1. Yunan mifologiyasında ilan saçlı, baxışlarına tuş gələnlərin daşa döndüyü qadın. Qorqondur. Əslində mən pis oluram medusaya. Haqsızlığa uğrasa da, cəzanı o çəkir. Bu yunan tanrı, tanrıçalarəndan da baş açmaq olmur.
Deməli, Medusa 3 bacı arasında yeganə ölümlü olan, çox gözəl qız imiş. Xüsusən də saçlarının gözəlliyi dillərə dastan olubmuş. Hətta o qədər gözəl imiş ki, tanrıça Atena onu qısqanar, tanrı poseidon isə aşiq imiş. Medusa atena məbədində bakirə rahibə olmaq andı veribmiş. poseidon medusanı atenanın məbədində zorlayır. Amma bilin görüm cəzalanan kim olur? Medusa. Atena bu olanlardan çox hiddətlənir, medusanın o gözəl saçlarını ilanlara çevirir və baxdığı adamların daşa dönməsi barədə lənət oxuyur. Hətta içi soyumur. Onu öldürtmək üçün perseyə kömək edir. Hətta başqa tanrılar da perseyə kömək edir. Hermes ona qanadlı sandalet, atena qalxan, hades də görünməzlik verən dəbilqə verər. Persey meduzanın başını kəsəndə peqasus və xrizaor (ingiliscə yazılışı chrysaordur) doğulur. Digər versiyada isə meduzanın dənizə qarışan qanından yarandıqları deyilir. Persey evə qayıdanda poseidonun dəniz canavarını öldürür, şəhzadə andromedanın əlini qazanır, onun əvvəlki nişanlısını da medusanın başı ilə daşa döndərir. Yolüstü titan atlası da bir daşa döndərim düşünüb ki, onu da daşa döndərir. Və atlas dağlarının bundan sonra yarandığı deyilir. Onu başından edib, anasıyla evlənmək üçün onu 100 cür çətinliyə yollayan polidektes və heyətini də daşa döndərir. Sonda isə başı atenaya qaytarır. Atena isə başı qalxanına taxır.
Ps. Əfsanənin bəzi fərqliliklər göstərən versiyaları var. Mən yazan ovisin və
Müasirlərinin üstünlük verdiyi versiyasına yaxındır, daha sonrakı versiyadır. ilkin versiyada medusa digər bacıları kimi bədheybət dünyaya gəlib.
Medusa o qədər gözəl idi ki, yer üzündəki bütün qadınlar onu qısqanırdı. Lakin bunu vecinə almayan özünü Tanrılara həsr edən bir qadındı. Heç vaxt evlənməmişdi. Athenanın məbədində iki bacıları ilə yaşayırdı. Athena əslində onu görmüşdü, lakin özü qədər ağıllı və gözəl olmadığını düşünmüşdü. Dənizlər tanrısı poseidon (Kronos`un 6 övladından biri) bir gün aşiq olduğu qadın olan Medusaya Athenanın məbədində təcavüz edir. Medusa yenə tanrılara sığındı, amma bir müddət sonra Athenanın bu hadisədən xəbəri oldu və Medusayı dünyanın ən çirkin varlığına çevirdi. Medusa ilə birlikdə iki bacı qorqon da Medusa kimi çirkin varlığa çevrildi. Artıq medusaya baxan hər kəs daşa çevriləcəkdi. Athena bu etdiklərindən qane olmur və Zeusun yarı tanrı oğlu olan Persey`ə Medusanın başını kəsməsini istəyir. Tanrılar ona fərqli hədiyyələr verdi.Hədiyyələr yuxarıda yazılıb deyə yazmayacam.
Medusanın ölümü ilə bağlı iki rəvayət var.Birincisində persey Medusanı o yatarkən Hadesin ona verdiyi hədiyyə vasitəsilə başını kəsir. Digər rəvayətdə isə Athenanın verdiyi qalxan ilə Medusanı daşa çevirir.Poseidondan hamilə qalan Medusanın qarnından Pegasus ilə Hrisaor doğur. Athena Medusanın başını qalxanına bağlayır.
Məlum olduğu kimi antik yunan ataxaqanlığının hökm sürdüyü bir cəmiyyət idi. Sadəcə bu hekayədə deyil, yunan mifologiyasının başqa hekayələrində sosial cinsiyyət bərabərsizliyi görülür.Məs: Dimetirin qızı persephone`un onun razılığı istənilmədən hades tərəfindən qaçırılması. Yunan mifologiyalarında qadına təcavüz də çox var. Babil mifologiyasında da Tiamat`ın öldürülməsi göstərilə bilər, ya da misir mifologiyasında isis`ə edilən haqsızlıq.
Bu hekayənin bəzi mesajları var. Medusa kimi gözəl olan qadınların diqqət çəkməmək üçün örtünməyi kimi. bəzi kişilərin öz iradəsinə hakim ola bilməməsi nəticəsində təcavüzə məruz qalan qadınlar cəmiyyət tərəfindən damğalanar, hətta daşlana bilər. Əslində antik dövrə dayanan mifologiyalar bizə cəmiyyətdəki problemləri, insanların təbiətlə olan münasibətlərini və o cəmiyyətin siyasi məsələlərini bizə göstərir. Məs: Misir mifologiyasında Osiris ilə set arasında gedən döyüşlər Yuxarı və aşağı misir arasında gedən münaqişələri əks etdirir.
)