bugün məsləhət təsadüfi
sözaltı sözlük
postlar Yoxlama mesaj

...

ryunosuke akutagawa

| ədəbiyyat
5,090 | 9 | 18

əjdahalar  googlla
rashomon - aoi bungaku - kappa - karma qanunu - convenience store woman

    💛

    Yalnız deyilsən!

    Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.

    Sözlük yazarları olaraq səni hər zaman dinləyə bilərik.

    Əgər yalnız hiss edirsənsə, qaynar xəttə zəng et:

    ☎ 860
    1. yapon hekayə ustası

    0 əjdaha!

    18.02.2013 16:08, doktormann
    2. xıx əsrdə tokioda anadan olub. psixi vəziyyətini güzgü kimi əks etdirən çoxlu sayda əsərlərin müəllifidir.
    " cəhənnəm izdirabları" novellası ilə daha çox tanınır azərbaycanda. əgər ürək və psixiki xəstəliklərdən əziyyət çəkmirsizsə son sözü gedən əsəri və rasyomon darvazası əsərini mütləq oxuyun.
    "rasyomon darvazası" ilə "sıx meşələrdə" ən məşhurlardan sayılır və müəllifin bu əsərləri əsasında "rasyomon" adlı film çəkilib.


    (bax: intihar edən yazarlar )

    2 əjdaha!

    18.02.2013 17:04, sistem robotu
    3. möhtəşəm yazardır. 34 yaşında intihar edib. hekayələrini bir kənara qoyaq kappalarla bağlı povesti əfsanədir. hekayələrindən ən çox bəyəndiyim batat kaşası"dır. maraqlı insandır kədərlidir yalnızdır və bütün bunlar əsərlərində yansıyıb.

    1 əjdaha!

    15.05.2013 19:14, mestan
    4. yapon ədəbiyyatının dəsti-xəttini müəyyənləşdirən yazar. yaponiyada sayılıb-seçilən yazarlar onun adına təsis olunmuş mükafatla təltif olunurlar. yaradıcılığında rus ədəbiyyatının xüsusilə dostoyevski və çexovun təsiri hiss olunur. ən çox bəyəndiyim əsəri valdşnep pyesidi.

    0 əjdaha!

    31.05.2014 15:50, ester mastergund
    5. yapon hekayələrinin atası hesab olunur. böyük hörməti var. akira kurosawa onun 2 hekayəsini birləşdirib və bir möhtəşəm film çəkib - rashomon.
    yaxın dostu masao kumeyə son məktubunu - vəsiyyət adlı məktubu yazaraq intihar edib. intihar səbəbini həmin məktubda və əbləhin həyatı ( a fool's life) əsərində açıq-aydın bildirib. son məktubu məndə dərin izlər buraxmışdır. həmin vəsiyyəti üst insana gedən yol (ayo tərcümələr toplusu) kitabından oxuya bilərsiz.
    intihar səbəbi haqda yazır:

    --sitat--

    renye deyir ki, intihar edən şəxs bunu niyə etdiyini bilmir. bizim hərəkətlərimizi müəyyənləşdirən mürəkkəb səbəblər var. ancaq mənə gəldikdə, bu səbəb - məni bürüyən anlaşılmaz həyəcandır. gələcəyimə görə keçirdiyim anlaşılmaz həyəcan.

    --sitat--


    və sonda vəsiyyət edir ki:

    --sitat--

    səndən çox xahiş edirəm ki, ölümümdən bir neçə il sonra bu məktubu dərc etdirmə. qoy, mənim xəstəlikdən öldüyümü zənn etsinlər.

    --sitat--

    1 əjdaha!

