4. xalqımızın böyük əksəriyyətinin məhkum olduğu vəziyyətdir. mən indi irandakı soydaşlarımız belə, ana dilində təhsil ala bilmirlər, zırt-pırt yazmayacağam. başa düşdük ki, onlar başqa dövlətdə yaşayırlar.
mənim rusdillilərə qarşı nifrətim də yoxdur. özüm də rus dilində başa düşürəm.
amma məsələ orasındadır ki, azərbaycanda hələ də ana dilindən başqa hər dildə danışan soydaşlarımız var. digər entrylərdə də qeyd etdiyim kimi ya rus dilində danışar, ya türk dilində danışar, amma ana dilində danışmağı özünə sığışdırmaz. bunun səbəbi cəmiyyətin tətbiq etdiyi təzyiqdir. bir az da dəqiqləşdirsək, cəmiyyətin rusdilli təbəqəsinin yaratdığı təzyiqdir: "oy azerbaycanskie çuşki", "vse oni taki такie da" və s. digərlərinə gəldikdə isə onları da günahlandırmaq düzgün deyil. azərbaycan dilində məlumat bazasının azlığı, tədris kitablarının "həsənsoxdu, basməmmədi" kimi hazırlanması, mətbuatın ana dilindən düzgün istifadə etməməsi ana dilində zəif danışmağımızın səbəbidir.
bunun həlli isə hər kəslə, yəni azərbaycandakı rusdillilərlə də ana dilində danışmaq, türkdilliləri ana dilində danışmağa məcbur etməkdədir. yoldaşlar, ana dilinizi qoruyun. rusdillilərin, türkdillilərin ana dilinizi zəiflətməsinə imkan verməyin. bilirəm bunu şovenizm, faşizm kimi başa düşənlər olacaq. amma diliniz nə başqa dildən zəif, nə də başqa dildən üstündür. orfoqrafiya, orfoepiya lüğətlərinə üz tutun. onsuz bu dil illərlə bədbəxt gününə qalıb. heç olmasa tarix səhnəsindən yoxa çıxmasının qarşısını alın.

bir az mənliyiniz olsun. mütləq başqa millətə əyilməlisiz?!

qeyd: parisdəki terror hadisələri ilə bağlı yazılarımın bu yazıma dəxli yoxdur.