+2 əjdaha
1. bu sifarişi verən: parti hotterDemokratiyanın 4 növündən biri olan birbaşa demokratiyanın* direct democracy digər bir adı, antik Yunanıstanda yaranan və günümüz etibarilə texnologiyanın inkişafı sayəsində adını tez-tez eşidə biləcəyimiz qərarvermə və idarəetmə üsulu. Əsas məğzi odur ki, bu gün qanunların yazılması, onlara düzəliş edilməsi və ümumən, bizi təmsil etməsi üçün siyasətçilərə səs veririk. Zaman keçdikcə insanlar demokratiyaya olan inamını itirir, buna görə də seçkilərdə iştirak etməyərək demokratiyanın prinsiplərinə zidd gəlirlər. "Maye demokratiyası" isə siyasətçiləri aradan qaldırıb vətəndaşların qərarvermə prosesində iştirakını birbaşa təmin edir. Bəzən bütün qanunların müzakirəsi günlər çəkdiyindən hər kəs danışıqlara vaxt ayıra bilmir, onda siz səsvermə hüququnuzu inandığınız birinə həvalə edirsiniz, o səs verəndə artıq 2 səs sayılmış olur. Həmçinin, bu say çox ola bilər, onlarla adam bir nəfərə səs haqqını verə bilər, ya da istədiyi vaxtda öz səsini alıb özü bu hüquqdan istifadə edə bilər. Bu isə nümayəndəli demokratiya* delegative democracy adlanır.
Təbii ki, qədim afinadan fərqli olaraq, bu gün milyonlarla insanı bir meydana yığıb müzakirə aparmaq imkansız olduğundan maye demokratiyasını reallaşdırmaq üçün texnologiya araya girir. Aşağıda linkini qoyacağım ted çıxışında Gələcəyin demokratiyasında bizim yerimizə səs verəcək, müzakirələrə qoşulub qərar qəbul edəcək rəqəmsal şəxsin mövcudluğundan danışılır. Məruzəçinin dediyi kimi, indi fantastik görünən bu ideya bəlkə bir neçə onillik ərzində bütün dünyada rəğbət görəcək?
(youtube: 
)
)