+20 əjdaha
1. özlərinə azərbaycanın içində yeni bir ölkə, ortam yaradan toplumdur.ətrafımda olan belə insanlara baxanda görürəm ki, bunların çoxu formula 1, baku 2015 kimi pulyuma layihələrində işləmiş və ya hazırda özü, yaxınları dövlət qurumlarında işləyən, ya da sadəcə çox aztv-ə baxan adamlardır. rusdillilər isə bu toplumun qabaran nümayəndələridir. bu toplum özünü burjua, elit təbəqə sanır və elə bilirlər ki (və ya elə bilmək istəyirlər ki), iqtidarin hər addımı doğrudur və ölkədə olan problemlərin isə hakimiyyətə dəxli yoxdur. onların əsas arqumenti isə "başqa ölkələrdə guya bu problemlər yoxdu?" kimi olur və başqa ölkə deyəndə də yəqin ki, cibutini filan nəzərdə tuturlar.
yayını avropada, payızını port bakuda, qışını qəbələdə, yazını isə "daça"-da keçirən bu təbəqənin "prastoy" vətəndaşla münasibəti maşınını harasa park edib düşəndə uzatdığı 20 qəpikdən o tərəfə keçmir. sosial şəbəkələrdə isə onların profilini saxta patriot görünüşü yaratmaq üçün qoyulan xarı bülbül, əliyev və oxşar şəkillər bəziyir.
bir tərəfdən də baxırsan ki, bu adamlar həqiqətən də həqiqi azərbaycanda yaşamır ki. ölkədə turist kimi yaşamaqdan gözəl nə ola bilər?. doğul, tapışnan vəzifəyə gir, ölkənin olan-olmuyan bütün resurslarından yararlan, dövlət proqramı ilə ingiltərədə oxu, öz "təbəqə"-ndən olanlarla fırlan,"prastoy" vətəndaşlardan uzaq dur, yap-a üzv ol, gəz, dolan və kef elə.
eyni zamanda isə bütün haqsızlıqlara ya baxma, ya da göz yum, icra hakimiyyəti və ya yerli yap mərkəzindəki axmaq bir layihənin təqdimatından çıxıb heydər əliyev parkına gedəndə polisin bir gənci götbaş eləməsini gör və sonra maseratinlə şəkil qoyub #beyniqan yaz, "dövlət niyə qazilərə baxmır?" deyiləndə "əşi hərşeyi də dövlət həll eliyəsi deyilki" deyə cavab ver, məmur görəndə əlayağa düşüb pencəyinin düymələrini bağla və ona "müəllim" de, səndən yaşlı, bəlkə də həqiqətən əvvəllər müəllim olan bir ofisiant sənə xidmət edəndə isə ona "ağsaqqal" de və müəyyən hərəkətlər edib onu alçalt, bir sözlə lazım olmuyan yerdə sox içivə, lazımi tribunalarda isə "heydərçilik ənənəsi"-dən mühazirə de. bir də "meydan tv" kimi səhifələr "tərtər işi" haqqında nəsə paylaşanda gir yaz ki, "men muharibe vaxtida gordum siz soros fondundan su alib hemin suyu ermeni deyirmanina tokursuz".
(bax: demaqogiya)
nəysə belə tiplərdən yaz-yaz qurtarmaz.