+2 əjdaha
1. 1987-ci ildə rejissor və ssenarist yavuz turgulun çəkdiyi dram filmi. imdb xalı 8.6/10. baş rollarda yavuz turgulun digər filmlərində olduğu kimi şener şen var. digər əsas personaj isə uğur yüceldir.şener şen filmdə muhsin bəy (muhsin kanadıkırık) rolunu oynayır, uğur yücel isə ali nazik personajını canlandırır. uğur yücel film çəkilişindən əvvəl ləhcə, jest-mimika və ümumi həyat tərzini öyrənmək üçün bir müddət urfada yaşayır.
--spoiler--
filmdə muhsin bey təşkilatçıdır və bununla yanaşı öz əxlaqi dəyərləri olan, türk sənət musiqisinə heyran olan biridir. ali nazik isə urfadan gələn və istanbulda məşhur türkücü olmaq istəyən kəndli bir gəncdir. filmdə yavuz turgul çox sadə bir mövzunu özünəməxsus gündəlik dillə izah edir. muhsin bəy köhnə musiqilər, istanbul bəyəfəndiləri, onlara xas əxlaqi, etik dəyərlərə bağlı olan biri olsa da yaşadığı həyat tamamən ziddiyyətlərlə doludur və elə bu ziddiyətlər ona artıq istanbul həyatının dəyişdiyini, musiqinin, insanların zövqünün dəyişdiyini anlamasına kömək edir. filmi digər bir adı ilə türk musiqisi və arabesk musiqisinin mübarizəsi də adlandırmaq olar. başqa bir ziddiyyətli məqam isə muhsin bəyin pavyonda solist kimi işləyən, söyüşlü üsluba və dəlisov xarakterə sahib sevdaya qarşı hiss etdikləridir.
--spoiler--
film 24. antalya film festivalında "ən yaxşı film", "ən yaxşı ssenari", "ən yaxşı aktyor"və "ən yaxşı köməkçi aktyor" nominasyalarında qalib olmuşdur. bununla yanaşı film, istanbul film festivalı və 36. san sebastiyan film festivalında "münsiflər heyəti xüsusi mükafatı"na layiq görülmüşdür.