+4 əjdaha
1. fransa kraliçası catherine de medicinin həyatından bəhs edən amerikan istehsalı tarixi drama serialı.italiyan medici ailəsinin tək övladı ketrin yetim qaldıqda Fransa kralının oğlu ikinci henri ilə evləndirilir. bu diplomatik evlilik ketrinin həm də qohumu olan roma papası tərəfindən tərtib olunur. amma tezliklə roma papası qətl edilir, ketrin isə Fransa sarayında cehiz borcu ödənilmədiyi üçün hədəf halına gəlir. ketrin nə gözəldir nə də ki, varlı, məhz buna görə də o sarayda qalmaq üçün mübarizə etmək məcburiyyətində qalır.
16-cı əsrin ortalarında yaşamış ketrin medici fransız intibahının və mədəniyyətinin inkişafında xüsusi rol oynayıb, məhz italyan əsilli olmağı onun italya ilə möhkəm mədəni əlaqələr qurmasına yol açıb. dondurma, sirop, makaron kimi gastronomik kəşflər ketrinin təyinatı əsasında gerçəkləşib.
sadə və axıcı serialdı, lazımi qədər isə gülməli. netflix seriallarındaki kimi şit və anaxronik ünsürlər yoxdur.
serialın texniki üslubunda isə diqqətəlayiq bir məqam var. baş personaj bəzi səhnələrdə kameraya baxaraq birbaşa izləyici ilə kontakt qurur. bu texnika əslində ilk dəfə, sally potterin çəkdiyi orlando filmində istifadə olunub. texnikanın populyarlaşması isə fleabag serialı ilə əlaqəlidir. hal-hazırda, görünür ki, tarixi dramalarda tez-tez müraciət olunur: ən son jane austenin eyniadlı romanı əsasında çəkilən netflix filmi persuasion filmində və sözügedən serialda istifadə edilib.
aktyor və tamaşaçı arasındakı görünməz divara dördüncü divar deyilir. bu şərti və xəyali bir termindir. aktyor heç vaxt tamaşaçı ilə göz təması qurmamalıdır, kameraya baxmamalıdır. aktyorun səhnədən/ekrandan tamaşaçı ilə kontakt qurması yaxud ona birbaşa müraciət etməsi dördüncü divarın dağıdılması adlanır. dördüncü divarın dağıdılması, tamaşaçının hadisələri daha dərindən qavramasına xidmət edən texniki üslubdur. həmçinin, aktyor tamaşaçı ilə kontakt quraraq situasiyanın absürdluğunu vurğulayır.