əjdaha lazımdı
izlə
dostlar
mən
googlla
Bir kərə yüksələn bayrağın birdəfəlik enmə hekayəsi
-
26-lar
başlıqdakı ən bəyənilən yazılar:
+10 əjdaha
6. birincisi işğal deyildi. bildiyim qədər hər kəs öz vəziyyətindən məmnun olub. bircə dənə mülkədarları filan çıxsaq. normal deyil? adamların hər şeyi əlindən alınıb və xalqa verilib. təbii ki üsyan etmək istəyəcəklər. ancaq xalq məmnun olub. ikincisi ruslar olmasın olsun ingilislər. bəyəm ingilislər azərbaycan xalqının alagözünə aşiq olmuşdu? hər ikisinin öz maraqları olub. ingiltərədən danışıram. hansıki on ilin içində gah israilə gah da fələstinlilərə dəstək verib ortalığı alovlandırırdı. sırf çıxarlı ucbatından. ölkələr öz çıxarlarını düşünür. əgər sən işğal olunmaq, bölünmək, parçalanmaq istəmirsənsə bir zəhmət təhsil al, maariflən, zırlama düşüncələrdən əl çək. yoxsa neftin pulu ilə bir dənə təhsilə pul ayırma get tualetə 90 min ver. üç-dörd ilə basa-basa təbii ki yenə işğal olunacaqsan.
ağılsızlığın nəticəsi. bu qədər.
+10 əjdaha
8. « Deyirlər bu gün Şura Azərbaycanının yeddinci ilidir.
Mən bir fağır mollayam və siyasətnən, zadnan da o qədər işim yoxdur və bu cür işlərdən o qədər də başım çıxmaz. Ancaq bu yeddi ili götürəndə və bu yeddi ildən qabaqkı illəri götürəndə mənim zehnimə bir şey gəlir. Yadıma salıram keçmiş günləri və öz-özümə deyirəm:
bari pərvərdigara, dünyada nə yaman günlərə rast gəlmişəm və insanın canı necə bərk olarmış. Məsələn, götürək bu erməni-müsəlman davasını. Nə evində rahatca çörək yeyə bilirdin, nə evində rahatca yata bilirdin. Elə istəyirdin ağzına bir dürmək çörək alasan, birdən eşidirdin: “part!” Ədə, nə var? Bəli, xəbər gəlirdi ki, bir ağıllı müsəlman bir ermənini vurub öldürdü. istəyirdin öz evində rahatca yıxılıb yatasan, birdən eşidirdin: “part!”. Ədə, nə var? Xəbər gəlirdi ki, bir ağıllı erməni bir müsəlmanı vurub öldürdü.
Qəribə burasıdır ki, bu Şura hökumətindən qabaq o vədə ki hökumətlər zahirdə nə əlac eləyirdilərsə, nəticədə bu şoqərib ədavət aralıqdan götürülməyirdi və bu iki ağıllı millət bir-birini qırıb qurtarmaqda idi və bir-birinin ev-eşiyini yandırıb tələf etməkdə idi. Ta ki yeddi il bundan qabaq Şura hökuməti gəldi.
Mən bir fağır mollayam və çox-çox dərin mətləblərdən başım çıxmaz. Ancaq bu yeddi ili götürəndə və bu yeddi ilin qabaqkı əsrlərini götürəndə ortalığa zəmin və asiman kimi təvafüt gəlib çıxır. Belə ki, qabaqlarda iki qonşu bir-birinin canına düşüb vuruşurdu. Amma indi əl-ələ verib bir yerdə çalışırlar.
Hansı yaxşıdır? O, ya bu?
Mən bir fağır mollayam və siyasətnən-zadnan da o qədər də işim yoxdur. Ancaq mən öz oxucularıma bunu deyirəm: Yaşasın elə bir hökumət ki, onun tərbiyəsi altında millətlərin bir-birinə olan ədavətinin yerində onların məhəbbət və mehribanlığı möhkəm bir yer tutdu. »
“Molla Nəsrəddin” jurnalı, 1927-ci il, 28 aprel, 18-ci sayı.
+4 əjdaha
7. azərbaycan solunun birləşib ssriyə qoşulduğu gün.
(bax: 26-lar)
(bax: nəriman nərimanov)
gəbərin pis millətçilər və liberallar. yerli sadə xalqdan, kəndlilərdən yaxşı biləssiz işğaldır yoxsa inqilab? ssri işğal deyildi, kəndlilərin, xalqların birləşməsi idi.
görürük indiki səfsətə üstündəki saxta azadlığınızı və hakimiyyətinizi. liberalizminizə hoppanım.
+3 əjdaha
5. bugün, 28 aprel (1920), bolşevik rusiyasının 11-ci ordusunun azərbaycanı işğal etdiyi gündür. həmin gün azərbaycan tarixi məcradan çıxarıldı. ondan sonra tarix bizim üçün başımızdan gələnlər yox, başımıza gələnlər şəklini aldı.
