adtapabilmedim

1,051 0 0 0

5. nəsil yazar

entry: 1,051

"guy always thought it was life he was looking for. but it must have been death."

0 post son 1 ildə

Son 1 il 2026 2025 2024 2023 2022 2021 2020 2019 2018 2017 2016

çox

0 gün

ardıcıl post

rekord: 24 gün

axşam yazarı

Yeni

Səviyyə 1

-650 / 100 XP

116.9K

təxmini söz yazıb

1.7 kitaba bərabər

Statistika

Nailiyyətlər 13 / 19

İlk Addımlar

Yazıçı

Qələm Ustası

Söz Memarı

Əjdaha Balası

Əjdaha

Əjdaha Kralı

Tanınmış

Oxunan

Bestseller

Veteran

Əbədi

Abidə

Ensiklopedist

Karma Yığıcı

Məşhur

Vikipedist

Milyonçu

Həftəlik Seri

blok başlıqlarını gizlət postları gizlət

aztv

xankəndi

şuşa

uber

recep tayyip erdoğan

azərbaycandakı vəziyyəti i

bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

qohum-əqraba evində qalmaq

+64 əjdaha

universitetin birinci kursunda oxuyanda 1-ci semestr ərzində atamın qardaşının evində qaldım. vaxtı zamanında atamın qardaşı da oxuyanda 4 il bizdə qalmışdı, hətta universiteti bitirdikdən sonra belə təzə işləməyə başlayanda 2 ildən artıq bizdə qalmışdı. dedim yəqin indi onun növbəsidir, gedim bir il qalım gələn il ev tutaram. ilk günlər xoş sifət göstərirdi amma 1 həftə qalandan sonra münasibəti dəyişirdi, hətta 2 dənə uşağı belə mənə sifət eləməyə başlamışdı. yediyim yarım qab yeməyi belə çox istehza ilə verirdi. özünün böyük miqdarda maaş almasına baxmayaraq mənə çoxlu borcu olduğunu, evə ərzağı belə çətinliklə aldığını deyirdi. atam vaxtı ilə qardaşına çox yardım eləmişdi 4 il ödəniş haqqını ödəmişdi, işə girməsi üçün rüşvət vermişdi və s. amma görünür o bunu dərk etməmişdi. özümü çox pis hiss edirdim, saat 9 olanda mənidə yatmağa göndərirdi çünki onun uşağı o vaxtı yatırdı mən yatmasan onun acığına gələrdi, nədə olsa onun evi idi. başa düşürəm adamın evinə çöktüm, düzənini pozdum amma axı o vaxtilə hər yay ailəsi ilə birgə 3 ay qalanda bizim düzənimiz pozulmurdu? 3 ay məcbur birtəhər qaldım dekabr ayının ortasında evə gələndə kolidorda paltar çantamı gördüm, dedi ki, güya şkafda güvə var ona görə yığıblar təkrar çantaya. mesajı nəhayət ki almışdım tüpürdüm evlərinə getdim dekabr ayının axırına kimi dostumun evində qaldım. gələn semestr ev tutdum. sizə tövsiyəm nə qədər yaxın olursa olsun qohum-əqraba evində qalmayın. küçədə yatın amma qohum evində qalmayın!

