əjdaha lazımdı
izlə
dostlar
mən
googlla
sözaltı günlük
-
26 iyun 2018 bakı-sumqayıt yolunun tikintiyə bağlanması
başlıqdakı ən bəyənilən yazılar:
+18 əjdaha
1. bakı və sumqayıt şəhərlərini birləşdirən dəmiryolu xətti üzrə hərəkət edəcək qatarlar. sumqayıtlıları bakıya çatdıracaq troya atı.
bakı dəmiryol vağzalı-keşlə-biləcəri-xırdalan-güzdək-sumqayıt marşrutu ilə 8 qatar hərəkət edəcək, qatarlardan 3-ü ikimərtəbəli olmaqla hər qatar 4 vaqondan ibarətdir. bu 3 qatar “ stadler rail group” şirkətinin “ stadler minsk” zavodunda istehsal olunmuş "kiss" markalı elektrik qatarlarıdır.
ümumi sərnişin tutumu 919 nəfər olan qatarda 396 oturacaq var ki, bunun da 84-ü biznes-sinfinə aiddir. 2015-ci ilin sonunda ikimərtəbəli qatarlardan ikisi də gətiriləcək və beləliklə bu xətdə 5 ikimərtəbəli qatar hərəkət edəcək.
sərnişin qatarları səhər saat 6-dan hər iki istiqamətdə hərəkətə başlayacaq və 40 dəqiqəyə sumqayıtdan bakıya və əks istiqamətə çatacaq.
səhər saat 06:00-12:00 aralığında qatarlar həm bakıdan, həm də sumqayıtdan 30
dəqiqə intervalı ilə çıxacaq. 12:00-dan günorta saat 16:00 aralığında
elektrik qatarlarının hərəkət intervalı 1 saat olacaq.
günorta saat 16:00-dan gecə saat 24:00 aralığında isə elektrik qatarları yenə 30 dəqiqə intervalı ilə hərəkət edəcək.
növbəti mərhələdə bakı-xırdalan-sumqayıt qatarının dairəvi dəmiryolu xətti ilə hərəkət edəcəyi deyilir; tədricən sumqayıtdan abşeron rayonunun saray, goradil, fatmayi, pirşağı, kürdəxanı, zabrat, sabunçu, bakıxanov qəsəbələrini əhatə edən marşrut istifadəyə veriləcək və beləliklə, bakı-sumqayıt dəmiryolu xətti dairəvi olacaq.
qeyd edim ki, qabaqlar, daha doğrusu son vaxtlara kimi gediş haqqısı 30 qəpik olan sumqayıt-zabrat-sabunçu-bakıxanov (bax: razin)
- böyükşor (hal-hazırda koroğlu adı ilə tanınır) istiqaməti üzrə hərəkət edən sovet istehalı elektriçkalar var idi. təxmini 52 dəqiqəyə (özüm hesablamışdım) koroğlu metrosunun yanındakı böyükşor adı ilə adlandırılan stansiyaya çatırdı. "dairəvi xətt olacaq" dedikləri indi sadaladığım xətti bakı-xırdalan-sumqayıt dəmiryolu xəttinə birləşdirməklə olacaq, daha doğrusu bakı-sumqayıt marşurut xəttini sadaladığım xətt ilə uzadacaqlar.
alqışlanası addımdır, çünki elə sovet dövründə də, sovetlər dağılandan sonrakı ilk onillik ərzində də sumqayıt camaatı bakıya əsas bu yolla gəlirdi. sonra iş elə gətirdi ki, sözügedən elektriçkalar, ancaq sumqayıtın zəhmətkeş qara camaatının istifadə etdiyi ucuz nəqliyyat vasitəsinə çevrildi; sumqayıt xloru bakıya bu xətt üzrə ayaq açmağa başladı. sizə danışıram, gediş haqqı 10 qəpik olan vaxtlardan.
yeni qatarlarda isə gediş haqqı 70 qəpik olacaq. ilk 3 günü pulsuz xidmət ediləcəyi deyilən qatarın bayaq oxudum şüşəsini sındırıblar, bilmirəm ya bilərəkdən olub, ya da hansısa bədbəxtin bədbəxt hadisəsi nəticəsində. heç 1 gün deyildi, ala.
+7 əjdaha
6. atam dəmiryolunda maşinist işləyir. elə şeylər danışır ki, qatar səhv olub paralel kainata keçib desələr inanaram.
not: rels seçmə imkanı maşinistin əlində deyil. bunu dispetçerlər idarə edir -*
+3 əjdaha
5. deyilənə görə dünən, yəni 19 sentyabr 2015-ci il tarixində saat 19:25-də bakıdan yola çıxan qatar səhvən gedib çıxıb siyəzənə.
bu haqda məlumat paylaşan yazıb ki, "maşinist relsləri səhv saldı" və siyəzəndə düşüb yerli sakinlərdən soruşdu ki, "haradı bura?". ilk öncə onu deyim ki, maşinistin rels seçmək imkanı onun əlində deyil, siyəzəndə düşüb "bura haradı?" soruşması da lap adama dəhşətə salır, inandırıcı gəlmir, elə bil komediyadır. inanmıram ki, qatarlar bu qədər nizamsız hərəkət etsin.
facebookda bu haqda paylaşılan xəbərin altında biri də şərh yazmışdı ki, məlumatı yazan səhv yazıb, qatar 16:00-da yola düşən qatar olub, özü də köhnə qatarlardan olub (deyəsən, riqada təmir edildiyi deyilən qatarları nəzərdə tutur), təzə ikimərtəbəli qatarlardan olmayıb. açığı adamın beyni qarışdı. ya bir gündə iki qatar səhvən siyəzən gedib çıxıb, ya da ki, son günlər efirdə bu haqda o qədər danışılıb ki, camaat başını itirib. amma dəqiq olan bir şey var ki, qatar yolun azıb sumqayıta yox, siyəzənə gedib çıxıb.
