bugün məsləhət təsadüfi
sözaltı sözlük
postlar Yoxlama mesaj

...

sevgi

| incəsənət
115,378 | 168 | 561

əjdahalar  googlla
sözaltı etiraf - sözaltı günlük - platonik sevgi - yazarların paylaşmaq istədikləri şeirlər - düşün ki o bunu oxuyur - sözaltı sözlük - bir qızdan sevgi təklifi almaq - sevmək - sevgilini sekslə məşğul olmayacaq qədər sevmək
« / 11 »


    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    91. Gecənin saat üçü keçmiş 10 dəqiqə. Onu anladım ki mənim problemim keçmiş deyil. Sevgisiz qalmaqdır. Mən kişi cinsinin bir nümayəndəsi olaraq bunu qədər dərindən hiss edirəmsə qadınların hiss etdiklərini düşünə bilmirəm. Kəşkə məni sevəcək bir atam anam olsaydı, onlarda görmədiyim sevgini eşqdə gördüm, düşündüm ki eşq məni sağaldacaq. Halbu ki qəlbimi və ruhumun dərinliklərini ələ keçirmiş qara bir sevgisizlik var, sanki ürəyimdən yapışıb bir lənət kimi gəzir. Sevgisiz qaldığımda özümü çox pis hiss edirəm, həyatımın mənasını itirmiş, yolundan aşmış, hardan gəldiyini bilmədiyi kimi hara gedəcəyimi də bilmirəm. Gözlərim yaşlıdır amma heç zəif görünmək istəməzdim. Nifrət edirəm bu yaşamdan. insan oturar durar dayanmadan sual verər ki mən nə üçün belə bir həyata layiq görüldüm, anlamsız bir yaşam acı gələr insana, anlamsız bir acı süründürər insanı, heç sevgi görməmiş birisinin acısı günü gündən onu ölümə sürükləyər, tam da hiss etdiyim budur. Günü gündən bozlaşan hisslərim, mənasız gələn dünya və parlaqlığını itirmiş günəş. Bu sevgisizliyi heç nə tamamlaya bilmir, insan daima o uşaqlıqdan görə bilmədiyini axtarmağa çalışır, insan yarım qalmış parçasını başqalarında axtarır və heç vaxt tamamlaya bilmir. Sevgi sadəcə qadına olan eşq midir ki özünü tamamlayasan? Görməsən uşaqlığından açan çiçəkləri, nə faydası var axtarmağın başqasında ləçəkləri

    14 əjdaha!

    21.03.2025 03:19, şekspir

    1 əjdaha!

    14.07.2025 00:10, timidus
    93. insan həyatının orta müddətinə nisbətən qısa müddətli hormonal qeyri-sabitlik deyərək təsəlli tapmağa çalışdığım məfhum

    0 əjdaha!

    22.11.2025 22:02, shahanshah
    94. Sevgi bəzən adını qoya bilmədiyin bir haldır, Sözə sığmır, ölçüyə gəlmir, sübut istəmir. Sadəcə hiss olunur. Sevgi bir insanın varlığının sənin içində yer tutmasıdır. O yoxkən belə davranışlarına təsir etməsi, qərarlarına qarışmasıdır. Onu düşünəndə ürəyində qorxu yox, qayğı yaranır: “inciməsin”, “yorulmasın”, “itirməsin özünü”. Sevgi ideal hekayə deyil. Əksinə, ən çox qüsurlu anlarda üzə çıxır. Hər şey yaxşıykən sevmək asandır. Sevgi çətin olanda da səsini yüksəltməməkdir, incik olanda da hörməti itirməməkdir. Haqlı olsan belə qarşı tərəfi əzməməkdir.
    Sevgi sahib olmaq deyil. Sahib olmaq qorxudan doğur, sevgi isə güvəndən. Sevən insan nəzarət etməz, məhdudlaşdırmaz, boğmaz. Çünki bilir ki, qalmaq məcburiyyətdən yox, istəkdən olmalıdır.
    Sevgi bəzən fədakarlıqdır, amma özünü itirəcək qədər yox. Özündən verirsən, amma özünü yox edirsə artıq sevgi olmur, asılılıq olur. Sevgi iki insanın bir-birini tamamlamasıdır, birinin digərinin yerinə yaşaması yox.
    Sevgi gözlənti siyahısı deyil. “Belə olmalıydın” cümləsi sevgini yaralayır. Sevgi “beləsən, amma mən burdayam” deməkdir. Dəyişmək məcburiyyəti ilə yox, istəklə dəyişməkdir.
    Bəzən sevgi qalmaqdır. Bəzən isə ən ağır forması ilə getməkdir.
    Çünki həqiqi sevgi zərər verdiyini gördüyü yerdə dayanmağı da bacarır.
    Sevgi səni böyüdür. Kiçiltmirsə, qorxutmursa, özündən utanmağa vadar etmirsə orda sevgi var.
    Əgər səni daim şübhədə, gərginlikdə, dəyərsiz hiss etdirirsə adı sevgi olsa da özü deyil. Sevgi budur iki ayrı insanın, bir-birinin içində itirmədən qalmağı.

