bugün məsləhət təsadüfi
sözaltı sözlük
Yoxlama mesaj

...

xüsusi təyinatlı qüvvələr


27,003 | 15 | 148

əjdahalar  googlla
məhəmməd əmin rəsulzadə ensiklopediyası - sözaltı sözlük - sözaltı etiraf - sözaltı günlük - azərbaycanda karantin rejimi - azərbaycan - ikinci qarabağ müharibəsi - erkin qədirlinin sözləri - qızların oğlanlarda baxdıqları ilk yer - sözaltı jurnal

    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    1. "Çətin şəraitlərdə, ölkə sərhədləri daxilində və kənarda hərbi əməliyyatlar apara bilir, müxtəlif döyüş tapşırıqlarını yerinə yetirirlər"

    başqa bir variantda isə Xüsusi təyinatlı dəstələr xalqı susdurmaq üçün istifadə edilir. və həkim, müəllim, elm adamlarından daha çox qazanırlar, qazandırılırlar daha doğrusu.

    misal link

    11 əjdaha!

    25.01.2013 04:47, odysseyus
    2. azərbaycan milli ordusu'ndan fərqli və daha üstün olan hökümət milli ordusudur. fərqli və daha üstün olması məsələsi normal qarşılana bilər, ancaq bir şərtlə ki ordunun içində yer alan ünsürlər olsunlar. bütün dövlətlərin ordularında bu tip xüsusi təlim görmüş qruplar var. məsələn, türkiyədə bordo bereliler, rusiyada yenə bizimlə eyni adlı, amerikada ranger'lar vs. ancaq bunlar ordu daxilində olan, daha isti nöqtələrə xüsusi əmrlərlə endirilən* çox özəl hərbi qruplardır. ayrıca bu qruplar yenə ordunun tabeçiliyində olan müdafiə nazirliyinin birbaşa əmri ilə əməliyyatlarını yerinə yetirən və normal bir ölkədə normal bir insanın bəlkədə həyatında bir dəfə də olsun görə bilməyəcəyi dərəcədə gizliliyi qorunan əsgərlər olaraq gözə çarpır.

    gəl gələlim bizdə necədir: ilk olaraq bu qardaşların yeri yurdu məlumdur. nasosnuda kimdən soruşsan deyər ki qaqa yaşmada bazaları var. əvvəla bu birinci ofsayt.

    ikincisi, idman elədiyim salonların birində bunlardan 2'si ilə aylarla məşq keçmişliyim var söyləməsi ayıp. dagestan köynəkli qaqaşların əsgər formalarıdır. daha açıq desəm dubdular, debildilər, qandıqları qrafa yoxdur. ən qaynar nöqtələrdəki müharibə şəraitində çətin vəziyətdən necə çıxarlar? allahın ümidinə qalıb. ama gəl gör ki, yenə gördüyümü deyim türkiyədəki bordo berelilər ən azı bir universiteti bitirmiş olmalıdır. aralarında iki, üç universitet bitirmiş, müdafiə etmiş olanlar isə sayıca üstünlükdədir. bizimkilərdən, orta məktəb bitirənləri öpüb başımızın üstünə qoymalıyıq. bunun səbəbinə gələcəm. bu məqamda mənə çatdıki sinəm doludu bu yazı biraz uzanacaq ehehe.

    üçüncüsü dediyim kimi, bu ünsürlər çox nadir görülən, qeyri adi əməliyyatlar üçün nəzərdə tutulub. məsələn açıqlayıcı olması üçün belə deyim, düşünün ki qarabağ müharibəsi başlayıb. ama bu adamlar müharibəyə getmir. əvəzində bunlara deyilir ki, gedin filan erməni zabitini öldürün. 3 dənə xüsusi təyinatlını buraxırsan bakıdan piyada, gedir kəlbəcərin hansısa bir kəndinin hansısa bir daxmasında daldalanmaqda olan erməni komandirini əli ilə qoymuş kimi tapır, məhv edir və görünmədən geri qayıdırlar. ancaq bizim indiki xüsusi təyinatlıları bakıdan burax ki, get sumqayıtdan su al gətir, sarayda azacaqlar.

