutaraq yazırıq. indi bir neçə istiqamətdə baxaq və niyə hər bucaqdan səhv tapa biləcəyimizi aydınlaşdıraq: kütlənin çıxması/çıxmaması. Çıxıb sərt şəkildə qovulması/qovulmaması.

    Kütlənin çıxması- xaos yaradır, xəsarət yetirə bilər. Bu gün elə evin yanında qəza oldu şütüyən maşınlara görə, itki var. Həmçinin bəzilərimiz (yaxşı, bu say daha çoxdur) bayram etməyi bacarmırıq, çox səsküylü və narahatediciyik. Həmçinin buraxılan bəyannamənin anormallığı və sonrakı vəziyyətlə bağlı suallar bu kütləni anlamağı daha da imkansız edir.

    Kütlənin çıxmaması- utopik haldır. Amma fərz edək ki, camaat anladı ki, nəsə qeyri-müəyyənlik var, pandemiya var, şəhidlərin sayı açıqlanmayıb (səbəblər nümunədir) və buna görə çıxmaq yox gözləmək lazımdır. burda cavab qısa və konkretdir: bir digər kütlə çıxacaqdı, hansı ki "oğraşlara bax e, hamısı erməni qanındandı, torpaqlarımıza qayıdırıq, bunlar partlayır deyənə çölə çıxmır, şadlığımıza şərik olmur" deyəcəkdi.

    Kütlə çıxdı və pandemiya, təxribat və minlərlə digər bəhanə ilə amansızlıqla qovuldu, xiyabana buraxılmadı (polisimiz də bacarır bu işi, PhDsini ediblər)- burda da cavab özü gəlir: "iqtidar poxdu! görürsüüüz? Əimkan vermədi xalq sevincini yaşasın, çünki qorxur kütlədən, qorxur ki, öldürərik onları, bilir ki, uduzmuşuq, ona görə buraxmır camaatı çölə, qoymur şəhidlərin ruhunu yad edək (söz ishalı nümunədir) istefa! istefa!" tipli yazılar bütün sosial medianı fırlanardı. Hətta bizim ədalətsizliyə heç bir zaman susmayan, dahi, rasional karikaturistlərimiz ( məs. gündüz ağayev ) ərinməyib karikatura da çəkərdi bu barədə.

    Kütlə qovulmadı ( indiki vəziyyət)- birinci bənddəki kimi, sadəcə bir az daha artıq. Məsələn əgər indi komendant saatı olmasa idi, hələ də şəhərdə idilər. Yüksək səslə mahnı, çox güman içkili qaqalar, çox güman dava filan da düşərdi, kimsə dəqiq ölərdi. Bala-bala açarlarını itirərdilər və nəticədə təhlükəsizliyimizə də zəmanət verilməzdi.

    Bilmirəm, bəlkə çox umbayskoy mülahizələr yürüdürəm, amma necə deyərlər, hamının sözünə qulaq assaq, gərək eşşəyi belimizə alaq. Mən bu gün çölə çıxmadım. Çıxmağa cəhd də etmədim. Mədhiyyə tərzində status da yazmadım, ulaşma statusu da yazmadım. Bir fərd kimi, öz istədiyimi elədim bu gün. Camaatın da çöldə olmasını qəbullandım, azacıq xoşbəxtlik hamının haqqıdı. Əsas da 3 onillik (reallıqda isə daha çox) əzilən xalqın. Cahil olsalar belə, bu gün onların olsun, sonra onsuz da poxa bir yerdə keçəsiyik.
/ 2 »



üzv ol