    2 əjdaha!

    23.01.2026 11:03, Macar bəyi
    95. Əvvəl heç kimi sevə bilmirdim. intihara meyilli bir tanışım var idi. Günün birində sevgilisi oldu və çox dəyişdi, çox həyat dolu oldu. Onunla görüşəndə mənə demişdi: "Ya Qısa Ölüm, Ya Əbədi Sevgi". 6 ay sonra sevgilisindən ayrıldı. Sonra zaman keçdi, mən Əbədi Sevgi'ni tapdım, həmin tanışım isə özünü öldürdü....

    4 əjdaha!

    23.01.2026 08:54, zozo
    96. Bunu özünüzdə, başqalarında, dirilərdə, ölülərdə hiss edirsiniz. Hiss belədir; o, məkan və zamanı aşır.

    1 əjdaha!

    23.01.2026 22:08, streamerd
    97. Uşaq idim bəlkə də 12 yaşım olardı. yay vaxtı idi kəndə getmişdim. Bakının yayı çox isti havası nəmişlik olur. atam məni yolladı ki bala get havan dəyişsin oranın havası burdan yaxşıdır. Kənd başqa kəndin üzərində yerləşirdi. açıq bir yerdə idi. isti olurdu ancaq xoş isti idi. kənddə özümə dost qazanmışdım. axşamlar onunla vaxt keçirirdim beləliklə darıxmırdım. bir gün qonşuda qız gördüm. nəvəsi idi mənim kimi gəlmişdi istirahət etməyə. onunla təsadüfən qarşılaşdığım zaman oldu. qıza çox aşiq oldum. bu elə bir şey idi ki illər keçsədə həmin hiss təsəvvür edə bilmərəm. onu görəndə elə bil ruhum təslim olurdu. elə bil kimsə boynuma zəncir taxıb verirdi qızın əlinə. o dərəcə güclü bir sevgi hiss yaranırdı. ancaq qıza yaxınlaşıb onunla danışa bilmədim. qızı yaxınımda idi həmdə elə bil çox uzaqda idi. bu onu ilk və son görüşüm olmuşdu. yaxından olmasa da uzaqdan tez-tez görürdüm və bu ruhumu təslim etməyə yetər idi. belə- belə zaman keçdi bakıya qayıtmalı oldum. bu hadisənin üzərindən uzun-uzun illər keçdi 20 li yaşlarım olardı. bu zamana kimi məni bəyənən çox qız oldu. ancaq mənim içimdə nələr isə baş vermişdi. sanki sevgi deyilən şey içimdə ölmüşdü. buna görə qızlarla münasibət yaratmırdım. hətta bir vaxtlar sinif yoldaşım məni bəyəndiyini açıq- açıq demişdi mən isə onun sevgisinə qarşılıq verməmişdim. çünki onu incitmək istəmirdim deyə bilmirdim ki mənim içimdə sevgi ölüb sən sadəcə torpaq ola bilərsən. zaman keçdi gənc idim üniversitetdə bir qızla tanış oldum. qızı necə təsəvvür edim bilmirəm. o çox, çox gözəl zərif, uzun bir qız idi. zaman keçdikcə həmin qızın mənə qarşı hissləri yaranmışdı mənimdə hisslərim qarşılıqı idi. ancaq… ancaq yenə həmin hiss məni gəlib tapdı. dedim emre sən incitmə bu qızı, gəl bu işi başlamadan bağlayaq. elə də oldu məsələni ordaca bağladım. həmin zamandan bəri sevə bilmədim. yaşım keçirdi 20 li yaşları geridə qoyurdum. bir gün anam gəldi dedi ki bala, nə vaxta qədər belə olacaq. heçnə deyə bilmədim, qəlblərini qırdığım qızlar yadıma düşdü. deyə bilmədim ki ana, mənim qızım olsa özüm kimisini onunla