köhnə sevgili
| sosial84,992 | 139 | 607
əjdahalar googlla
suda üzməyə qorxan balıq
Yalnız deyilsən!
Bu duyğuların müvəqqəti olduğunu və kömək mövcud olduğunu bilmək vacibdir. Dostlarınıza, ailənizə, profesionallara müraciət etməyiniz vacibdir. Sizi dinləmək və lazım olan dəstəyi təmin etmək istəyən insanlar var.
Sözlük yazarları olaraq səni hər zaman dinləyə bilərik.
Əgər yalnız hiss edirsənsə, qaynar xəttə zəng et:
☎ 860Mənim üçün "köhnə sevgili" anlayışı yoxdur, çünki yenisi olmayacaq. Bu da bir seçimdir, Bəziləri davam etmək üçün unudur, bəziləri isə unutmadan yaşamağı öyrənir. ikincisi daha ağırdır, amma zamanla öyrəşilir. Siz "zaman keçəcək, unudacan və yeni biriylə olacaqsan" deyə bilərsiniz, lakin hər bir halda içimdəki baxışı sizlə bölüşmək istərdim.
Mən ki, bir insanı bu qədər düşünüb sevib yeri gəldi uşaqlaşmışamsa eyni hissləri başqasında yaşamağımı özümə ikiüzlülük sayaram. Lap belə uşaqlaşım, ağzımdan əvvəlki sevgilimin adı çıxacaq. Yeni birinə yer yoxdur. Mən düşünürəm ki, “yenisi olmayacaq” deməksə həyatın qapılarını bağlamaq deyil. Bu, sadəcə olaraq sevginin istehlak edilən bir şey olmadığını qəbul etməkdir. Hər hiss təkrarlana bilən deyil. Bəziləri bir dəfə olur və insanın ölçü meyarını dəyişdirir. Ondan sonra hər şey ya kiçik gəlir, ya da saxta. Bu halda ondan sonrakı şəxslərlə münasibəti düşünməyə də dəymir.
Münasibətdəykən tək qorxum onu zamansız itirməyim ola bilərdi, amma indi bir yerlərdə yaşayırsa mənim üçün kifayətdir. Ruhumun yarısının onda olduğunu bilirəm. Hər nə qədər başdan xarab olsa da.
insan bəzən ruhunun bir hissəsini başqasına verir və sonra onsuz da yaşamağı öyrənir. Bu xəyanət deyil, təkamüldür. Sevgi bitmir, forması dəyişir və o şəkildə sevir.
içimdə daxili bir sədaqətin olduğunu düşünürəm, əvvəlki entrilərimdə öz dəyərlərinə sadiqlik haqda danışmışdım, bu başqadır, Hər kəs bunu da yaşaya bilməz, ona görə də hər kəs başa düşmək məcburiyyətində də deyil.
Bəzən insanın içindəki sədaqət, cəmiyyətin gözlədiyi "davam et" refleksindən daha yüksəkdə dayanır, mənsə davam edirəm, amma yeni biriylə yox. Yeni mənlə..
ayrıldıqdan sonra məndən ayrı qalmağın çətinliyi barədə yox, daha çox ətrafındakı dost çevrəmizə ayrılığımızın günahkarının kim olduğu barədə açıqlama verməyi düşündüyünü dəfələrlə hiss etmişdim. məndə də səhv var idi. qəribə məqamları, qeyri-sağlam halları, xəstə yanaşmaları müşahidə etdiyim halda bir münasibəti öz ağlıma etibar etmədən 7 ilə yaxın davam etdirməyimin səbəbi nə idi? məktəbi uğurla bitirib normal universitetə qəbul olmuş, yaxşı futbol oynamış, mədəni tədbirlərdə hər zaman aktiv iştirak etmiş, yaşadığı məhəllədə də davalardan qalmamış aktiv bir uşağın özünü bir qızın əllərinə təslim etməsi nə ilə bağlı ola bilərdi?
köhnə sevgilim travmalarını gəncliyimin ən enerjili vaxtlarında həyatıma tətbiq etməyi bacardığı limitlər ilə müalicə etmiş, məni ona şeirlər yazmağa məcbur etmiş şəxsdir. sanki, onun komplekslərini, travmalarını müalicə etməyi öz öhdəliyimə götürmüşdüm. bəli, əminəm ki, belə bir halla ilk dəfə tanış olan istənilən şəxs düşünəcək ki, belə məcburiyyətlər ola bilməz. ancaq, təəssüf ki, mərhəmətin də artığının zərərli olduğunu vaxtından əvvəl təcrübədən keçirməyimə səbəb olmuş insandır köhnə sevgilim. mənim xəstə sevgi münasibətimin qisasçı tərəfi. nə biləydim göz yaşlarının qisasını alacağını və məni cəhənnəmin ortasında tək qoyacağını?!
"yaxşı ki, yoxsan" və yaxşı ki, itirdiyim illəri kompensasiya etməkdə aciz deyildim, ağlım unutdurulmuş kimliyimi yenidən xatırlamağa çalışacaq qədər başımda idi. lakin, bilirdim ki, yaşanmış ağrını unudacaq və yox sayacaq qədər yumşaq olmayacağam. bir gün qarşına çıxacağam, ya da yadına düşəcəyəm və yenə axacaq burnunun suyu.
üzv ol