+8 əjdaha
1. george stinney, bütün ömrünü qaradərililərlə ağların dəmir yolu vasitəsilə ayrıldığı alcolu qəsəbəsində yaşayıb.1944-cü il martın 24-də alcolu şəhərində iki uşağın cəsədi tapılarkən onları öldürməkdə günahlandırılıb.Məhkəmə sənədlərinə görə, bu iki qız Alcolu qəsəbəsinin qaradərililər olan bölgəsində velosiped sürərək çiçək axtarırdılar. Lakin evlərindən uzaqlaşan qızlar yoxa çıxıblar. Axtarış işlərinə başlanılan qızların cəsədləri tapıldıqdan sonra dərhal meyityarmaya aparılıb. Ölüm səbəbləri kəllə-beyin travması kimi göstərilib. polislər sorğu aparan zaman bir şahid onların(qızların) george stinney ilə danışarkən sonuncu dəfə gördüyünü söylədikdən sonra Klarendon dairəsinin polisi ailənin evinə gedib. Polis george stinney və onun böyük qardaşı Johnny-ni qızları öldürməkdə şübhəli bilinərək həbs edib. johnny polis tərəfindən sərbəst buraxıldıqda ona tək ittiham irəli sürülüb. Həmin vaxt verilən ifadələrə görə, george stinney törətdiyi cinayəti etiraf edib və qətl silahının yerini deyib. Lakin sonrakı illərdə bu məlumatın yalan olduğu üzə çıxıb.george stinneyin məhkəməsi cəmi 2 saat davam edib və münsiflər heyəti onu qətldə təqsirli bilib və konkret sübut olmadan ölüm hökmü verib. 16 iyun 1944-cü ildə George Stinney Jr. edam otağına daxil oldu. Edam kreslosu böyüklər üçün nəzərdə tutulduğuna görə, Stinneyin uzun boylu olması üçün onun ayağının altına incil qoyublar. Üzünə taxılan maska o yaşda olan uşaq üçün kifayət qədər böyük idi. Səlahiyyətlilər Stinneynin bədəninə 2400 volt elektrik cərəyanı tətbiq edəndə maska onun üzündən sürüşüb. George Stinney 8 dəqiqə ərzində bədəninə iki dəfə elektrik verilərək edam edilib. Stinneyin ölümündən illər sonra Alcoluda böyüyən yerli bir tarixçi bu mövzuda bir məqalə dərc etdi. Bu yazıdan sonra iş yenidən araşdırılıb. Beləliklə, o, Stinneyin ailəsinə çatdı və yenidən dava başladı. Ailəsi Stinneyin günahsız olduğunu sübut etmək istəyirdi. Bir illik araşdırmadan sonra, 17 dekabr 2014-cü ildə hakim Karmen T. Mullen, Stinneyin hökmünü ləğv etdi.