evləndirməzdim. deyəsən belə olmalı idi. bəlkə mən valideyinlərimin günahlarını çəkirdim bəlkə də mən kişilərin qadınlara zülm etmədiyi bir dünya istəyirdim və ilk qurban özüm idim. niyə belə deyirəm? atam həmişə anama pis davranardı. pis, çox pis özüdə. zaman keçdikcə genlərimdən qaça bilmədiyimin fərqinə vardım. sanki bütün neqativ şeyləri mənə iynə iynə vurmuşdular. sanki bu yüklər mənim ayağıma zəncirlə vurulmuşdu. artıq bunları qəbul etmişdim. mən də sevmişdim həm də çox. mən onlar üçün özümü dəyişməyə hazır idim. lakin…lakin neqativlər mənim qəlbimi ələ keçirmişdi. bəzən parka gedib dənizi seyr edərək dayan qəlbim mahnısına qulaq asıram. qulaq asa-asa qızım yadıma düşür onu o qədər çox istəyirəm ki. onun üçün sanki qəlbim yerindən çıxıcaq kimi hiss edirəm. bir dəqiqə, mənim qızım yoxdu axı. bu xəyal bilirsən məni necə məhv edir? həmişə bacımın olmağın istəyirdim, ancaq olmadı. niyəsə qız uşaqlarını daha çox sevirdim. bəlkə anamın görmədiyi sevigini onlara yaşatmaq istəyirdim. bəlkə mən onlara kişilərin qadınlara zülm etmədiyi bir dünya yaratmaq istəyirdim. bəlkə də ona görə qızım üçün darıxıram… artıq bunların mənası yoxdur. deyəsən sona yaxınlaşıram. gənc ikən saçım qapqara idi. indi saçıma baxıram bir dənə qara tük görmürəm nə tez qocaldım. 30 lu yaşlarındayam bu yaşlarda qoca sayılıram ki? nə mənası var, hər şey bitdi xərçəngəm ailəmə deməmişəm. son günlərdə yoldaşım və qızım yadıma düşür. ehh gözəl qızım mənim səni nə qədər sevdiyimi bilirsən? çox yaxında gələcəm səninlə çox zaman keçirdəcəm. əlindən tutub parka aparacam, birlikdə çayın kənarında balıq tutacayıq, sənə yemək bişirməyi öyrədəcəm və sənə heç kəsin incidə bilmədiyi bir dünya verəcəm.

    8 əjdaha!

    20.02.2026 10:20, azəriim
    98. "Tonight I can write the saddest lines. I loved her, and sometimes she loved me too."
    © Pablo Neruda

    0 əjdaha!

    21.02.2026 19:22, aizen
    99. Dünyanın ən möhtəşəm hissdir, bütün qəlbinin,bütün duyğularının bir qadına aid olması qədər möhtəşəm hiss yoxdur,yanında bütün problemlərini unudursan, gülüşü qəlbinə qəribə istilik verir

    0 əjdaha!

    22.03.2026 21:53, antikkontikmal
    100. ilk günlər səni qanadlandıran, daha sonra üzən və ayrıldıqda sarsıdan amma həyatda mütləq yaşamalı olduğun bir hiss (achtung: emosiya deyil). Ayrılmaq sevginin son kulminasiya nöqtəsidir, səbəblər fərqli ola bilər - fikir ayrılığı, etnik mənsubiyyətin qarşı tərəf üçün yaratdığı problemlər, ilk gündən danışılan yalanlar, xəyanət, hisslərin bitməsi, ölüm və s. Əsas sevdiyin zaman ayrılığı düşünməməkdir.

    0 əjdaha!

    25.03.2026 04:10, sözbaz kərtənkələ
« / 11 »



üzv ol
Modalı bağla





...