+17 əjdaha
1. 1789-1799 cu illərdə baş vermiş, qəddar monarxiyanın devrilməsi, kral 16-cı luisin gilyotində edamı ilə nəticələnmiş bir inqilab.inqilabın baş verməsində bir çox ünsürlərin rolu olmuşdur. belə ki, kralın əhalinin vəziyyəti ilə maraqlanmayıb , xalqdan ödəməkdə çox böyük çətinlik çəkdiyi vergilərin toplanması, bu vergiləri öz kefinə, şəxsi maraqlarına sərf etməsi, nisbətən yüksək rütbə və vəzifələrdə olanların ,bir sözlə kralın adamlarının, maddi vəziyyətinin sıravi camaata nisbətən üstünlük təşkil etməsi, kilsənin əhali haqqında verdiyi qəddar və mənasız eyni zamanda ölçüyəgəlməz qərarları əhalinin narazılığına səbəb olmuşdur.
o vaxtkı fransız filosof və mütəfəkkirlərindən monteskyö, voltaire, jean-jacques rousseau və s. inqilabın gedişatında öz əsərləri və fikirləri ilə əhalinin düşüncəsinə inqilabi cəhətdən təsir göstərmiş və ümumilikdə inqilabın gedişatında və inkişafında əhəmiyyətli rol oynamışdır. insanların birgə müqaviməti nəticəsində o dövrlərdə adi hal almış, gün ərzində dəfələrlə rast gəlinən gilyotin nümayişlərində artıq yalançı məhkəmələrdə cazalandırılmış şəhər əhalisi yox sözügedən yüksək vəzifəli və kral tərəfdarı olan insanların kəllələri bədənlərindən ayrılırdı.
bu gün də bir çox yerdə qarşılaşdığımız "sağ" və "sol" müzakirələri məhz fransa inqilabı dövründə yaranmışdır. fransa parlamentində sağ tərəfdə "ancien régime" yəni kral hakimiyyətini dəstəkləyənlər, sol tərəfdə isə inqilabçılar öz yerlərini tutmuşdular.
inqilabın nəticəsində isə kral hakimiyyəti bitmiş, kilsə məcburi islahatlar keçirməyə məcbur qalmışdır. 1799-cu ildə fransız konsulluğu yaradılmış, və birinci konsul kimi napoleonun olduğu üç konsul ölkəni idarə etmişdir. bu idarə forması 1804-cü ildə napoleonun paris məryəm ana (notr dam) kilsəsində özünü imperator elan etməsi ilə bitmişdir.
charles dickensin "iki şəhərin hekayəsi" kitabında inqilab ərəfəsində və inqilab vaxtı baş verən hadisələr böyük ustalıqla və incəliklərinə qədər təsvir edilmişdir.