əjdaha lazımdı
izlə
dostlar
mən
googlla
başlıqdakı ən bəyənilən yazılar:
+45 əjdaha
1. 1) vizanın qiyməti 100 dollardan bahadı. itin zülmüylə verirlər, çox vaxt reject verirlər, süründürürlər. allahın amerikalısı belə viza almalıdı bura gəlmək üçün.
2) viza prosedurunu asanlaşdırmaq üçün bakının luxury hotellərindən birinə booking eləməlisən. bu da budget turistləri ölkədən soyudur.
3) ölkədə hostel, backpackers demək olar ki yox vəziyyətindədi. yenə də budget turizmə zərbə.
4) aşağı büdcəli turistlərə maneə yaradılmasının bir səbəbi də var. backpackerə hilton, flame towers, yaxtada ikra yemək yox, dağ, dərə, bostan, şəhərin ucqar yerləri, yaşam tərzi və s. maraqlıdı. və hakimiyyət bilir ki, backpackers gəlib hiltona yox, alatavaya, yeni yasamala zada da gedəcək və ölkənin əsl üzünü görəcək.
5) ictimai nəqliyyatın turistlər üçün mümkünsüz olması (indi bir az düzəldiblər deyəsən). ingilis dilində məlumat 0, işarələr çox az. adicə gürcüstanla belə müqayisə edə bilmirik.
6) xaricdəki tədbirlərdə yalnız bakının və 5 ulduzlu otellərin, qolf meydançalarının reklam edilməsi. luxury turizmi sevən onsuz da monakoya, las vegasa, dubaya gedər, bakıda nə işi var.
7) mentalitet faktoru. turistlərə yerli camaat tərəfindən türkiyə qədər olmasa da təzyiq var. avtostop etmək çox çətindi, şortiklə gəzənə, öpüşənə mal kimi baxırlar, turist olan adam təkərə düşür, gedib bunları üstünə də 1000ini qoyub tripadvisora yazır, oxuyanlar da azərbaycanı marşrutdan silirlər.
8) müharibə faktoru. çox insan elə bilir ki ölkədə müharibə gedir, hər gün bomba partlayır və s. gəlməyə qorxur (çox adamdan eşitmişəm)
+9 əjdaha
2. azərbaycanda doğulub bir yaşa qədər böyüsəm də azərbaycana gələndə turist statusunda oluram. qalacaq yerim, gedəcək qohumum yoxdur orda. ona görə mənim gözümdə ən əsas səbəb hotellərin qiymətləridir. bundan əlavə nəqliyyat, nəqliyyat vasitələrinin aydın xəritəsi yoxdur, küçələrin adları, şəhərin xəritəsi problemli məsələdir. mən hələ dil bilirəm əziyyət çəkirəm, dil bilməyən yetim ilişib qalır bakıda. bakıda da görəcək gəzəcək nə var ki. deyirsən durub quba, şəki, qazax tərəfə uzanım, min probləm oyanır.
millət də turist qəbul edəcək səviyyədə deyil, durub biriylə gələcəksən, bir balaca romantikliyə keçəndə biri çıxıb deyəcək "people have mother sister" *
glş
həyatına nifrət edəcəksən.
ən böyük səhv azərbaycanın bakını reklam eləməsidir, o boyda qafqaz dağları qala-qala. şəhər həyatı olaraq yarı yarımçıqdır, gecə həyatı yoxdur niyə kimsə məhz bakıya gəlsin, ver turistə qafqaz dağları, traktorlar, adrenalin gelsin.
belə baxanda çox adam azərbaycanı tanımır, deyirsən "iran, türkiyə, gürcüstan var ha bax onların yanında."
