amerikanka vs servis maşını — ən bəyənilən yazılar

+6 əjdaha

1. amerikanka maşınlar amerikan saytlarından, xüsusən də aksiyon saytlarından əzilmiş, vurulmuş halda alınıb ölkəyə gətirilirlər.

servis maşınları isə sırf azərbaycan üçün nəzərdə tutulub modifikasiya edilmiş və rəsmi servislərdən satılmış maşınlar olur. ikinci əl kimi qiyməti biraz amerikankadan baha olur.

servis maşınlarının zapçastları nisbəten daha tez tapılır.

amerikanka maşınlar isə çox vaxt full komplektasiya olurlar və servis maşınlarından çox vaxt daha qəşəng olurlar.

+6 əjdaha

2. Amerikanka - amerika qanunlarına, qaydalarına və export şərtlərinə uyğunlaşdırılmış maşınlardır.
Bunun Yaponka, Nemka(almaniya üçün olan) versiyaları da vardır. Bu terminlər rus dilindən dilimizə keçdiyi üçün xalq deyimində belə deyilir, yəni "amerikanka" , “nemka” qavramları mövcud deyil.

Məsələn hamının bildiyi bmw 540 modelinin amerikanka modeli ilə nemka(almaniya üçün olan versiyası) versiyasını müqayisə edək. Bəli, deyəcəksiniz ki, bmw-ni elə Almaniya istehsal edir, bu nə absurd versiya və müqayisədir. Xeyr, bu elə deyil, bmw 540 modeilini yaponiya da istehsal edir, amma sol sükanla(sadəcə yaponka, yəni yaponiya üçün olan).
bmw 540 modeilinin nemka yoxsa amerikanka olmasını isə daha çox arxa kapot hissəsindən, nömrə yerindən(amerikada nömrələr kvadrat olduğu üçün, amerikankalarda kvadrat nömrə olur) və Amerikan park fənərlərindən(həmişə yanan narıncı fənərlər və ya bumperlərdəki narıncı reflektorlardan) bilmək olar. Hər ölkənin öz yol hərəkətinə uyğun qaydaları olduğu üçün də bu versiyalar 40-50 il öncədən başlayaraq ortaya çıxmağa başlamışdı.

Amerikanka vs servis maşını qarşılaşdırmasına gəldikdəysə şəxsən deyə biləcəyim bu mövzuda amerika exportu maşının şəxsin özü tərəfindən auksiondan alınmasıdır. Amerikanın hər yerində trumpçı olmadığı kimi, hər yerində də sel ,qasırğa olmur.
Sadəcə burda incə detay: aldığınız ştata və maşına diqqət etmək lazımdır. Alacağınız maşın okeana, daşqın və qasırğaların daha çox cərəyan etdiyi bölgələrə yaxındırsa, o avtomobilin suya düşmə ehtimalı daha çox olur.
Bəzi insafsız alverçilərin 2 min dollara selə düşən amerika exportu maşınları necə insafsızca qiymətlərlə və sanki heç suda üzməmiş maşın kimi satdığını görüb "hamısı ameriqanın oyunlarıdı" deyən dayılar kimi düşünməyin.