+6 əjdaha
1. yaşadığım və hələ də tam qalib gələ bilməsəm də qalib gəlmək uğrunda irəliləmə göstərdiyimin fərqinə vardığım qorxudur.ümumiyyətlə, yazmaq dedikdə bir mövzu haqqında öz düşüncələrimi yazmaqdan söhbət gedir. söz6 sözlük bu kompleksi aşmaqda yardımcı olsa da, əsas köməyi montaigne etmiş oldu, fikrimcə. düzü, qeydiyyatdan keçəndə anonimlik, nickname məsələləri haqqında xəbərdar olmadığımdan öz adımla qeydiyyatdan keçməyim öz fikirlərimi açıqca yazmağıma mane olur. keçək başlıqdakı mövzuya.
Mən * mən özümdən danışıram istəyən general götürə bilər özümdən qeyri şəxslərin oxuyacağı bir yazı yazmaqdan çəkinirəm. Bir mövzu haqqında yazmaq impulsu hiss edərkən ayağımda bir ağrı başlayır. * ayağın məhz həmin bölgəsində olan ağrı məndə digər psixoloji anlarda baş verir, məsələn əvvəllər tanım verə bilmədiyim konseptləri düşünərkən olurdu. məsələn sevgi nədir deyə düşünürdüm və sistematik tanım verə bilmədiyimdən həmin bölgədə ağrı başlayırdı, sancı kimi Bu ağrı həmin işi görməkdən məni uzaqlaşdıran siqnaldır. Bunun bəzi səbəblərdən ötürü olduğunu düşünürəm ki, bunlardan biri əxlaqla bağlıdır. Bir mövzu haqqında yazarkən bunu məndən qeyri şəxslərin də görməsi məndə qeyri-şüuri özümdən xaric bir hissi özümki kimi təqdim etmək, özümü olduğum kimi yox görülmək istədiyim kimi təqdim etmək impulsu yaradır. Bunun isə özünə yadlaşma olaraq əxlaqi cəhətdən yanlış və özümə zərərli olaraq saydığım üçün özümü bundan çəkindirməyə çalışırdım.
Digər səbəbi isə özümdə bəyənilməyə aclıq keyfiyyətinin artmasından qorxmağımdır. Bir mövzu haqqında öz düşüncələrimi yazıram, digərləri bunu bəyənir və positiv feedback alıramsa bundan sonra bəyənilmənin verdiyi həzzi birdaha yaşamaq üçün daha çox yazacam və bu artdıqca öz düşüncələrimi yox özümü bəyənilməyə uyğun bir hala dəyişdirərək təqdim edəcəm. Bu da öz növbəsində özünə yadlaşma gətirəcək ki, olmuşluq halımdan çıxıb olmadığım bir mövqedə olmamaqdır. yəni yaşamımı sadəcə bioloji olaraq davam etdirməmə səbəb olacaqdır. * Sözlükdəki əjdəha və ana səhifə funksiyaları sağolsun, bu hal artıq baş verirdi və mən də bunu azaltmaq və özümə dönmə prosesinə başlamaq üçün sözlük orucu tutmağa qərar verdim.
Bu fikirlər şüuraltımda millisaniyələr içində toplanıb yazmaq haqqında düşünərkən ayağımda ağrılarımın olmasına səbəb olur.
bəs bu qorxu əsaslıdırmı? məncə, texnologiyanın gündəlik yaşamımızın bir parçası olmasından çıxıb gündəlik yaşamımızın özünü təşkil etməsi bunu qismən əsaslı edir. insan cihaz orucu edib bir müddət özünə və düşüncələrinə qapana bilər və bunu balanslaşdıra bilər. indiki halda bunun mümkün olması çox az mümkündündür, çünki məktəb, universitet və ya işlə bağlı sənə də təsiri dəyəcək məsələlərdən xəbərdar olmaq üçün ən azından whatsapp lazımdır. çölə çıxanda fövqaladə hallarda çıxış yolu olması üçün özünlə telefon aparmalısan. yəni qurğuları həyatımızdan tamamilə çıxarmağımız çox da mümkün kimi görünmür.
Bunun üçün də balanslaşdırmağı öyrənməyi bacarmalısan. Bəyənilmək impulsuna qalib gəlməlisən ki yazdıqların özünü tanıman üçün və daha da detallara girmən üçün vasitə olsun. Əjdəhalanmaq, favorilənmək funksiyaları isə sözlükdə bu işi daha da çətinləşdirmək üçün var olan varlıqlardır.
Yaxşı, bəs bəyənilmənin verdiyi zövqdən özünü kənarlaşdırıb yazmanın səni özünü tanımağa aparan maşın olması üçün nə etmək lazımdır?
Ən əsası iradəni möhkəmlətmək lazımdır. Bunun üçün ən effektiv yol orucdur. Həftəlik özünüzə müxtəlif oruclar müəyyən edin. Məsələn gün ərzində sözlüyə yalnız 3 dəfə girmək, telefonda yalnız 1 saat vaxt keçirmək kimi. Bunlar iradəni möhkəmlədəcək. ilk əvvəl boşluqda hiss edilsə də, o saat məğlub olmamaq lazımdır. Düşünmək maraqsızlaşacaq getdikcə, o zaman yazmağı sınayın. Yazmağı isə digər düşüncələrə yön vermək üçün istifadə edin. Yazdığınız zaman diqqətsizlik səhvlərində düzəliş edin, adət etdiyiniz şeyləri dəyişməyin. Çalışın yazarkən nəticəsi zövq verəcək olan yazı məqsədlərindən özünüzü təmizləyəsiniz, yazınızı detallandırasınız və özünüzün nə düşündüyünü yazasınız, başqalarının görmək istəyəcəyini yox.
Birinci şəxsin təki ilə başlayıb ikinci şəxsin cəmi ilə bitirdiyim yazı özümə kömək məqsədi ilə yazılmışdır. Bəyənilmənin verdiyi zövqün impulsu əlbət var idi, amma əvvəlki hallara görə məncə nisbətən az idi.