    ona görə də bunlardan, piket dağıtmaq üçün istifadə edirlər. başlarında da 10 15 dənə komandir olur ki şəhərin küçələrində itməsinlər. təsəvvür eliyə bilirsiz ki, 50 dənə ranger ya da 30 dənə bordo bereli wall street'də ya da kadıköydə piket dağıtsın. millət adama götünnən gülər. ama bizdə normaldır.
    bu qrupların ümimiyətcə məntiqində yoxdur 100 nəfər 200 nəfər bir yerdə olmaq. maksimum 10 nəfər göndərərsən, bir əməliyyata, 10 min nəfərlik ordunun görəcəyi işi görüb qayıdar. ona görə bu qədər vəsait töküb saxlıyırlar bu qüvvələri. ancaq bizdə birdən 200 xüsusi təyinatlı yasamalda filan aktivist qovalıyır. bədbaxtçılıq basıb bizi. utanmaq lazımdı.

    indi gələk əsas məsələyə, 1- niyə bunlar hakimiyyətin ordusu adlanır? 2- niyə debillərdən təşkil olunub?
    bu iki sual bir biri ilə sıx bağlıdır. mənə görə, bizim hakimiyyətin milli ordu filan kimi ülvi dərdləri yoxdur. bir çox dəfə yazdığım kimi tək dərd təhlükəsiz şəkildə petrol satmaqdır. hakimiyyətimiz azərbaycan adlı marketin talkuçkasında oturub üstünə oil yazılan bidonları əcnəbilərə satır. və maraqlıdır ki, məhlənin camaatı marketə maneçilik törətməsin. bunu təşkil etmək üçün də, bizə polis və bir miqdar da xüsusi təyinatlı libaslı güləşçi, boksçu dagestaneç bəs eliyir. belə olan şəraitdə siz də məni bağışdıyın nə şeylərinədi qarabağ, milli ordu, sərhəd, başı işdiyən xüsusi təyinatlı filan. gərçi sərhədlərə gömrükdəki manapolyanı qorumaq üçün biraz diqqət yetirirlər allah var.

    bu insanlara ölkə içində vuran əl lazımdır. onu da düzəldiblər. orduda olmayan şərait polisdə var. orduda olmayan silahlar, texnikalar polisdə var. erməni sərhəddində olmayan qədər texnika var bakıda. hansı günə durur?

    bir dəfə xızılı bir qonşumuzu, xızıdaki evində qarabağ müharibəsindən gətirdiyi silahı saxlıyır deyə polislər tutmuşdular. soruşublar ki kalaşnikovu neyniyirsən deyib, ermənilər xızını alsa onnarnan vuruşacağdım. indi qonşu mamedin sözü olmasın ermənilər bakını alasıdılar ki? ne ayaqdı bu qədər hakkesab?

    yəni canlar, ordumuz filan yoxdur. iqtidar köpəyi polisimiz, birdə piket təyinatlılarımız var. keçmiş olsun.

    not: indi deyəcəksiniz ki, kos koca çakma ssg'sən o boyda yazdın yazdın axırını bir poxa bağlıya bilmədin. düz deyirsən, qaqaş ama neyniyim? sevgidən yazsan axırını sevgiliyə bağlıyarsan, sevgilidən yazsan ayrılığa bağlıyarsan, ayrılıqdan yazsan yalnızlığa bağlıyarsan, yalnızlıqdan yazsan ölümə bağlıyarsan. nə acı ki, mövzumuz ordumuzun yoxluğudur. nə gözdüyürsən yarraklara gəlmişik deyə yarrağa mı bağlıyım illa?

    19 əjdaha!

    25.01.2013 05:43, ssg
    3. heyranı olduğum dəstələrdi.azərbaycanda demek olarki bütün qoşun növlərində mövcuddur.
    milli ordu-052 xüsusi təyinatlı hərbi hissə
    mtn-qartal xüsusi təyinatlı dəstə
    daxili qoşunlar-şahin xüsusi təyinatlı dəstə(nzs)
    sərhəd qoşunları-çevik hərəkət bölməsi
    din-xüsusi təyinatlı polis dəstələri
    birdə buların çox daha dözümlüləri var (baxma: bordo klaviyeliler)

    15 əjdaha!