+7 əjdaha
5. Turizmin inkişaf etdirilməsi üçün heç bir səbəbin olmamasından qaynaqlanır. turizm üzrə iki əsas istiqamət mövcuddur: sss ( sea-sun-sand ) və lll (lore-landscare-leisure). ilk istiqamət daha geniş yayılmış və əsas etalonu olmuşdur. ikincisi isə yeni-yeni inkişaf edən və daha qədim mədəniyyətə və milli adətlərə malik ölkə və xalqlara aid edilir. azərbaycan bunlardan hansına daxil ola bilər? indiki vəziyyətdə heç birinə. çünki bunun üçün olan bütün şəraitləri, bütün yolları bağladılar. neftin üstünə düşüb dəniz belə olmayan xəzərin bütün ekosistemini pozdular. özləri üçün sərf eliyən əraziləri hasarlayıb milləti dənizə həsrət qoydular. günümüzdə insanlar məcburiyyətdən dolayı yosunu, zibili ərşə çıxan suda "dincəlməyə" çalışırlar. qumunu desən, ondan danışmaq belə əbəsdir. öz vətəndaşının istəmədiyi bir yerdə xarici vətəndaş niyə gəlib xəstəlik tapsın ki? mədəniyyətə və adət-ənənələrə isə heç gəlmək lazım deyil. gedib türkiyə, rusiya kimi qeyrət damarımızın qabardığı ölkələrdə dolma kimindir? sarı gəlin kimindir? sualını soruşmaqla, ucuz milliyətçilik aparmaqla özlərini qəhrəman, ölkəsini yek sayanlar var. tarixi abidələrin bir heç uğruna dağıdıldığı, yerlə-yeksan edildiyi, tarixi şəxslərin unutdurulmağa çalışıldığı, xaricinin ən axırıncı səviyyəli nümayəndəsini turizm və onunla bağlı qurumlara baş rəhbər qoyulduğu bir ölkədən çox şey gözləməmək lazımdır.
avropa oyunları, f1 qrand-prisi, avroviziya deyərək turizm artacağını gözlədilər, amma bir şeyi nəzərə almadılar: infrastrukturun mənfi olduğu ölkədə heç kim rahat istirahət edə bilməz. azalın dədələrinin qiymətini qoyduqları biletlərə heç kəs maraq göstərməz, turistin gəzdiyi trayektoriya üzrə ona kələk gəlməyi və bunu özünə fəxr saymağı saymıram belə.
turist kimi mövsümi işləyən insanları da sayan statistika komitəsinin hesabatlarının dəqiq araşdırıldığı təqdirdə, il ərzində bəlkə yarım milyon belə turistin gəlmədiyini görərik. o da keçmiş mdb ölkələri, türkiyə, iran və s.
nəticə olaraq; azərbaycan bir turistin gəlmək istəyəcəyi ən son ölkə olmalıdır. və belə gedişlə turizm sahəsi bu diyarda fiziki məhdudiyyətli bir fərd kimi sayılacaq.
+8 əjdaha
3. sənin misir, yunanıstan kimi tarixin yoxdu. sənin maldiv, baham adaları kimi möhtəşəm təbiətin, dənizin yoxdu. özün müharibə şəraitindəsən, əhalivin çoxu müsəlmandı. yəni ki, o olmayan imicin yerlərdə sürünür. bütün bu faktorları nəzərə alıb sən bu işi maksimum komfort və ucuzluqla götürməlisən. ölkənə yatırım eləmək istəyən iş adamının daşşağlarını əlində gəzdirməlisən. yoxsa hərəniz bir tərəfdən üstünə ac qurdlar kimi hücum çəkib şirinlik istəyə-istəyə hürkütməməlisiz. nəyə görə səndən daha az imkanlara sahib olan gürcüstana ildə altı milyona yaxın turist gəlir sənə isə cəmi iki milyon? onun da yarısından çoxu türkiyədə, iranda, rusiyada yaşayan azərbaycanlılardı. nəysə e uzun-uzadı yazıb əsəbləşmək istəmirəm. onsuzda bu #172294 entrydə çoxu deyilib.
+4 əjdaha
4. #172294
2 il ərzində bu yazdıqlarımdan çoxu həll olundu. bədbəxtçilikdən ancaq ərəblər gəldi -*
hamısını göstər
