+1 əjdaha
1. Azərbaycan əsilli MMA idmançısıdır. O, 16 may 1994-cü ildə Bakıda doğulub. Sonradan ailəsi ilə birlikdə ABŞ-a köçüb və hazırda Nyu-York şəhərinin Bruklin şəhərində yaşayır. Uşaqlıqdan idmanla maraqlanan Nazim əvvəlcə karate ilə məşğul olub, daha sonra isə MMA-ya yönəlib.Peşəkar karyerasına 2018-ci ildə başlayan idmançı 2022-ci ilin avqustunda “Dana White’s Contender Series” yarışında qələbə qazanaraq UFC ilə müqavilə imzalayıb. O, yüngül çəki (lightweight) dərəcəsində çıxış edir və döyüş üslubunda daha çox strike üstünlük təşkil edir. Ləqəbi “Qara Canavar”dır
UFC-də artıq bir neçə uğurlu döyüş keçirən Nazim Sadıxov 2025-ci ilin iyun ayında Bakıda baş tutan UFC tədbirində Nikolas Motta üzərində qələbə qazanaraq “Gecənin performansı” və “Gecənin döyüşü” mükafatlarına layiq görülüb. Onun peşəkar rekordunda çoxsaylı qələbələr, az məğlubiyyətlər və heç-heçələr var.
Nazim Sadıxov hər zaman Azərbaycan bayrağı ilə döyüşlərə çıxır və milli kimliyini fəxrlə nümayiş etdirir. O, həm ABŞ-da, həm də doğma Azərbaycanda böyük azarkeş kütləsi qazanmışdır.
sifarişi verən: Winston