+13 əjdaha
1. 21 avqust 1789-cu ildə parisdə anadan olmuş fransız riyaziyyatçı və fizik. həmçinin də yazar olan cauchy-nin riyaziyyatla bağlı çoxlu məqalə və beş dərs kitabı yazmışdır. uşaqlıq illərinin fransanın tarixində mühim dəyişikliklərin olduğu dövr olan fransız inqilabı-na təsadüf etməsi onun həyatını çətinləşdirərək, dözülməz hala gətirmişdir. həyatının bir hissəsini kasıblıq və aclıqla mübarizə apararaq keçirtmək məcburiyyətində qaldı. atası onu və ailəsini ola biləcək təhlükələrdən qorumaq üçün əhalisi çox olmayan kəndə aparmalı oldu. məktəblərin bağlı olduğu bu aralıqda ilk təhsilini elə məhz atasından aldı. cauchy bu vaxtlarında əsasən şeir yazırdı.1802-ci ildə ən yaxşı məktəblərdən olan ecole centrale-ı uğurla bitirərək, təxmini 16 yaşında ecole polytechnique-ə böyük zəhmətlə hazırlaşaraq qəbul aldı. 18 yaşında bitirərək, təhsilini ecole des ponts et chaussees-də davam etdirdi. mühəndislik kariyerasına isə napoleon-un cherbourg-da tikilməsini planladığı dəniz bazasında iş təklifi alaraq başladı. buna baxmayaraq paralel olaraq da riyaziyyatla məşğul olurdu. elə bu zamanlar riyaziyyatla bağlı ilk rəsmi çalışmalarını yayımladı. cauchy artıq 27 yaşlarında ən yaxşı riyaziyyatçılardan sayılırdı. 1816-cı ildə 300 səhifəni belə aşan məqaləsi ilə fransa elm akademiyası tərəfindən mükafatlandırıldı. 1816-cı ildə həm də artıq analiz dərsləri keçməyə başlayaraq, qısa müddət sonra professorluq etməyə başladı. dərin riyazi zəkaya sahib olan cauchy-nin adını daşıyan təxmini 16 teorem mövcuddur. 23 may 1857-ci ildə isə sceaux-da vəfat etmişdir.