53 əjdaha! 06.10.2016 16:47, adtapabilmedim

#233076 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

kasıblıq

+46 əjdaha

Hər şey atamın işlərinin pis getməsi ilə başladı. Düzdü kirayədə yaşayırdıq amma yemək, geyim elə də problem olmurdu. Həmin vaxtı mən universitetə qəbul üçün imtahan verdim, qardaşım da əsgər getdi. qardaşım ali məktəbdə oxumasına baxmayaraq son iki ilinin ödəniş haqqını verə bilməmişdik ona görə də əsgərliyə 1 il 6 ay üçün gedirdi. yığdığım bala görə ödənişli yerə düşürdüm, atam çox fikirli idi. Çünki artıq nəinki ödəniş ödəmək artıq çörək almaq belə iqtidarında deyildi. Amma mənim oxumağımı istəyirdi, fikirləşirdi ki, vaxtı ilə qardaşına kömək etdiyi üçün indi də qardaşı bizə ödəniş ödəməkdə kömək edəcək. Atamın xahişi ilə yollandım atamın qardaşının evinə (artıq qəbul olmuşdum və ödənişi ödəmək lazım idi) məni qarşıladı amma vəziyyətinin pis olduğunu deyərək sadəcə 500 azn verəcəyini dedi halbuki vaxtı ilə oxuduğu zaman, hətta evləndikdən sonra və hətta uşağı olduğu müddətdə belə bizdə qalırdı. Belə bir vəziyyətdə qaldığım üçün özümü söydüm, ağladım. Amma məcbur idim həmin pulu almağa. Pulu aldım, atam biraz əsəbləşdi amma heç nə etmədi. Bu dəfə də anam qardaşından borc istədi və qalan miqdarı da dayımdan aldım. Beləcə 1-ci kursa getdim. Mən uni oxumaq üçün evi tərk etdim. Bu arada ev kirayəsini ödəyə bilmədiyimiz üçün daha qıraq yerdə it damı kimi evdə yaşamağa başlamışdı ailəm. Mən də bu vaxtlarda bu qohumun qapısında 10 gün o birisi qohumun qapısında 20 gün kimi müddətlərdə qalırdım. Qısa müddət sonra atamın qardaşı məni qapının ağzına qoydu. axşam gəldim evə ki bəs paltarlarım çantada qapının ağzındadır. soruşdum nə məsələdir, əmim dedi ki, bəs güya evdə güvə var paltarlarıma ziyan verər deyə qapının ağzına qoyublar. Əslində bir neçə həftədir əmimgildə olan abu havadan evdə istənməyən şəxs olduğumu başa düşməliydim. Gec yeyilən yeməklər, əmim arvadının "sifəti" və kobud danışıqları, evdə yerli-yersiz qışqırıq zad...
Məcburi olaraq dayımın evində qaldım. Çox çətin vaxtlar idi həm mənim üçün həm də ailəm üçün. Əzilə-əzilə bir təhər həmin günləri yola verdim. dərsdən sonra təsərrüfat ilə məşğul olurdum, məcburən, çünki orada başqa cür yaşamağım mümkün deyildi. bununla belə yenə də təhqirlərə, aşağılanmalara məruz qaldığım olurdu. ancaq insan dözümlü canlıdır, yaşamaq üçün hər cür poxa razı olur. həmin günlərdə gündəlik yeməyim günorta 30 qəpiklik "petra" hazır vermişeli, axşam isə sadə makaron idi.
nəhayət, yayda geri döndüm və gördüyüm mənzərə məni çox üzdü. Ailəmin vəziyyəti çox pis idi. it damı kimi bir yerdə yaşayırdıq. Hər gün gizli-gizli ağlayırdım. Amma artıq çarə yox idi geriyə dönmək mümkün deyildi.
Atam deməli pirat taksi sürürdü, aylıq kirayə verirdi maşın üçün. tez tez xarab olan həmin maşını adətən itələyərək "xoddayırdıq". pis yaxşı yayı orda yola verdik. anam da kəndə qayıtmağa məcbur oldu, çünki universitetin illik ödənişini ödəmək üçün pul lazım idi və anam isə müəllim idi. bax beləcə kəndə geri qayıtdıq.
mən universitet illərini dərsdən sonra təsərrüfat ilə məşğul olaraq keçirdim. film, serial izləyərək, kitab oxuyaraq özümü inkişaf etdirdim. və universiteti bitirdim (#287310), anamın sayəsində.
hərbi xidmətdən sonra kəndə qayıtdım və bir neçə həftə sonra həmin "güvəyə görə paltarları qapının ağzına qoyan" əmim ailəsi ilə birlikdə məni görməyə gəldi. 1-ci kursdan sonra nə zəng etmişdi nə də ki məni görmüşdü. yox, bu dəfə saxta da olsa gülərüz idilər. dava qışqırıq da salmadı.
kasıblıq məni daha güclü biri etmədi, kim deyirsə ki, kasıbçılıq insanı gücləndirir, xeyr yalan deyir. tam əksinə insanı həmişə əzilməyə, hər cür sözü götürməyə məcbur edir. psixoloji problemlər yaradır. və kasıblıq, yaranmış vəziyyət, tənhalıq məndə sağalmaz yaralar qoydu.
Edit: bu entry reallığı əks etdirmir.