70 il sonra, 1990-cı ildə sovet ordusu yenə bakıya girdi, camaatı qırdı və bununla moskva azərbaycanı itirdi. xalqımız yenidən tarixin subyekti oldu. buna görə, xalq olaraq, çox ağır qiymət ödədik və ödəməyə davam edirik.
qarabağın və ətraf rayonların işğal altında qalması - müstəqilliyimizə görə ödədiyimiz qiymətdir. bunu unutmayaq! rusiya "torpaqlarımızı bizə qaytarmaq" adı altında bütün azərbaycanı ələ almaq istəyir. buna yol verə bilmərik, tarixi haqqımız yoxdur. müstəqillik - böyük nemətdir. müstəqilliyimiz var olduqca, torpaqlarımızın da bir gün özümüzə qayıdacağı və özümüz tərəfindən idarə olunacağı ehtimalı da qalır. müstəqillik əldən gedərsə (xalqımız tarix subyektliyini itirərsə) torpaqlar da əldən gedəcək, özümüz də kimliyimizi itirəcəyik. (c) erkin qədirli
+3 əjdaha
11. Bu gün 28 aprel - Azərbaycan proletar inqilabının zəfəri . Həmçinin Azərbaycandaki ingilis müstəmləkəsi Hökümətin süqutu tarixdir. (bax: Məhəmməd əmin rəsulzadə)
1920-ci il aprelin 28-də Azərbaycan SSR inqilab Komitəsi yeni hökumətin - Azərbaycan SSR Xalq Komissarları Sovetinin aşağıdakı tərkibini təsdiq etdi:
N. Nərimanov — XKS-nin sədri və xalq xarici işlər komissarı;
Ç. ildırım — xalq hərbi-dəniz işləri komissarı;
H. Sultanov — xalq daxili işlər komissarı;
Ə. Qarayev — xalq əmək və ədliyyə komissarı;
Q. Musabəyov — xalq ticarət, sənaye və ərzaq komissarı;
M. D. Hüseynov — xalq maliyyə komissarı;
S. Ağamalıoğlu — xalq əkinçilik komissarı;
D. X. Bünyadzadə — xalq maarif komissarı və xalq fəhlə-kəndli müfəttişliyi komissarı;
C. Vəzirov — xalq poçt, teleqraf və yollar komissarı;
A. H. Kazımov — xalq səhiyyə və himayə komissarı.
M. israfilbəyov (Qədirli) — xalq hərbi-dəniz işləri kommisarlığı siyasi idarəsinin rəisi.
Bu, Azərbaycanın sovet hökumətinin ilk kabineti idi. Sonralar onun tərkibi dəfələrlə dəyişmişdir. 1920-ci ilin avqustunda isə Kiçik Xalq Komissarları Soveti yaradıldı. Onun əsas vəzifəsi Azərbaycan SSR inqilab Komitəsinin səlahiyyətinə aid olan məsələləri ətraflı müzakirə etmək və hazırlamaq idi.
Qısaca: Romantik və millətçi liboşların torpaq mülkdarı-Ağa-xan-milyonçu Müstəmləkəçi sevgisinin yarıda qaldığı tarix.
Şəkildə hökümət dəyişdikdən sonraki atılmış ilk addımlar yazılıb.
![]()
Ümumi sovet dövrünün tərəfdarı və müdafiəçisi olmasamda bu kişilərin 1920-1922 də etdikləri azərbaycan üçün çox böyük şeylər olub. Tarixə dərindən və ideologiyasız baxan-araşdıran hərkəs Nərimanovun necə böyük bir lider olduğunu unutmayacaq. Ruhun şad olsun.
Son olaraq nərimanovun sözləri ilə bitirirəm:
Siz özünüzü bir millətdən hеsаb еdirsinizsə, özünüzün bir vətəniniz vаrdırsа, həmin millətin, həmin vətənin dərdi-qəmi sizin dərdiniz, qəminizdir və bir millət və yа vətən sizi öz üzvlərindən hеsаb еdirsə, sizin dərdiniz, qəminiz millət və vətən üçün ümumi dərd və qəm оlmаlıdır.
(bax: NƏRiMAN NƏRiMANOV)
![]()
+2 əjdaha
4. 28 aprel.
təkrar biliyin anasıdır.
bu bizim gələcəyi daha aydın görmək üçün daim yadda saxlanmalı olan tariximizdir.
çox qısa siyahı:
1) çingiz ildırım - kommunist, azərbaycan sovet rejiminin qurucularından və rəhbərlərindən biri, qurduğu rejim tərəfindən məhv edilmişdir;
2) ruhulla axundov - kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
3) əli heydər qarayev- kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
4) mustafa quliyev - kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir; (mustafa quliyev həm də "azərbaycanda oktyabr düşmənləri" kitabının müəllifidir)
5) sultan məcid əfəndiyev - kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
6) qəzənfər musabəyov- kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
7) mirzə davud hüseynov- kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
8) ayna sultanova - kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
9) həmid sultanov-kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
10) vəli xuluflu - kommunist, azərbaycanda sovet rejiminin quruculuarından və rəhbərlərindən biri, qurduğu rejim tərəfindən məhv edilmişdir;
11) dadaş bünyadzadə- azərbaycan sovet hökumətinin qurucularından, ilk rəhbərlərindən biri, qurduğu rejim tərəfindən məhv edilmişdir;
12) mir cəfər bağırov - kommunist, azərbaycanda sovet rejiminin rəhbərlərindən biri, qurduğu rejim tərəfindən məhv edilmişdir. (c) altay göyüşov
+1 əjdaha
1. azərbaycan ssrin qurulduğu gün. millətçilər və liberallar üçün işğal, bolşeviklər üçün inqilab günü.
+1 əjdaha
10. O vaxt bizi satıb bolşevikləri dəstəkləyən Azəri komunistlərin ruhuna səslənirəm nə keçdi ala əlinizə ?Satdığınız adamlarla eyni divarda güllələndiniz
hamısını göstər
