+5 əjdaha
1. jelatin məməlilərin toxumalarında, əzələləri sümüklərə bağlayan, sümükləri bir-birinə və digər orqanlara bağlayan qisimlərində olan və bir zülal kimi kollagenden çıxardılan zülal maddəsidir. heyvanların (əksəriyyəti mal və donuz) dəri, sümük və bağ toxumalarının qaynadılması ilə istehsal edilir. jelatinin güclü formalaşma, şəkillənmə qabiliyyəti, şəffaf jel meydana gətirməsi, elastik hala gəlməsi, həzminin asan olması, isti suda əriyəbilməsi və şəkillənmə xassəsi qida sənayesində, dərman və kosmetik məhsullarında, fotoqrafiya və kağız məhsullarında istifadə üçün qiymətli bir maddə olmasını təmin etmişdir.bir qida maddəsi olaraq jelatin, jellənmiş şirin və digər qida məhsulları üçün əsas maddədir. meyvə və ətlərin qorunmasında səth örtmə maddəsi olaraq, süd tozu istehsalında, tort və kremlərində, "taffy", "marşmellov", "haribo" və digər şirniyyat növlərində, meyvə sularında, dondurma, qatıqda, pendirlərdə, diş pastası, şampun, ətir kimi kosmetik məhsullarında və dərman sənayesində kapsula və həblərin qablaşdırılmasında istifadə edilməkdədir.
on doqquzuncu əsrin ortalarına qədər jelatin əldə etmək çətin bir iş idi. ilk jelatin istehsalında, buzov qıçları böyük bir qazanın içinə su əlavə edilərək qoyulurdu və bir neçə saat qaynadıldıqdan sonra ayaqlar qazandan çıxarılırdı. 24 saat gözlədildikdən sonra, ən üst səthdə bir yağ təbəqəsi toplanırdı. bu təbəqə sıyrılaraq atılırdı. geriyə qalan isə jelatin sıxlıqlı bir kütlə olaraq əldə edilirdi.
daha sonraları bəzi istehsalçılar əldə etdikləri jelatini üyüdərək incə toz halına gətirdilər və ya yarpaqlar halında kəsdilər. bu inkişafdan sonra jelatin artıq ticarət məhsulu olaraq satışa çıxarıldı.
1945-ci ildə ilk patenti bir sənayeçi tərəfindən alındı. inkişaf sürətlə gedərək 1936-1976 arasındakı 40 il içində qidalarda jelatinin istifadəsi 6 qat artdı.
bu gün dünya üzərində ildə 320 000 ton jelatin istehlak edilməkdədir.