+1 əjdaha
1. 1783-cü il yanvar ayının 23-ü fransanın qrönobl şəhərində vəkil ailəsində dünyaya gəlmiş yazıçı. dünya ədəbiyyatında stendal olaraq bilinir. 7 yaşında olarkən anasını itirən stendal humanist və respublikaçı olan babasının himayəsində böyümüşdür. 1799-cu ildə hərbi nazirlikdə qulluğa girmiş birinci napoleonun italiya səfərində (1800) iştirak etmişdir. 1806-1814 cü illərdə intendant kimi napoleonun bir sıra hərbi səfərlərində o cümlədən rusiyaya yürüşdə iştirak etmiş ,moskvanın yandırılmasının , borodino döyüşünün , fransız ordusunun rusiyadan qaçmasının şahidi olmuşdur. napoleonun süqutundan sonra italiyaya getmiş karbonarlar hərəkatının rəhbərləri ilə əlaqə saxlamış, italyan romantikləri ilə yaxınlaşmış ,bayronla dostluq etmişdir . 1821-ci ildə fransaya qayıtmış ,ədəbi həyatda fəal iştirak etmişdir. 1830-cu ildə əvvəl triyestdə sonralar civitavekkiya (italiya) şəhərində fransanın konsulu işləmişdi. 1842-ci ilin martında bir neçə günlüyə fransaya gələn yazıçı paris küçələrində gəzərkən iflic vurması səbəbilə ölmüşdür.stendalın iki yüzdən çox ədəbi təxəllüsü olmağına baxmayaraq stendal (alman sənətşünası vingelmanın doğulduğu kiçik şəhərin adından gəlir) təxəllüsü ilə məşhurlaşmışdı. ilk əsərləri musiqiyə aiddir ( haydn, motsart və metastazionun həyatı (1817), rossinin həyatı (1824) və sairə. stendalın ədəbi yaradıcılığı fransız tənqidi realizminin ilkin mərhələsidir. italiya rəssamlığının tarixi , roma ,napoleon, florensiya (1817) , məhəbbət haqqında (1822) , rasin və şekspir (1823-1825), roma gəzintiləri ( 1829) və.s. kitablarında idealist estetikaya ,ədəbi ehkamlara , epiqonçu klassizmə qarşı çıxmış , incəsənətin ictimai vəzifəsini , realizmi , təbiiliyi və həyatiliyi müdafiə etmişdir. dörd romanın müəllifidir. armans , qırmızı və qara , parma monastrı , Vanina Vanini , lüsyen leven (1834-1836 ilk nəşrində qırmızı və ağ. tam nəşri 1929) . həmin əsərlərdə xüsusilə qırmızı və qara romanında burjua cəmiyyətinin ictimai və əxlaqi çürüklüyü , fransa burjua inqilabından sonrakı ictimai həyat , mütərəqqi ,inqilabi qüvvələrlə irtica arasındakı mübarizə əksini tapmışdır. həm köhnə , mürtəce qüvvələrin nifrəti , həm də yeni burjua qaydalarının amansızlığı ilə qarşılaşan yüksək təbiətli , bacarıqlı , ehtiraslı gənc nəsil bu mübarizədə çox vaxt məğlub olur. hadisələrə yanaşmada tarixilik , vəziyyət və xarakterlərin inandırıcı təsviri , qəhrəmanların psixoloji aləminə dərindən nüfuz etmək , dinamik ehtirasları , ağıl və hisslərin bağlandığı düyünləri açıb göstərə bilmək məharəti stendal yaradıcılığının səciyyəvi cəhətləridir. psixoloji romanın da ustalarındandır. qəhrəmanlarının (jülyen , fabritsio ) daxili aləmini ictimai mühitdən , sosial şəraitdən təcrid etmir. anri bryuların həyatı (1835) , xudbinin xatirələri (1832) avtobioqrafik əsərləri , lamyel (1839-1842 bitirə bilməmişdir) kimi əsərlərin yazarıdır. stendalın müəllifi olduğu demək olarki əksər romanlarına filmlər çəkilib. yazıçının adı ilə stendal sindromu (florensiya) psixosomatik pozğunluğu məlumdur