32 əjdaha! 15.08.2020 23:04, adtapabilmedim

#302901 şikayət

sosial fobiya

+30 əjdaha

5-6 ildir əziyyət çəkdiyim lənətə gəlmiş psixoloji xəstəlik. bu xəstəlik elə zibil bir şeydi ki, heç onun varlığından belə xəbərin olmur. belə bir misal deyim: bir gün avtobusda gedirəm, ən arxada oturmuşam qabaqda 2 dənə qadın söhbət edirdi. mənim enəcəyim dayanacağa çatanda mən necə enəcəyimi bilmədim, yəni qorxdum qadınlara deməyə ki, çəkilin düşürəm. daha sonra qadınlar düşdü və mən evə piyada qayıtmağa məcbur oldum. yəni sosyal fobiya məhz belə bir şeydir. həyatımda heç dostum olmadı, universiteti güc bəla oxuyuram (çünki dərslərdə iştirak etməyə çəkinirəm) yəqin ki, bitirəndən sonra da yaxşı bir işim olmayacaq. ən adi bir misal daha metroda bir insan mənə baxanda belə mən həyəcanlanıram. xarici görünüşümü bəyənmirəm, ictimai yerlərdə utanıram və daha nələ nələr.. siz siz olun bu xəstəliyə tutulmayın.

23 əjdaha! 19.09.2016 17:40, adtapabilmedim

#230662 şikayət

24-25 fevral 2017 cəbhədə gərginlik

+32 əjdaha

ilham əliyev sanki milyonçu oyunundadır, hər dəfə çətinə düşəndə qarabağ "köməyindən" istifadə edir. əlbəttə ki, bir gün həmin köməkdən istifadə edə bilməyəcək.

32 əjdaha! 25.02.2017 20:50, adtapabilmedim

#247194 şikayət

altyazı tərcümə edəcəklərə tövsiyələr

+28 əjdaha

əvvəlcə onu deyim ki, bu iş asan deyil və qarşılığında heç bir maddi gəliri yoxdur. sadəcə xarici dil biliyinizi artırmaq və eləcə də xarici dil bilməyən izləyicilərə dəstək olmaq üçün altyazı tərcümə edə bilərsiniz.
işə başlamazdan əvvəl deyim ki azərbaycanca altyazı hazırlamayın, lazım deyil. əsas kütlə türkiyədən olduğuna görə elə türkcə hazırlayın. həm türkcə olanda azərbaycanda da başa düşülür. və altyazısını hazırlamaq istədiyiniz filmin türkcə altyazısı olmadığından əmin olun!

0. hər şeydən əvvəl *turkcealtyazi.org* ya da *planetdp.org* saytında qeydiyyatdan keçin. hər ikisindən keçməyə ehtiyac yoxdur. sadəcə birində altyazını yayımlayanda digər sayta da yükləyirlər.
1. əvvəlcə komputerinizə *nikse* firmasının istehsalı *subtitle edit* programını yükləyin. həmin programla kənarda filmi izləyə-izləyə praktiki olaraq altyazını tərcümə edə bilərsiniz. həmin program olduqca ağıllıdır, altyazı uzun olanda qırmızı olur, azərbaycanca hərfləri dəstəkləyir.
2. filmin "hd" versiyasına uyğun ingiliscə altyazısını tapın. əsas kütlə hd izlədiyinə görə bu daha məqsədəuyğundur.
3. tərcümədən qabaq mümkündürsə türkcə qrammatikasına göz atın. yazıda azərbaycanca və türkcə arasında həddən artıq çox fərq var. məs; azər: edə bilərəm; türk: yapabilirim.
4. çoxları deyir filmi başdan ayağa izləyin daha sonra tərcüməyə başlayın amma bu lazım deyil. onsuzda dəyərli olan vaxtınız tərcüməyə gedəcək və hətta sonda yoxlamaq üçün filmi izləmək də lazım olacaq.
5. altyazını mütləq filmi izləyə-izləyə tərcümə edin! (birinci tövsiyyə) əks təqdirdə biabırçılıq ola bilər!
6. altyazını tərcümə etdiniz və hazırdır. bir dəfə mütləq altyazı ilə filmi izləyin. mütləq xətalar olacaq, onları düzəldin.
7. hazırladığınız altyazını *turkcealtyazi.org* ya da *planetdp.org* saytına yükləyin. əgər altyazınız yaşıl olsa bu deməkdir ki, əla alınıb. sarı olsa kifayət dərəcədədir deməkdir. qırmızı olanda isə başqa altyazı tapılanda sizin altyazınız silinəcəkdir.
qeyd: əlavə suallarınız olsa mənə yazın, kömək edərəm.

