gaslighting
əjdaha lazımdı
izlə
dostlar
mən
googlla
narsisistik şəxsiyyət pozuntusu - ilk dəfə tanış olduqdan sonra ghostlanmaq - bir oğlanda dözülə bilməyən şeylər - oğlanların ən çox işlətdiyi yalanlar - azərbaycanlıların uşaq böyütmə üsulu - ghosting - azərbaycanın yaxşı tərəfləri - əsəbdən ağlamaq - köhnə sevgilinin unudulmayan sözləri
dostlarının yazdıqları:
Narsizmin əsas komponentlərindən biridir, fəqət yenə də gaslight edənlər həmişə narsist olmurlar. Öz müşahidə və təcrübəmdən, bir vaxtlar özümün etdiyi, mənə qarşı edilən, başqalarına edilərkən gördüyüm anlardan yola çıxaraq deyə bilərəm ki, əsas edilmə səbəbi gaslighting-i icra edən tərəfin qarşısındakının emosiyalarının təsirindən qaçınmaq istəməsidir. Bir növ "sənin hazırda ifadə etdiyin duyğular məni narahat hiss etdirir" düşüncəsi ilə həmin duyğuların əsassız olduğunu qarşı tərəfə isbat edərək onların narahatedici təsirindən qaçınmaq istənilir. Bir qohumumda panik-atak bənzəri bir durum var idi və hər dəfə anasına xəstə olduğunu dedikdə o, "özündən çıxarırsan, heç nəyin yoxdur" deyirdi. Mənə elə gəlir, ana orada oğlunun xəstə ola biləcəyi gerçəyindən narahat olduğu üçün ona gaslight edir ki, bir daha bu mövzunu açıb onu narahat hiss etdirməsin.
Yəni, məncə, çox vaxt qarşımızdakının ifadə etdiyi şeylər bizi narahat etdikdə buna baş vurma təmayülü göstəririk. Əlbəttə, başqalarının duyğularını ifadə etməsindən narahat olmağımız, xüsusilə daim neqativdirsə, normal bir şeydir, lakin bunun öhdəsindən gəlmək üçün gaslighting etmək qarşıdakını emosional istismara məruz qoymaqdan başqa bir şey deyil. Qısaca sağlam bir şey deyil, onun əvəzinə açıq danışmaq lazımdır.
hamısını göstər