+11 əjdaha
1. oğlanın bilmədiyi və ya anlamadığı səbəbdən tanımadığı qız ona baxaraq gülümsəyirsə deməli, ya ortada oğlanın bilmədiyi gülümsəmə yaradacaq bir səbəb var ya da ki, qızın ağlına həmin an gülümsəmə yaradacaq bir şey gəlmişdir. az bir ehtimal da olsa qızın oğlandan xoşu gəlməsi də qızın oğlana baxaraq gülümsəməsinə səbəb ola bilər. amma dediyim kimi bu, çox aşağı bir ehtimaldır. mənim kimi tipiniz yoxdursa, çirkin birisinizsə və tanımadığınız qız sizə gülümsəyirsə ortada mütləq sizin bilmədiyiniz və ya dərk etmək istəmədiyiniz bir səbəb vardır.özümdən misal deyəcəm, əvvəlki *kassir qız* entry'mdə qeyd etdiyim kimi, gözəl bir kassir qız mənə 5-6 saniyə baxaraq gülümsəmişdi, həmin hadisədən əvvəl də qızın üzündəki gülümsəmə ilə mənə baxmasına şahid olmuşdum düzdü və həmin o gülümsəmələrə hələ də aydınlıq gətirə bilmiş deyiləm bəlkə onlar sadəcə beynimin mənə oynadığı bir oyundur, kim bilər. həmin o 5-6 saniyəlik gülümsəmənin səbəbi mənim həmin gün "nə qədər elədi?" deyə soruşmağım ola bilər, yəni uzun müddət idi eyni marketdən alış-veriş edirdim və həmişə səssizcə kassirin hesabı deməsini gözləyirdim. həmin gün kassir qız yəqin mənim hesabı bildiyimi yəqin edərək heç nə deməmişdi, mən də buna görə soruşmuşdum. bu da təbii ki qızın üzündə təbəssüm yaratmışdı. bunu da deyim ki, mən hesabı soruşandan sonra qız mənə baxaraq gülümsəmişdi və bu da mənim tezisimin doğru olmaq ehtimalını artırır. ağlıma qızın məndən xoşu gəlmək ehtimalı da gəlmişdi amma aynada özümə baxandan sonra bu ehtimalı tualetə atıb sifonu çəkmişdim. həmin hadisədən sonra da o marketə getdim və qızda mənə qarşı heç nə görmədim yəni mənim ehtimallarım 99% düz idi.
bunu yazmağımın səbəbi odur ki, əgər tanımadığınız qız sizə gülümsəyirsə həmən "qız məndən yana ölür" havalarına girməyin! sevincərək gedib qıza təklif etməyin, tipinizə baxın, ehtimalları fikirləşin. əgər qızın həqiqətən sizdən xoşu gəlibsə onsuz mütləq yeni bir həmlə edəcəkdir.