+2 əjdaha
1. 1995-ci il istehsalı iran filmi.imdb 6.8/10
--spoiler--
filmin mövzusu yaşlı rasul rahmani və gənc yaşlarındakı qız nobar arasındakı sevgi və bu sevgi arasındakı əngəllərdir. rasul pomidor satışı ilə məşğul olan zəngin şəxsdir. nobar isə, anasının narkotika aludəliyi səbəbindən iki kiçik bacı-qardaşına baxmaq məcburiyyətindədir. ona görə də rasulun sahəsində işləyir. nobar xasiyyətcə mərd, inadkar, dediyim-dedik qadındır. rasul həyat yoldaşını 3 il əvvəl itirib və onun yasını çəkir hələdə. amma nobarı gördüyü anda ona aşiq olur. özüdə bu sevginin sonunun olmadığını düşünür, ona görə də nobarı evləndirməyə çalışır. nobar da sən demə rasulu sevir, ona görə də evlənməyə razı olmur. sonra rasul bu sevgidən dərdə düşür, həyata küsür. bu arada qızlarının da xəbəri olur bu söhbətdən. ona görə də nobara atalırını tərk eləməsi üçün pul təklif edirlər. nobar bununla razı olmur. axırda qızları nobarı döyür. rasul bundan xəbərdar olur. artıq dözə bilmir. bütün mal varlığını qızları və kürəkənlərinə bağışlayır. özü isə nobarın yanına gedir. filmin sonunda qatar səhnəsi var ki, bütün filmi özətləyir əslində. sonda nobar qatar relsinin bir tayında, rasul isə o biri tayda olur. aralarından qatar keçir. qatar burda onların arasında olan və olacaq əngəlləri bildirir. bu da elə filmin sonuncu səhnəsidir.
--spoiler--
o dövrdə iranda belə cəsur filmin çəkilməsi məni təəccübləndirdi doğrusu. iranlıların dili də gözəldir, öz orijinal dilində baxmaq tövsiyə olunur.
əlavə olaraq, film gün var əsrə bərabər romanındakı raymalı bəy və begimay hekayəsini xatırlatdı. həmin hekayədə raymalı bəy gənc begimaya aşiq olur və bu sevgi qarşılıqsız olmur. ancaq qohumlarının əngəli nəticəsində onlar qovuşa bilmirlər. hətta onların sonu faciəvi olur.