    27.05.2014 23:58, mr_blackblood
    4. mən özüm şəxsən xüsusi təyinatlı dəstədə olmuşam. daxili qoşunlarda. ilk öncə deyim ki, bunlardan 2-3 universitet oxuyan çıxmaz. azərbaycanda 2-3 universitet oxuyan ümumiyyətlə azdı, onlar da ki, heç vaxt gedib elə işdə işləməzlər. ikincisi də ki, bizdə elə hərb sevgisi zad da yoxdu. gələk xtd-nin fəaliyyətinə. bilindiyinin əksinə, xtd piketdə, mitinqdə iştirak etmir. mitinqi dağıtmaq üçün əsasən çevik polis alayı istifadə olunur, ya da ki, daxili qoşunların tərkibində xüsusi vasitələrin tətbiqi bölüyü var. onlar iştirak edirlər. digər tərəfdən mən xidmət etdiyim n saylı hərbi hissədə xtd öz işinə görə çox profesionaldı. meşə qardaşlarına qarşı uğurlu əməliyyatları zadı olub. hə, elə də savadlı deyillər, heç gözləməyin də. amma ən azından öz işlərini bilirlər.

    12 əjdaha!

    23.08.2016 22:22, ahadesquieu
    5. nəinki universitet , əksəriyyətinin heç orta səviyyədə də olsa məktəb bilikləri də yoxdur.təsəvvür edin 2,3 nədir bilmiyən tipləri var. başa düşürəm , istənilən adama özümüzə sadə və ən ilkin kimi gprünən bir şeyin başqası tərəfindən xəbərdar olmaması bizə həmin insan haqqında cahil təəssüratı oyada bilər.düzdü çox şey bilməsələr də öz işlərini bilirlər.əsas nə lazımdı - öz işini görmək . yox elmli nümayəndəsini görmək istəyirsinizsə , xeyli sayda bizim öz akademiyamızın , türkiyənin akademiyalarında oxuyan savadlı , bir neçə dil bilənlərini , danışığını , davranışını bilən nümayəndələri çoxdur . çünki bu qədər ki , deyirik onlar çox şeydən məlumatsızdırlar və s. ( əksəriyyəti elədi ) bu o demək deyil onlar anormal , taxta kimi ancaq öz işlərini görən adamdılar.bizi kimi normal insanlardı.ailəsi uşağı öz qayğıları var.nəysə.milli ordunun tərkibində olan personal həqiqətən də canlara dəyən oğullardı.dözümlü , bərk insanlardı və həqiqətən də vətənlərini sevirlər.fikirləşə bilərsiz ki , hə pulu yaxşıdı ona görə sevir , əsla elə deyil , əsla deyəndə 95 faizi.yəni təsəvvür edin hər an döyüşə yox ölümə hazır olmalısan daha bundan artıq nəsə demək lazımdırmı ? gedin paraşutdan tullanın ( hələ adrenalinlisini deyirəm ) nəfəs almağın necə də asan bir şey olmadığını görün. hələ məşqləri demirəm . bütün günü idman zalından çıxmayan adam orda idmandan bezir.yəni halaldı işlərini görürlər.hə bunu da deyim bu axırıncı döyüşdəki üstünlükləri onların sayəsində aldıq , yəni əsas həmlədəki.belə götürsək orda bütün əsgər qardaşların fəaliyyəti olub . mövzunun məğzi artıq qaçır burda sonlandırım

    9 əjdaha!

    23.08.2016 23:08, adam smith
    6. Ən son texnologiya ilə təchiz olunmuş,hər növ silahdan istifadəni yüksək şəkildə mənimsəmiş,iqlim şəraiti fərq etmədən döyüş tapşırığını bitirmədən geri dönməyən zabit və gizirlərdən ibarət qoşun.

    "Sədaqətim şərəfimdir" şüarı ilə tanınan igidlər.

