+11 əjdaha
1. yığıcılıq sindromu olaraq da bilinən silloqomaniyadan əziyyət çəkən insanlar əşyaları saxlamaq və onları yığmağa başlama ehtiyacını hiss edirlər. Kimsə həmin kəsə məxsus olan əşyayı almaq və ya yaşadığı evi təmizləmək istəyəndə həddindən artıq bir reaksiya verirlər. Həmin kəslərin özlərindən asılı olmayan səbəblərə görə əşyalarını tərk etməkdə problem yaşadığı da müşahidə edilir.Mütəxəssislər bildirirlər ki, bu problemin dəqiq səbəbi məlum deyildir. Bəzən sevilən birinin itkisi və ya stresli həyat insanı bu sindromdan əziyyət çəkməsinə səbəb ola bilər. Bu problemdən əziyyət çəkən insanlar iş, partnyor, ailə və hər cür sosial münasibətləri idarə etməkdə çətinlik çəkirlər. Bütün lazımsız əşyaları həmişə götürərək evlərinə apardıqları üçün bir müddət sonra ailələri/birlikdə yaşadıqları insanlar tərəfindən tərk edilə bilirlər. nəticədə, bu problemi yaşayan insanlar daha da tənhalaşırlar.
Ümumi əhali arasında silloqomaniyanın yayılması təxminən 2,6% təşkil edir. Bu sindroma 60 yaşdan yuxarı kəslərdə və ya başqa psixoloji pozğunluğu olan insanlarda daha çox rast gəlinir. Bu problemə sahib olan insanlar yaşadıqları mədəniyyətdən və ölkədən asılı olmayaraq oxşar davranışlar nümayiş etdirirlər. araşdırmalar göstərir ki, bu, kişilərdə və qadınlarda bərabər görülən bir vəziyyətdir. Bu problem erkən yaşlarda (təxminən 15-19 yaşlarında) başlayan və hər onillikdə daha da pisləşən bir vəziyyətə çevirilir.
bu problemdən əziyyət çəkən insanlar üçün ən bariz əlamət əllərindəki əşyalardan əl çəkə bilməmələridir. Çünki bu, bildiyimiz kimi imtina edə bilməmək hissi deyil, asılılıq səviyyəsində buraxa bilməmək problemidir. Əslində bu insanlar əşyaları öz uşaqları kimi məsimsəyirlər və ayrıla bilmirlər. Ümumiyyətlə, bu insanların yaşadıqları evlər nə tapsalar, evlərinə gətirdikləri üçün bir müddət sonra zibilxanaya çevrilir. indi isə insanların yaşayış sahəsi bu əşyalar tərəfindən işğal edildiyinə görə bu kəslər; mətbəxdə yemək bişirə və vanna qəbul edə bilməyəcək hala gələ bilirlər.
Bu insanlarda sindromla yanaşı, təxirə salmaq, mükəmməlliyyətçilik, qərarsızlıq və diqqət dağınıqlığı kimi bəzi psixoloji vəziyyətlər də vardır. bu kəslər mütləq problemləri ilə üzləşməkdə çətinlik çəkirlər və özlərində problem olduğunu anlamaları çox çətin olduğu üçün problemin həlli istiqamətində addımlar atmaqda da çətinlik çəkirlər.