    04.07.2014 14:07, baba
    6. çox özünə məxsus yazan və psixi cəhətdən ağır əziyyətlər çəkmiş yazıçıdır. 8 aylıq olanda anası ağır depressiyadan intihar edir , akutaqavada uşaqlıqdan irsən travma almışdır. atası və nənəsi ilə böyüsədə o, həmişə tək idi, kitabları ilə birlikdə böyümüşdü. özünü hər dəfə intihara sövq edirmiş, yaşaya bilmirmiş, həmişə yuxu dərmanları ilə saxlayırdı özünü. sonra akutaqava evlənir ( bu bir hekayəsində də var) uşaqlarıda olur və ailədə hər şey yaxşı gedir lakin, bu insan heyatdan o derece qopub ki, ailəsi ilə yaşaya bilmir. bir müddətlik çıxır gedir oteldə qalır və orada da yazır eləyir. bir gün dözə bilmir gecə boyu yuxusuz qalır və gün doğana yaxın həmişə atdığı yuxu dərmanını overdose eliyir və ölür. onu intihara sövq etməyinin başqa səbəbləridə var. bəzi sənətşünaslar və onun ölümünü araşdıranlar deyiblər ki, akutaqava haradasa qeyd edib ki, " mən heç vaxt viktor hüqo kimi yaza bilməyəcəm". deyənlər varki sırf onun depressiyasından öz işlərini bəyənmirdi deyə intihar edib. başqa bir fərziyyə isə bu idi ki, 1-ci dünya müharibəsindən sonrakı dövürlərdə yaponiyada krizis idi, işsizlik idi, çörək tapılmırdı. akutaqavanın bacısının əri işsizlikdən ailəsini keçindirə bilmir. sığortadan pul qopartmaq ümidi ilə öz evlərini qəsdən yandırır. lakin sığorta ekspertləri bunu araşdırarkən yanğının qəsdən çıxarıldığını aşkar edir. hər şeyi itirdiyinə görə yaşamağında bir məna görmür və maşını qatarın qabağına sürüb intihar edir. akutaqavada özünü yazdığı hekayələr ilə kiçik qonorarlarla güc- bəla ilə keçindirir. bəziləri onunla əlaqələndirir ki, qaynının ölümündən sonra akutaqava məcbur bacısı və onun uşaqlarına baxmalı olur lakin, onları dolandıra bilmir, ağlını itirir və intihar edir. rasyamon hekayəsini bəyənməsəmdə en sevdiyim yapon yazıçıdır. o hekayəni xatırlayarkən musiqi əsərlərindəki preludiya yadıma düşür. giriş verilir lakin sonu bilinmir. ona görədə rejissor rasyamon filmini çəkərkən iki əsərdən istifadə edib. əvvəlcə "rasyamon darvazaları" ilə başlayıb, arxasını isə möhtəşəm hekayəsi olan " sıx meşələrdə" hekayəsi ilə davam etdirib. yeri gəlmişkən qeyd edim ki, sujetin əsasını " rasyamon darvazaları" hekayəsi daşımır.

    7 əjdaha!

    29.04.2015 20:00, zibillikdə eşələnən sibilla
    7. modern yapon hekayə sənətinin atası, allahı, hər şeyi. yazdığı müxtəlif uzunluqda olan hekayələri, əsasən fərqli mövzular və tiplərlə qarşımıza çıxır. burda 12-13-cü əsr yaponiyada aclıq çəkən insan tipindən tut, 20-ci əsrin intellektual adamına qədər hər kəslə qarşılaşa bilərsiniz. yayımlanmış ilk hekayəsi olan raşomon qoqolun şinel əsərinin tərsinə çevrilmiş versiyasıdır və akutaqava bunu ustalıqla bacarır. ən məşhur əsəri cəhənnəm iztirabları dır ki, burda incəsənəti tanrılaşdırmaq və ondan ötrü hər şeydən keçmək olarmı? mövzusu işlənir. saytlarımızda bir neçə çevirilmiş hekayəsini tapa bilərsiniz. rünoskenin hekayələrində çexoc satirası, hüqo dramatizmi, yapon estetikası və şərq fəlsəfəsi cəmlənmişdir. bir neçə səhifə ilə sizi çox rahatlıqla nokauta sala bilər. oxuyun, oxutdurun.

    3 əjdaha!

    30.05.2015 00:25, kurçulava
    8. (bax: ryunosuke akutagawa)

    1892-1927-ci illər arası yaşamış, yapon ədəbiyyatının ən məşhur melanxolik yazarlarından biridir. yaponiyada ryunosuke "qısa hekayələrin atası" olaraq adlandırılır. yaponiyanın ən məşhur ədəbiyyat mükafatlarından biri olan "akutagawa mükafatı" onun adını daşıyır. bu mükafat isə 1935-ci ildə dövrünün bungeishunju jurnalının redaktoru və akutagawanın ən yaxın dostlarından biri olan kan kikuchi tərəfindən onun xatirəsinə həsr olunmuşdur. hal-hazırda isə ildə 2 dəfə, yanvar və iyul aylarında bu mükafatlar ilin ən uğurlu əsərinə verilir ki, əksərən bu əsərlər də akutagawanın yazdığı kimi qısa əsərlər olur. əlavə olaraq akutagawa ilk intihar cəhdində uğursuz olsa da, 2-ci dəfə də yüksək dozada barbital qəbul edərək intihar etmişdir.

    0 əjdaha!

    30.05.2015 01:38, hououin kyouma
    9. adının mənası "əjdahanın oğlu" demək olan xarizmatik və bir o qədər də psixoloji problemli yapon qısa hekayə ustası. məktəb vaxtı uşaqlara oxutdurulması mütləq olan yazarlardandır.

    əlavə olaraq bungo stray dogs animesində də eyniadlı obraz var. animedə, demək olar, hər obraza xüsusi ilahi güc verilib və akutagawanın gücünün adı rashomondur.

    3 əjdaha!

    31.10.2020 03:45, vagabondyouknow


üzv ol
Modalı bağla





xəbər lentindən bütün xəbərlər →
culture Aİ-nin Gürcüstanda maliyyələşdirdiyi festival ləğv olundu azerbaijan Əli İskəndərli Avropa çempionatında bürünc medal qazanaraq Azərbaycan idman tarixində ilkə imza atıb azerbaijan Qazaxıstan hərbçilərin Xəzər dənizində ölümü ilə bağlı araşdırma komissiyası yaradıb azerbaijan Aİ-nin Gürcüstanda maliyyələşdirdiyi festival ləğv olunub

...