    15 əjdaha!

    08.11.2020 17:05, bakirfikir
    7. bilinənin əksinə, təkcə 052 deyil. Milli orduda xtq-yaşma sayılan bir çox başqa hərbi hissələr də var. Hərbi hissə adını açıqlamaq dövlət sirri sayıldığından hər şeyi açıq yazmıram, amma xüsusi təyinatın təkcə 052 nömrəli hərbi hissədə olduğunu düşünmək sadəlövhlükdür. Həmçinin, məlumat üçün: bizim 052-nin qarşılığı ermənilərdə 022-dir. Onların xüsusi təyinatı 022 gedir.

    Haqlarında savadsız olmaqları barədə yazılanlar doğrudur, amma baxır hansı prizmadan baxırıq. birincisi, gəlin "savad" sözünün özünə baxaq. savad - bir insanın yazıb-oxuma bacarığını göstərən keyfiyyətdir. Lap tutalım biz savad sözünü dədə-baba qaydasıyla, "dünyagörüşü" mənasında götürək. bu adamlar triqonometrik tənliyi həll edə, elementlər tablosunu əzbər danışa bilməzlər, amma hərbi anlayışları yüksəkdir. ilkin tibbi müdaxilədən tutmuş müxtəlif silahların təyinatı və istifadəsinə qədər çox şeyi bilirlər. Çox şeyi yox e, ixtisasları olan-olmayan hər şeydən anlayışları var. dolayısılə, hərbi savadları yüksəkdir. Yüksəkdən ziyadə, pik həddədir. onlara "savadsız" demə məntiqilə baxsaq, onların gözündə də biz debilik. Ən adi misalı çəkim, Bəyəm aramızda diz və dirsəkdən aşağı nahiyələrə jqut bağlanılmamalı olduğunu və bunun niyəsini neçə nəfər bilir? Və ya yaralıya ilkin müdaxilə kimi əslində hər gün rastlaşa biləcəyimiz mövzular və hamının bilməli olacağı məsələlər barədə kim nə qədər biliyə sahibdir? amma o 52-də bütün hamı bu və bundan qat-qat çox tibbi, anatomik biliyə sahibdir. özü də ki, mənim xüsusi təyinatlı kəşfiyyat bölmələrindən şəxsən tanıdığım gizirlər olub. adam sənə tarixindən girib anatomiyandan çıxar, ağzını açıb nəsə danışmağa utanarsan. Bəzən eləsi çıxır ki, tanıyanda şoka girirsən. Biri vardı nəinki hərbi nizamnamələr, cinayət məcəllələrindən tutmuş, nə ki, hüquqa aid şey var idisə nöqtəbənöqtə əzbər bilirdi. Yeriyən hüquq idi, vəkil kimi bunu tut, gör sənə bata bilən çıxacaq heç? Eləsi vardı 1000-dən çox partlayıcı hazırlamağı bilirdi. Düşün adamı adi bir evə salsan, evdəki sodadan, kartofdan belə partlayıcı düzəldəcək. Bunu bacarmaq üçün kimyaya nə qədər bələd olmaq lazım olduğunu özünüz təxmin edin artıq.