20 əjdaha! 21.03.2017 20:30, adtapabilmedim

#249211 şikayət

qohum-əqraba evində qalmaq

+34 əjdaha

bu entry 07.05.2018 tarixində yazılmışdır. entry silindikdən sonra texniki səbəblərə görə canlandıra bilmək mümkün olmadığına görə yenidən olduğu kimi sözlüyə əlavə etdim.
#233076 nömrəli entry'ni yazanda ikinci kursda oxuyurdum. həmin entry'i bir yalandır. amma bildiyiniz yalanlardan yox.
ən başdan başlayım; atamın işləri yaxşı getmirdi. mən də 10-11'ci siniflərdə hazırlığa gedirdim. atam hazırlıq pullarını ödəyə bilmirdi və anam isə kənddə dükan işlədən dayımdan borc alaraq hazırlıq pullarını ödədi 2 il ərzində. yəni, xeyli miqdarda borca düşdük. amma dayım həmin pulları istəmədi eləcə də anama maddi, mənəvi dəstək oldu hətta xaricə müalicəyə də apardı bir dəfə və heç vaxt qarşılığını istəmədi.
atamın işləri mən 11'ci sinifin axırında olanda dayandı. evdə yeməyə çörək tapmırdıq. sadəcə dayım, babamgilin maddi dəstəyi ilə dolanırdıq tamamilə. hətta bir dəfə soyuducu xarab oldu, təmir etdirə bilmirdik, hər şeyi yeyirdik ki, qalmasın. hələ ev kirayəsi də vardı ki, axır aylarda borc hesabına ödənirdi. imtahanı verdim, amma pulsuz ixtisasa qəbul ola bilmədim. məcburən dayımgilin (nənəm və babamla birgə yaşayır) yaşadığı bölgədəki universiteti yazdım (ödənişi az idi). bu da ən böyük səhv idi. əslində evdə çörək almağa 30 qəpik yox idi. həmin vaxt əmim də gəlmişdi, ödənişə kömək edəcəyini demişdi. kaş cəsarətli olub, əsgərlikdən qorxmazdım. qorxaq olduğuma görə hadisələrə müdaxilə etmədim. ixtisasdan imtina edib əsgər gedə bilərdim amma etmədim. kaş, edərdim sonraki biyabırçılıqlar olmazdı.
çarə yox idi, anam da mənlə birgə getdik dayımgilə kəndə. anamın ixtisası var idi. müəllimə kimi işə düzəldi kənd məktəbində ödənişi ödəmək üçün. ilk başda 500 manatı əmimdən, 500 manatı isə dayımdan aldıq. xəstə anam heç evdə rahat ola bilmirdi ancaq indi dağ kəndində başqasının evində yaşamağa, işləməyə məcburdu. özümə o qədər nifrət edirəm ki... qardaşım da var; o da həmin vaxtı əsgər getdi. oxumuşdu lakin diplomu ala bilməmişdi, ödənişə və kəsrlərə görə.
dayımın balaca uşaqları, səs küy, şəhərdəki insanlardan fərqli insanlar, fərqli mədəniyyət, kənd yaşamı kimi şeylərlə üzləşdik anam ilə. şəhər həyatı yaşayan insana çox ağır gəlirdi. hələ şəhərdə rahat bir həyat keçirmiş olanlara. mən isə konkret azərbaycan reallığı ilə üzləşdim. həyat üzümə şillələr vurdu sanki. öz ailəmdən uzaqda anam ilə başqasının evində əvvəlcə hər şey normal idi. universitetə başlayanda, kənddən 27 km aralıda şəhərdə universitetə getdim gəldim. lakin əmimə dedim ki, mənə yataqxanada yer tapsın, tapdı da, lakin qorxaqlığıma görə getmədim. buna görə əmimlə münasibət də pozuldu. nə isə, sonra yol uzaqlığına görə ilk semestr əmimgildə qaldım. ilk beş gün əmimgildə qalırdım, 6 və bazarı isə kənddə. babamın kiçik təsərrüfatı vardı, 6 bazar kömək edirdim. əmimgildə vəziyyət ağır idi, uşaqları məni xoşlamırdı. əslində, məndə də günah vardı, soyuducudan şeylər yeyirdim, bir dəfə şəxsi şeylərə toxunmuşdum... qısaca mən də günahkardım. ilk semestr bitdi, semestr arası kənddə qaldım. hər şey yaxşı idi, hətta dayımın dükanına gedir, wifi ilə noutbukuma kino da yükləyirdim.
