qınamaq — ən bəyənilən yazılar

+1 əjdaha

3. insan mürəkkəb bir varlıqdır və onu mürəkkəb edən şey isə sosial olmasıdır. Duyğuları, reaksiyaları, hissləri və düşüncələridir. Biz hər hansı məlumatları kitabdan alırıq və oxuyub bitirdikdən sonra istədiyimiz məlumatları öyrənirik. Amma bəzən istəsək də, istəməsək də birirnin kitabını oxuyuruq - “insanların kitabını”. Təsüvvür edin ki, siz yeni bir sinifdə oxuyursuz. Bu məktəb də, kollec də və ya universitet də ola bilər. Siz maksimum nə qədər vaxt ərzində sinif və ya qrup yoldaşlarınızı tanıya bilərsiz? Onların görünüşü, adları, xasiyyətləri, davranışları hamısı fərqlidi… Bəzən həyatda yanlış insanlarla yaxınçılıq edir, dost oluruq. Mənim fikrimcə düzgün insanları seçmək xüsusi peşə sayılır. Hamı fərqlidir. Məsələn siz birisi ilə söhbət edərkən onun ağlından keçəni bilirsiz? Təbii ki yox. Çünki təkcə siz yox, hamı mürəkkəbdir.
Bir gənc düşünün… 18 yaş aralığında olan biri. Sizcə onun həyatda təcrübəsi nə qədər ola bilər? Bəzən bizə sadəcə insanların xarici görünüşü önəmli gəlir. Və onun görünüşünə görə də onun yaşını tərtib edirik. Məncə insanın yaşı 2 hissəyə bölünür: Ruhsal yaşı və fiziki yaşı. Mən əminəm ki, ruhumu çoxdan qocalar evinə verməyin vaxtı gəlib çatıb…
Bəzən də insanlar münasibətlərdə xarici görünüşə önəm verir. “Əsas daxili gözəllikdir” deyən insanları heç ağlıma gətirə bilmirəm. Tutaq ki, qabağınıza eyni yeməyi 2 fərqli boşqabda qoyublar. Birinci qab çirkli və səliqəsiz, ikinci qab isə səliqəli və gözəl görünüşlüdür. Siz hər halda ikinci qabı götürəcəksiz. Çünkü səliqəli yemək ilk baxışdan iştahaçıcı və gözəl görünür… Bəs birdən birinci qabdakı olan yeməyin, ikinci qabdan daha dadlı olduğunu desəm? insanlar da belədi. Birinsanı tanımaq üçün gərək onunla söhbət edib, düşüncələrini öyrənəsən. Çünki, görünüş həmişə yanıltıcıdır. Ona görə də çalışın bacardığınız qədər heç kimi qınamayın. Ən böyük məsləhətim isə qarşısındakının yaşına görə davranışını dəyişən insanlardan uzaq olun. Ağıl və təcrübənin yaşla əlaqəsi yoxdur. Əgər bu səhv olsaydı, valideynlərin dünya görüşü olmamasına görə uşaqlar əziyyət çəkməzdilər.