    Neçə qat Dünya, avropa çempionu əsgər yoldaşlarım vardı, götləri açılırdı 10km traves* loru dildə desəm müəyyən bir məsafəni piyada şəkildə qət eləməkdi gedəndə. Hələ silahları boş, təkcə "naqrunik" ilə gedirdilər. sən isti yerində oturub bear grylls-in kamera arxasında pizza yeyib, videoda ilan kababı çəkməyinə ağzını ayırıb maraqla baxırsan, bu adamlar "polnu ekiprovka", azı 25kq yük ilə 70-80km traves gedir. Günlərlə, bəzən həftələrlə ac, susuz, öz sidiyini içəcək hala düşəcək qədər çöldə-bayırda olurlar. Bunlardakı psixi iradənin 0.00001%-i dünya üzərindəki insanların 99%-ində yoxdur, tam əminliklə deyirəm. Ən adi misalı çəkəcəm. Niqodnular, əsgər getməyənlər bilməyəcək nədən danışıram, amma Əsgərlikdə olanlar yaxşı bilir "olmadı" komandasını. "10 metr irəlidə döyüşə" veriləndə 3-5 dəfə "olmadı" eşidən kimi mazqisi xarab olurdu əsgərlərin. Bilməyənlər üçün adi bir nümunə çəkim. Təsəvvür edin, bir nəfər əmr verir ki, qaçıb 10 metr qabaqda yerə uzanmalısız. Siz qaçan yerdə yolun yarısından "olmadı" deyib qaytarırlar sizi dala. Özü də naz eləmək yoxdu e, gəzə-gəzə yox, ancaq qaçaraq əmri yerinə yetirməlisiz. Gedib uzanırsız, yenə deyir "olmadı", durub qaçırsız başlanğıc nöqtəsinə düz durub gözləyirsiz ki, təzədən "10 metr irəlidə döyüşə" desin, təzədən qaçıb uzanasız. Oxuyanda rahatdı e, siz bir də onu real yaşayın. 8-10 dəfə təkrarlansın, görüm necə olacaq? Xtq-dən bir tanışım danışırdı ki, təlimdə tapşırıq verirdilər üzbəüz dağın filan nöqtəsinə filan dəqiqəyə çatmalısız. 3-4km əziyyət çəkərək Dərəyə düşüb ordan da düz qalxırdıq dağın təpəsinə, dönürdük ki, tapşırığı verən komandir güzgülə günəşin işığını reflekt edərək "olmadı" komandasını verir. Qaça-qaça qayıdırdıq dala, təzədən yenə eyni əmri verir, yenə çatanda "olmadı" eliyib qaytarırdı dala. Oxuyanda asan görünür, hə? 35-40 dərəcə iyul istisində çöldə lüt uzananda adam qayğanaq olur, təsəvvür edin ayağınızda botinka, polnu forma, 25 kilo yük, əldə silahla bu dediyimi eləmək nə deməkdi? Hələ bu ən yüngül şeylər idi danışdıqlarından. Hərbidə Normal əsgərin, maxenin, zabitin ən zayob olduğu vaxt "həyəcan həftəsi"dir. Xtq-nin "cəhənnəm həftəsi"nin yanında bizim "həyəcan həftəsi" toy-bayramdı, istirahət gündü. Başlarına gəlməyən oyun qalmır bunların, danışdıqca deyirdim ala adam gijdıllağ olar e bu nələr görüb orda.

    Dərrakəyə gəldikdə, onlara fəlsəfi zəka lazım deyil, olmamalıdır da. Bir şey ki, heç bir dərk qabiliyyəti yüksək insan millətçi olmaz və əlində olan yeganə həyatını bu cür yaşamaz. başa düşdüz də nəyi demək istəyirəm? Yaxşı bəs bunlar olmasa sənin, mənim götümüzü isti yerə qoymağını kim təmin edəcək? Burası da var da, reallığı nəzərə alıb danışmaq lazımdır axı. bu adamlardan tələb olunan iradədir, dözümlülükdür. adamlar mexanizmdirlər, ye, idman elə, öyrədilən bütün hərbi bilikləri əzbərlə, tətbiq elə; üzmə, paraşütdən tullanma və s bu kimi 6-7 təlimdən keç. və ən əsası, fərdiyyətini kənara qoyub özünü təslim et. təslim etmək deyəndə konkret əmrlərə uymağı, idarə olunmağı nəzərdə tuturam. filan nöqtə alınmalıdırsa, alınmalıdır. başqa variantı yoxdur. birə-bir bütün əmrlərə uyub ələ keçirəcəklər. "ölməlisən" dedilərsə, ölməlisən, başqa cürə ola bilməz. Xüsusi təyinatda olan koordinasiya və "team work" şeysi ölkədə heç bir sahədə, heç bir yerdə yoxdur, başımla cavabdehəm bu sözümə.

