2. Gömrüklərdən şəxsi istifadə üçün belə nəsə keçirməyə limit var, limiti keçdinsə elə rüsum qoyulub ki aldığın malın birini özünə ikisini gömrüyə alırsan.

Vergi sistemində son illərə qədər olan, indi 'xala xətrin qalmasın' bir az babatlaşmış kimi görünən 'sistemsizlik'dən danışılası deyil. Hələ ən yaxşı halda adı sistemsizlikdir.

Hər tərəfdə başını alıb getmiş monopoliyanı bilməyən yoxdur.

Məmur özbaşınalığı da elə hal alıb ki, artıq məmurlar da, xalq da sanki belə də olmalı imiş ki davranır və yaşayır.

Büdcədən oğurlanan milyardlar artıq sadəcə söz-söhbər deyil, işdən çıxarılan nazirlərin, icra hakimlərinin varidatını uşaqdan böyüyə hamı bilir.

Və bütün bunların fonunda, azərbaycan xalqı uşaqpulu tələb edir. Belə baxanda, onsuz da yuxarıda sadaladıqlarımı qaytarmaqdan çoxdan əlini üzmüş xalqın heç olmaya 'beş-üç manat qabağa düşmək üçün' elədiyi bir tələbdir. xalq da nə tələb eləsə haqqıdır. Ancaq, sadalananların fonunda ona oxşayır ki, elə bil cibindən göz görə-görə pulqabını oğurlayırlar, sən də onun içindəki yol pulunun davasını edirsən.