+11 əjdaha
1. bu sifarişi verən: mcmurphy60-cı illərdə qərbi avropa və amerika rokunun təsiri nəticəsində inkişaf etməyə başlayan və həmçinin bard musiqisinin təsi etdiyi rusdilli rok musiqi. ilk yarananda vahid ideya, mədəni cərəyan kimi olsa da, hal-hazırda rus roku, demək olar ki, bütün mümkün rok janrlarını ehtiva etdiyinə görə daha geniş anlayışa çevrilib. Çox geniş məlumat olduğundan hələlik yaranması barədə yazacam. Umbaylanmasa, bəlkə davam edərəm.
ilk yaranan müstəqil qruplar Moskva və Leninqradda (indiki Sankt-peterburq) *bitlomaniya* dövründə yarandığına görə caz, tvist, rok-n-roll tərzində və məşhur xarici mahnıların kaver versiyalarını ifa edirdilər. ilk qruplara ingilisdilli "Slavyane" (səsyazması qalmayıb), ilk dəfə rusca rok mahnı ifa etmiş rus roku əfsanəsi "Sokol", qərb üçün belə qeyri-adi səs effektlərindən istifadə edən "Skifi"(skiflər), "Skomoroxi" aid edilir. Həmçinin 60-ların sonu, 70-lərin əvvəlində yaranmış bəzi qruplar (" Mashina vremeni", "Udachnoe priobretenie", "Akvarium") 70-lərin ulduzu idi və hələ də fəaliyyət göstərir.
Təəssüf ki, 60-larda yaranan müstəqil qrupların bir neçə problemi var idi:
1. Səsyazma studiyalarının azlığına görə həmin dövrlərdən səsyazmalar çox azdır.
2. Sovet dövründə işsiz adam olmadığına görə təhsil alan müstəqil qrup üzvləri daha sonra ya öz ixtisasları ilə işləməli idilər, ya da rəsmi vokal-instrumental ansambla daxil olmalı idilər. Ona görə də qruplar ya bu səbəbdən, ya da üzvlərin xaricə köçməsi səbəbindən çox tez dağılırdı.
3. Senzura səbəbindən onlar çox dar fəaliyyət göstərə bilirdilər.
Buna baxmayaraq inkişaf davam edirdi. 66 və 69-cu illərdəki ilk rok festivallar, 1968-72-ci illərdəki Yerevan festivalları, 1972-ci ildə "Nu, poqodi!" Animasiyasındakı itlərin rok qrupuna mahnı ("U popa bila sobaka") yazan "Olovyannie soldatiki", ilk maqnitoalbomlar, samizdat "bit-exo" jurnalı və sairə bu inkişafın göstəriciləri sayıla bilər.
Müstəqil qruplardan əlavə rəsmi vokal-instrumental ansambllar da zamana uyğun olaraq roka bənzər musiqi, kaver musiqilər ifa edirdilər. Sadəcə onların yaradıcılığı daima xudsovet tərəfindən yoxlanıb təsdiqlənirdi. Bu gedişatla razı olmayan müstəqil qruplar özfəaliyyət yolunu seçirdilər və bununla rəsmi val (plastinka) buraxmaq şanslarını itirirdilər. Lakin əgər hansısa universitetə və ya fakültəyə bağlı idilərsə, hələ də səhnədə çıxış edərək konsert verə bilirdilər.
70-ci illərin moskvada ən çox rok konsert verilən məkanı Moskva energetika institunun "Energetik" mədəniyyət evi idi. Hətta bir konsertdə dinləyicilər çuqun darvazanı aşırmışdı və asayişi bərpa etmək üçün atlı polislər hadisə yerinə gəlmişdi. Konsertlərin çox olduğu bu dövrdə studiya səsyazmalarından çox konsert səsyazmaları ev şəraitində (bir maqnitofondan digərinə yazılaraq) yayılırdı.
Ümumilikdə isə 1960-cı illərdə daha yumşaq, melodik, akustik, 1970-ci illərdə isə proqressiv-rok, hard-rok kimi elektro tərzlər üstünlük təşkil edirdi. Ona görə də 60-lardan ilhamlanaraq 70-lərdə yaranan qrupların ifası daha fərqli idi. 80-lərdə isə artıq mövzuya pank və "new wave" janrları daxil olmağa başlamışdı ki, bu da köhnə və yeni nəsil arasında mübahisələrə səbəb olurdu. 80-lər isə başqa inkişaf fazasıdır.