ikinci semestrdə fərqli yol izlədim; kənddən sadəcə səhərlər avtobus gedirdi. mən də səhər avtobus ilə əmingilə gedir, saat 1'in yarısı dərsə girirdim. axşam da kəndə ayrılan yola qədər avtobus gedirdi. sonra da 7 km-lik yolun qalanını ya dayıma zəng edirdim ki, məni götürsün ya da elə gözləyirdim yoldan keçən maşın götürürdü.
tezdən əmimgil işə, uşaqları dərsə getdiyinə görə ev boş qalırdı. mən də həmin vaxtı gəlirdim. əslində, böyük bir səhv idi. "ala xiyar, tezdən gəlirsənsə get kitabxanaya zada gözlə də, evdə heç kim olmayanda sən nə pox yeyirsən camaatın evində?" desəniz, haqlısınız.
beləcə poxdan bir universitetdə (universitet haqqında heç nə yazmadım çünki həqiqətən də heç nə yoxdur yazılası, bölgə universitetidi, poxdan, mədəniyyətsiz, savadsızlıq olan bir yerdir) ilk il bitdi. anamla geri döndük. amma atam şəhərdən (əslində qəsəbədə qalırdıq, lakin mən şəhər deyirəm yaşadıqlarıma görə) lap kənarda bir qəsəbədə həyət evi tutmuşdu. atam bir ildə çökmüşdü. nisbətən rahat həyatımız vardısa, indi hər şeyi itirmişdik. sözlər izah eləməyə yetmir "çöküş"ü canlandırmağa... poxdan bir taksi sürürdü, çörək puluna, 150 manat ev kirayəsini güclə verirdi. evdə ki, iti bağlasan durmaz bir yer idi. uçuq, sökük. qarışıq. əvvəlki ailə düzənindən əsər əlamət yox idi. mən nə edirdim, anamın pulu ilə kola içir film izləyirdim yayda. barbarlar kimi yerdə falan yatırdıq house of cards serialında frank demiş... əslində bu entry'ni də yerdə yatmış vəziyyətdə yazıram. bir dəfə lalafoda elan qoydum, adama əşyanı göstərəndə evə baxdı və dedi: "ala burada yaşayırsınız?!" adam rəsmən şok olmuşdu.
ikinci il də anamla geri kəndə döndük. bu dəfə səhər smeni idim. yəni əmingilə getmədim (gedə də bilməzdim). səhər avtobusla gedirdim. təbii ki, sizə hələ kənddə camaatın qəribə suallarını deməyəcəm. hamınız bilirsiz az çox. tanrı heç kimə göstərməsin, möhtaç olmağı. çətindir fərqli mühitə düşmək, lənətə gəlmiş cındır poxdan həyata davam etmək...
bu il artıq babam yavaş-yavaş məni ora-bura buyururdu. əmr verirdi. nə bilim heyvan otarmaq, toyuğa dən vermək, ot kəsmək, pres daşımaq kimi şeylərlə tanış oldum ilk dəfə. şəhərdə böyümüş bir uşaq üçün ağır idi. bir şeyi düzgün etməyəndə söz eşitməyi də gördüm. anam atam həmişə əzizləyərdi məni ancaq əsl həyatı gördüm. nə isə ki, kompyuterim vardı, kino, oyun başımı qatırdım. düzdü, hərdən dayımın balaca uşaqları ilə davamız da düşürdü. səs küy zad. ay blət ətraflı yazsam roman olar.
həmin qış çox soyuq keçdi. qar üç dörd ay ərimədi. gecələr 30-35 dərəcə şaxta olurdu. həmin şaxtada inəyə vedrədə isti su aparmaq, yemləmək çətin olurdu. 'sikim həmin vaxtları' deyirəm. və ikinci ili bitirirəm. ikinci il işlərim ağırlaşdı qısaca, dayımla dava da elədik, heyvanın birini çaqqal yedi mənim başıboşluğum ucbatından qısaca hər şey pox oldu. təhqir edildim, alçaldım. əzildim. onsuzda asosial əzik idim, və daha da insecure oldum. ax, pulsuzluq nə pis şeydir. insanı hər şeyə məcbur edir. atam kimi bir adam hətta öz ailəsini belə unudarmış. hə, atam heç vaxt zəng eləmirdi, kontur ala bilmirdi deyəsən. qısaca, öz başımızaydıq.