    Əksəriyyətinin savadsız və dünyagörüşsüz olması qaçılmaz həqiqətdir. Çoxu elə "kənd uşağı" olur. Bizimkiləri də buraxasan elə otura bakıda, girdiyi deşiyindəki komfort zonasından ağzına gələni danışa. O vaxtı "Molodoy"da bir tağım komandiri vardı, köhnə xüsusi təyinatlı idi. deyirdi bunların, elə əsgərlərin də bir çoxu matrasın, normal səliqəli, isti geyimin nə olduğunu gəlib əsgərlikdə görüblər. indi bir misal çəkəcəm. Təsəvvür edin, korpusdan, nazirlikdən bizim hərbi hissəyə yoxlama hər gələndə mənim təhsil nəticələrimi öyrənəndə təkidlə qalıb zabit kimi işləməyimi istəyirdilər. Hələ bir dəfə ordunun "xüsusi təhlükəsizlik/inspeksiya" rəisi* bu adam potensial olaraq müdafiə nazirliyindəki istənilən zabiti vəzifə və rütbədən vura, birbaşa işdən qovdura bilər. nə qədər yüksək vəzifəli şəxs olduğunu ordan anlayın özünüz. hansısa hərbi hissəyə gələndə elə bir zabit yoxdu ki, əl-ayağa düşüb götü əsməsin gəldi, adam qayıtdı mənə dedi ki, "mənə sənin kimisi lazımdı. Nə vaxt zabit olmaq istəsən, gəl yanıma". Yaşmadan bizə seçimlərə gələndə gizir nə demişdi, deyim? Adam gəldi yaşımı, harda oxuduğumu və s. Soruşdu. Qayıtdı axırda "çıxıb ya moykada işləyəcəksən, ya bazarda, ya da çayxanada, başqa nə iş var ki? Gəl bizə, hazır 3qat maaşdı, 1 ilə altıva qəşəng maşın al qoy, Bakıda-zadda narmalniy evin-eşiyin olsun. Çöldə qayı-zad saxlayanda hörmətin olsun, vəsiqəni göstərəcəksən buraxacaqlar" dedi. Yəni adamın vizyonsuzluğunu anlamaq çətin deyil də yəqin ki? Yenə də qınamalı deyil, Bunların hərbidən başı açılmır ki, bir dünyaya baxsınlar. Bir az vaxt olan kimi ancaq yeyib-içməkdədirlər, belə stress atırlar. Həm də ki, bu məsələlərdə bir nüansı qaçırırıq: hərbi iş deyil, hərbi həyat tərzidir. Əsas da bu xtq-də.

    Nəticə olaraq, Bu insanları öz bildiyimiz şərtlər üzərindən dəyərləndirməyi düzgün hesab eləmirəm. Onları öz olduqları mühit və çevrədə qiymətləndirmək lazımdır deyə düşünürəm. Lap vətən, millət, militarizm, müharibə kimi anlayışlara qarşı çıxsaq belə, gəlin reallıq və məntiqlə yanaşaq: Kimsə Kənddə-kəsəkdə, ya elə yetimxanada böyüyüb avara kimi ortalıqda fırlanmaqdansa, qoy elə canı buz baltası kimi olub, vətəninə xidmət eləsin. Sağlam həyat tərzi sürsün. Ən azından, olduğu cəmiyyətə faydalı bir şəxs olar. Gəlin səmimi şəkildə cavab verin də bu suala: bir şəxs var. Onsuz da bu bədbəxt universitet oxuyası, dünyagörüşü artası deyil. Ya qayıdıb rayonda adi 300-400 manatlıq işdə işləyib ömrünü başa vuracaq, ya da ən azı 1600 manat maaşla hərbçi olacaq. Biri var, onunla siz qarşılaşacaqsız və "bu cahil yenə buralardadı" deyəcəksiz, heç vaxt özünüzlə bir tutmayacaq insan kimi görəcəksiz onu, biri də var erməni uzaqdan kölgəsini görəndə götünün qorxusundan girməyə deşik axtaracaq. Hansı yaxşıdı?

