qayğıya ehtiyacı olmaq



facebook twitter əjdaha lazımdı izlə googlla

2. zamanla hamımızın içinə düşdüyümüz durum. qayğıya ehtiyacın olması üçün yataq xəstəsi yaxud ruhi xəstə olmağa ehtiyac yoxdur. hərdən problemlər, stress, gərəksiz anlaşılmazlıqlar bizi o qədər sıxır ki, istəyirsən hər şeydən uzaqlaşasan. kimsə qayğına qalsın, nazınla oynasın. emosional və həssas olursan, çünki qayğıya ehtiyacın var. bu vaxt harayına çatmasını gözlədiyin ən yaxınlar olur. ya ailə, ya sevdiyin ya da dostlar. nadir hallarda da olsa mən də bu duruma düşürəm, onda da dostlara sığınıram. bilirəm ki, əsl dostlardır, mənfəət güdmürlər, sənin üçün narahat olurlar. ətrafınızda güvənə biləcəyiniz dost yoxdursa bu dünyanın zay bir yer olduğu demək deyil. problem ya sizdədir ya çevrənizdə. sözlüyü yaxşı dəyərləndirin, ən yaxın dostlarınızı buradan tapa bilərsiz...
son olaraq, qayğıya ehtiyacımız olması bizim zəif olmağımız demək deyil. hamımız insanıq, zamanla çökürük, çətin vaxtlar keçiririk. kiminsə bizi anlayıb qayğımızı çəkməsini istəmək çoxmu böyük şeydi?!

14 əjdaha! maraqlı 20.11.2020 13:34, Nellie Crain

4. Bunun ən gözəl izahı Harlow eksperimentidir. Meymun doğulduğu andan anasından ayrılır və süd verə biləcək robot ayrıca onu qucaqlayan robot isə ayrıca olub.
Eksperimentatorlar meymunu bir otağa salır. Otaqda oynayacağı oyuncaqlar ,parça , yemək olur amma meymun otağa daxil olduğu andan tədirgin vəziyyətdə qalır. Onu sakitləşdirəcək nə isə lazımdır təbiiki, öncə süd verən robot otağa yerləşdirilir, meymun yenə eynicür tədirgindi. Sonra o robot çıxarılır digəri onu qucaqlayan robot qoyulur və meymun ona dırmaşır qucaqlayır. Biraz keçdikdən sonra isə ətrafl kəşf etməyə başlayır. Davranışındakı bu dəyişikliyin səbəbi süd verən robotun ona duyğusal olaraq heçnə verməməsidir. Digər robot isə ona qayğı hissini yaratdığından daha sakit və rahat olur hərəkətləri daha stabilləşir onu qucaqladıqdan sonra ətrafı kəşf etməyə davam edir. Etik çərçivədə bu eksperiment hələdə müzakirəlidi, amma verdiyi nəticə budurki, yaşayan bütün canlıların qayğıya ehtiyacı var.

5 əjdaha! maraqlı 20.11.2020 20:42, Sincab

5. Normaldır. Lakin ifadə yolları tənqid oluna bilər.

Qayğı gözlədiyin insana müəyyən yolla bunu bildirib- hansı ki münasibətinizə görə dəyişər- bunu istəyə bilərsən.
Yoxsa hər dəqiqə kimisə emotional trashcan kimi istifadə etmək istəmək qanacaqsızlıqdır, qarşı tərəfin ruh halını düşünməməkdir.

Balansı qorumaq lazımdır.

5 əjdaha! maraqlı 20.11.2020 20:59, haillucifer

1. Kimə baxırsan sözlükdə qayğıya ehtiyacı var elə bil yataq xəstələridi ya ruhi xəstələrdi baxsan sağlam adamalardı hamısı.çoxusu təklikdən gileylənir və ya insanların özlərinə diqqət yetirməməsindən.bunun isə başlıca səbəbləri bunlardır:
yetişkin bir insana ailəsindən başqa (ana-ata bəzən bacı-qardaş)heç kim qarşılıqsız və ürəkdən qayğı göstərmir.bəli sən nə qədər çəhrayı eynəklərinlə gəzsən də o eynəklər sınacaq əvvəl axır və dünyanın qarşılıqlı mənfəətlərdən ibarət olduğunu başa düşəcəksən.təkliyə qalanda ki,əgər darıxırsansa deməli sən özün darıxdırıcı insansan və səni başqa bir insanın əyləndirəcəyini gözləmə çünki o da səndən bezəcək müəyyən vaxtdan sonra.sən özün özünə qayğı göstərməyi və tək başına əylənməyi öyrəndikdən sonra heç kəs sənə lazım olmayacaq və bu halda isə artıq sənə bir çox adam yaxınlaşmağa çalışacaq çünki,sən artıq güclüsən.

5 əjdaha! maraqlı 20.11.2020 07:48, qocababa

3. hər kəsin həyatında rastladığı vəziyyət. bəziləri başqalarının yardımı ilə özünə gəlir, bəziləri isə özü özünü motivasiya edib yoluna davam edir. mən ikincini edirəm.

2 əjdaha! maraqlı 20.11.2020 13:43, uzun boy adam




hamısını göstər

qayğıya ehtiyacı olmaq