+3 əjdaha
7. #181690 saylı entridə bakı sumqayıt qatarının maşinistinin yolu azması barədə mənbənin tam mətni belədir
--spoiler--
bu gün başıma gələnləri sizlərə danışmaq istəyirəm. demək bu gün (19.09.2015) saat 17.30-da dəmir yolu vağızalına gəldim ki, ilk dəfə 40 dəqiqəyə sumqayıta getməli olan yeni sürət qatarına (məncə adı tısbağa qatarı olmalı idi) minim. vağzala çatanda məlum oldu ki, 18.25 getməli olan qatarı təxirə salıblar və ancaq 19.25 də olana minə bilərəm. artıq gəldiyim üçün geri qayıtmadım, avtomatdan biletimi aldım (bu arada onu deyim ki, biletlər yer ilə deyil. yəni qatara minmək bir vaxtlar 20 yanvarda sumqayıt mikroavtobuslarına minməyə oxşayır. hamı bir birini itələyir yer tutmaq üçün. hətta ayaq üstə gedənlər və pilləkənlərdə oturanlar var idi.) və başladım gözləməyə. saat yetişdi və qatar tam 19.25-də hərkət etdi. amma yolda bizim təcrübəli maşinistimiz relsləri səf saldı və gedib çıxdıq siyəzənə. siyəzəndə maşinist düşüb ətrafdakı evlərdən gəldiyi yerin hara olduğunu öyrəndikdən sonra başladıq geri geri getməyə. beləliklə 40 dəqiqəyə gəlməli olan qatar tam 2 saata gəldi. bələdçiləri qatarda sadəcə ortada gəzmələri üçün qoyublar. heç bir şeydən xəbərləri yoxdu. bakıda "probkaları" aradan qaldırmaq istəyən hökümət rəsmilərinə səslənirəm. əgər niyətiniz budursa gediş haqqını niyə 40 yox 80 qəpik etmisiniz? bundan başqa bakıda 10 adama 4 maşın düşür, amma tokyoda 10 adama 9 maşın düşür. amma orda tıxaclar olmur. demək ki, maşın sayısı ilə əlaqəsi yoxdur. bunun üçün yol infrostrukturunu və pulla sürücülük vəsiqəsi alan sürücülərimizin başlarını düzəltmək lazımdır. ümid edirəm ki, tezliklə rayon maşınlarının bakıya girişinə icazə verilər. ən azından konsitutsiya qanunlarının və insan haqqlarının kəskin şəkildə pozulduğuna görə.
--spoiler--
+2 əjdaha
8. facebookda bakı-sumqayıt qatarının siyəzənə gedib çıxması ilə bağlı yanlış məlumat paylaşan şəxs “ azərbaycan dəmir yolları”ndan üzr istədi
20 sentyabr 2015-ci ildə sosial şəbəkələrdə “yolu səhv saldı, siyəzənə getdik...” başlıqlı yazı geniş müzakirələrə səbəb olmuşdur.
“azərbaycan dəmir yolları” qapalı səhmdar cəmiyyətinin mətbuat katibliyinin rəisi nadir əzməmmədov “marja”ya bildirdi ki, yazı müəllifi asif niftəliyev “azərbaycan dəmir yolları” qsc-yə dəvət olunub və bakı-sumqayıt marşrutu ilə hərəkət edən elektrik qatarlarının hərəkət xətti barədə ətraflı ona
məlumat verilib.
asif niftəliyev səhvini anlayıb, elektrik qatarının həqiqətən də sumqayıt sərnişin stansiyasına getdiyinə əmin olub və öz statusunda səhvini etiraf edib:
“bu gün 23.09.2015 tarixində məni 19.09.2015 tarixində bakı-sumqayıt qatarı haqqında paylaşdığım statusla əlaqədar
“azərbaycan dəmir yolları” qsc dəvət elədilər və həmin gün qatarın getdiyi güzərgahı bütün təfərrüatı ilə göstərdilər və mənə
aydın oldu ki, mənim siyəzən sandığım stansiya əslində sumqayıt baş stansiyası olub. orda qatarın 15 dəqiqə dayanmağının səbəbini maşinistin yer dəyişməsi üçün keçən müddət olduğunu bildirdilər. bundan sonra isə qatar sumqayıt sərnişin
stansiyasına gəlib. buna görə “azərbaycan dəmir yolları” qsc-dən üzr istəyirəm”, - asif
niftəliyev deyib.
inandırıcıdır, çünki sumqayıt baş stansiyası adlanan stansiya sumqayıt adı ilə tanınan qəsəbədə yerləşən stansiyaya hələ o vaxtlar-sovet istehsalı elektriçkaların dövründə həmin stansiyaya girirdilər.
+1 əjdaha
4. Bakı-Sumqayıt qatarında qiymətlər Tarif Şurasının qərarı ilə təsdiqlənib, sentyabrın 15-dən qüvvəyə minəcək qərara görə Bakı Sumqayıt arası gediş haqqı 80 qəpiyə olacaq. Digər ara stansiyaları arası qiymət cədvəli:
link 
hamısını göstər
