+5 əjdaha
1. mübahisə zamanı qarşıdakı insanın düşüncələrini daha güclü bir hala gətirmək üçün istifadə edilən üsuldur.məsələn bu üsulun tam tərsi olan strawman məntiqi xətası, mübahisə etdiyiniz insanın düşüncələrini olduğundan daha zəif bir hala gətirməkdir. fikir, əslində olduğundan daha zəif bir hala gəldiyi üçün onunla savaşmaq da çox asanlaşır.
the steel man isə qarşıdakı insanın arqumentini, mövzunun daha da dərininə enərək, qarşıdakı insana suallar verərək daha yaxşı bir formaya salmaq və güclü bir arqument ilə/steel man ilə savaşmaqdır. proses, “fikri ciddiyə almaq, fikrin daxilindəki xətaları görüb onları aradan qaldırmaq və nəticədə daha güclü hala gəlmiş düşüncə ilə savaşmaq üçün güclü arqumentlər yaratmağa başlamaq” sıralaması ilə yerinə yetirilir.
şəxsi bir qeyd. girdiyim mübahisələri yenidən düşündüyüm zaman belə bir şey görürəm; istər hansı marketin daha keyfiyyətli olduğuna dair dayaz bir mübahisə olsun, istərsə də çox dərin bir fəlsəfi mövzu ilə əlaqəli olsun və istər qarşıdakının təhsil səviyyəsi mənimkindən çox yuxarıda ya da çox-çox aşağıda olsun, heç bir fərqi yoxdur. steel man üsulunu istifadə edə bilmək bir tərəfə qalsın, həmişə qarşımdakının arqumentlərini, düşüncələrini daha zəif, daha dəyərsiz görmə əyilimdə oluram. sanki onların heç bir önəmi yoxmuş və qarşıdakının məndən daha yaxşı arqument ortaya qoyma ehtimalı sıfıra bərabərmiş kimi davranıram. bunun bəzi müsbət tərəflərini görsəm də bu üsulu tərk etmənin vacib olduğu fikrindəyəm.
ümid edirəm ki, zamanla daha yaxşı bir hala gələ bilərəm. çünki fikrimcə, daha yaxşı bir arqumentlə və daha yaxşı bir rəqiblə savaşmaq faydadan başqa bir şey verməyəcəkdir.