+1 əjdaha
1. gürcü mənşəli sözdür (gürcü dilinə fars dilindəki damad (tərc: kürəkən) sözündən keçdiyi iddia olunur) və bizim dilə masabəyi kimi tərcümə olunur. Gürcüstandakı adət-ənənəyə görə məclisin iştirakçılarının sayından asılı olmayaraq hər bir verilən sağlığı (tost) təqdim etmək üçün mütləq məclisin tamadası olmalıdır. Baxmayaraq ki, gürcülərdə "tamada stolun hakimidir" deyimi var, ancaq onun rolu daha çox müəllim və yaxud ağsaqqal kimidir. Adətən tamada incə, iti zəkaya malik hazırcavab adamlardan seçilib. Stolda sağlıq ancaq tamada tərəfindən təklif oluna bilər, və digər şəxslər tamadaya ideya tapmaqda yardım edə bilərlər.Qədimdə məclisi tərk etməmişdən qabaq tamadadan icazə alınardı.Əgər icazə verilsə, tamada və məclisdəkilər tərk edənlərin şərəfinə sağlıq deyirdilər. (bir növ bizdə yas məclisini tərk etməmişdən qabaq molladan istənilən "fatihə"-yə bənzəyir)Gürcüstanın Vani şəhərində aparılan arxeoloji qazıntılar nəticəsində, eramızdan əvvəl 7-ci əsrə aid sağ əli yuxarı və oturaq vəziyyətdə tamada olduğu iddia olunan bürünc heykəl tapılmışdır.
Tiflisdə əlində buynuz tutan tamada heykəli də mövcuddur.
mənbə.
https://ru.wikipedia.org/wiki/Тамада
https://en.wikipedia.org/wiki/Tamada)