    Bu entrini belə yazmağımın səbəbi başlıqda ən çox bəyənmə alan entrinin bu qurum haqqında mənfi rəy yazıldığı entri olmağı oldu. Üstəlik, adi tərzdə deyil, bildiyin təhqiramiz formada yazılıb. Əsgərlikdəki maxe, gizir, zabit heyətinə qarşı tənqidi formada yazılsaydı, çox da vecimə olmazdı. Amma xtq tamam başqa səviyyədir. Həqiqiliyə qalanda isə xüsusi təyinatlı qüvvələr hazırda Azərbaycan ordusunda "dəniz pişikləri", yəni "sat"lar xaric ən elit təbəqə, hərbi cəhətdən ən savadlı və ən güclü kəsimdir. Ordunun döyünən ürəyidi, vuran qoludu.

    45 əjdaha!

    24.11.2022 02:36, Bertrand Zobrist
    8. ilk öncə, piket dağıdan xüsusi təyinatlı olmur, bunun üçün ayrıca çevik polis alayı var, ikinci xüsusi təyinatlılar çoxdu hər qoşun növünün var, lakin müdafiə nazirliyi tabeliyində olanntək xüsus təyinatlılar bildiyimiz xüsusi təyinatlılardı, geri qalanı, məsələn daxili qoşunlar xüsusi təyinatlıları var, sərhəd qoşunların xüsuiədi təyinatlıları var(çevik hərəkat dəstəsi)
    gələk təhsilə, zabit və rütbəlilərin çoxu( gizirlərdə daxil) minimum orta məktəb bitirmiş olurlar ki, zabit almağ üçün minimum ali təhsil vəya hərbi ali təhsil gərəklidir, boş boş qanmaz zad deməklə olmur, savadsızıda var 100faiz çavuş mavuş doludu, ordu özbaşına deyle, bilirlər kimi hansı vəzifəyə təyin etmək lazımdı, nəqədər bazar rüşvət olsada, hələdə orduya ordu gözü ilə baxanlar var, xüsusi təyinatlı quruma seçilmisənsə savadsız qalma ehtimalında yoxdu zatən, daimi yeni kurslar , yeni təlimlər olur,ki təhsildi buda, orduda olan adamada bu lazımdı,yeninsilah texnologiyaları istifadə bacarığıdı əsas, hətda sizin gündəlik ilkin tibbi yardımı bilmədiyinizə and içərəm ama onlar bilirlər. Orduda bir mayor, polkovnik yetişməsi üçün 20 il əziyyət çəkirlərki 1dənə normal polkovnik vəya mayor yetişdirilsin deyə, öyrənin içində olun sonra fikir bildirin.

    3 əjdaha!

    25.11.2022 07:45, krutoy benjx

    0 əjdaha!

    25.11.2022 11:21, 3-cü dalan ev17
    10. (baxma: O vaxtı məni seçmişdilər )eee
    Prosta getmədim

    zarafat bir yana
    bir dəfə poliqonda olanda gəldilər 2 nəfər (052) çox bomba geyinmişdilər adamda həvəs yaranırdı
    tez biz düzüldük falan
    gəldilər bir bir baxdılar 8 nəfər seçdilər biri də mən idim soruşdular mənim planlarım başqadı istəmirəm dedim.
    bəzi uşaqlar dedilər istəyirəm falan max 2 ay sonra hamısı geri qayıtdı keçə bilmədilər kursu. ali təhsilim olmasaydı mütləq gedərdim iradəmə əmin idim ki keçərəm o kursu.

    6 əjdaha!

    25.11.2022 13:13, albert einstein


üzv ol
Modalı bağla





əlaqəli xəbər bütün xəbərlər →
azerbaijan Almaniya xüsusi təyinatlıları Rusiya ilə qarşıdurmaya hazırlaşır world El Salvador, hücum altında qalan və itirilən 4 əsgəri tapmaq üçün Xaiti'ye xüsusi qüvvələr göndərir azerbaijan Bakı, Bişkek xüsusi qüvvələr arasında potensial əməkdaşlığı müzakirə edir azerbaijan Azərbaycan və Qırğızıstan xüsusi qüvvələr əməkdaşlığının genişləndirilməsini müzakirə edir (ŞƏKİL)

...