+15 əjdaha
1. uşaqlığı sovet hakimiyyətinin süqutunun son dekadasına təsadüf edənlərin xatırlayacağı, "krosna" antenaların çıxmasından çox-çox əvvəl, aztv-nin azərbaycan televiziyası olduğu dövrdə türk kinosunun sultanı hesab olunan türkan şorayı sovet kino tamaşaçıları ilə tanışdıran və mənim kimi kiçik tamaşaçıların izlədiyi ilk türk filmi...o vaxtlar hər şənbə ayaz salayev və həmidə ömərovanın apardığı "retro" kinojurnalı dünya kinomatoqrafının şedevrlərini təqdim edirdi...məhz "arım balım peteğim" filmi də retronun zəngin kinotekasının bir parçası olaraq nümayiş etdirilmişdir...təbii olaraq türk dilini ilk dəfə bu filmdə duymuş, türkan şorayın xülyalı xülyalı baxan gözlərinə ilk dəfə bu filmdə aşiq olmuş biri olaraq (əminəm ki, mənim kimi bir çox tamaşaçı) hələ də filmin sehrindən qurtula bilmirəm...sırf nesrin sipahinin duru səsiylə ifa etdiyi, filmin eyni adlı soundtrack'nin introsundaki o akkordeon solonu dinləmək üçün zaman zaman açıb dinləyirəm hələ də...linkdə mahnının səsləndiyi filmdən bir səhnəyə baxa bilərsiniz...
(youtube: 
)
)gözəlliyi dillərə dastan olan şorayın bu filmlə milyonlarla sovet tamaşaçının qəlbini fəth etməsindən sonra "babək" filmində amaliya pənahovanın oynadığı zərnisə rolu şoraya təklif edilmiş, dönəmin şərtlərinə görə kosmik sayılacaq qonarar istədiyinə görə filmdə çəkilməmişdir...lakin daha sonra nazim hikmətin "məhəbbət əfsanəsi" pyesi (arif məlikovun eyni adlı baleti də məhz nazim hikmətin liberettosu əsasında bəstələnmişdir) əsasında çəkilən ssri-türkiyə müştərək istehsalı olan "məhəbbətim mənim, kədərim mənim" filmində məhinbanu rolunu oynamışdır...