ikinci il də bitdi, qardaşım da əsgərlikdən gəlmişdi, bu dəfə daha balaca bir bina evindəydik. qardaşım daha çox "o qız sənin bu qız mənim", "sağol ay brat" tipli olduğu üçün işləmirdi. sonra işə düzəldi ama pul qazanıb xərcləyirdi deyəsən. yayda yenə işləmədim, kino-serial zad... "ay xiyar götünü qaldır, pul qazan heç olmasa bu il dayıngildə qalma!" dedinizi eşidirəm amma yox. yenə getdim dayımgilə anamla birlikdə. bu arada, yayda kassir qızı tanıdım. (kassir qız başlığında 5.entry'də ətraflı yazmışam) nə bilim, bərbad həyatıma rəng idi sadəcə.
yayda bütün günü evdə oldum, noutbuka friends, breaking bad yazdım falan. əlbətdə ki, dostum zadım yoxdur bayıra çıxam eliyəm. baxın siz bir "universitet" oxuyan azərbaycan gəncinə. "ala bölgədə də universitet oxuyarlar?!" oxumazlar. ancaq bu vaxtda ingiliscə öyrəndim, bol bol film serial izlədim, normal insan cəmiyyətindən təcrid oldum və daha da asosiallaşdım. universitet də ki, heç nə, "otur dur gəl" idi. orada da hamı mənə həyat tərzimlə bağlı qəribə suallar verirdi.
üçüncü il də ağır oldu. artıq inəyə mən baxır, poxun atır, yemin verirdim. heyvanları suvarmaq, yemləmək də mənlikdi. qısaca, kölə idim. dayım, babam, nənəm məni buyururdu. əmr verirdi. "yardım almağa alışan əmr almağa da alışar" deyiblər. bu il həyatıma nifrət etdim. hər şeyi atıb getmək də istədim. amma alınmadı. poxdan universiteti ata bilmədim. xəstə anama görə. belə bir geridə qalmış cəmiyyətdə müəllimlik edirdi ki, təki məm oxuyum adam olum, gələcəyim olsun. yazıq anam.
ağır və pis işlər insanın mənəviyyatına, sağlam düşüncəsinə zərbə vurur. kimsə həyatından xırda bir şeyə görə (instagramda dostum like etmədi, ya da köpəyim tualetə çıxa bilmir) şikayət edəndə gülməyim gəlir. insan sanki yabaniləşir. normal insan cəmiyyətini unudur. bir yerə gedəndə nəzakət qaydalarını yox sayır. ya da birisinin partiyə, kafeyə getməsi falan çox lüks görünür adama. hərdən facebook'da keçmiş sinif yoldaşlarımı görürəm, partidə, unidə dostlarla selfilər zad sonra da öz həyatıma baxıram. əslində, daha yaxşı bir həyatım ola bilərdi. whatsapp'ı və sosial medianı silmişəm (facebook'u sadəcə bir neçə hesabım ona bağlı olduğuna görə saxlayıram) insanlardan uzağam. axırıncı dəfə nə vaxt kiminləsə dialoqa girmişəm xatırlamıram...
bu entry'ni yazarkən artıq üçüncü il bitir. bugünkü hadisə məni bu entry'ni yazmağa vadar etdi. deməli, babam quzu kəsirdi. mən də yardım edirdim. elektron tərəzi var, ətin çəkisini ölçmək üçün onu da gətirmişdim. iş bitdi, tərəzini götürəndə əlimdən düşdü başı qopdu. babam məni babat söydü. düzdü, kim olsa söyərdi ancaq axı at baba, mənim oxumağımda əməyin var düzdü, amma bu məni təhqir edə biləcəyin mənasına gəlməməlidi axı (bəlkə də gəlir). axı ay kişi heç olmasa adam biraz anlayışlı da olar, üç ildi kölən olmuşam axı. bilirsən, elə düz edirsən, mən də qeyrət olsaydı kölə olmazdım. qorxmadan əsgərliyə gedib anamı çətinliyə salmazdım.
indi gecədir hələ səhər saat 7'də durmalıyam. ilk iş anamın maaş kartında pul çəkib yeni tərəzi almaqdır.
həyatımda hələlik bir məqsəd varsa, o da yayda kölə kimi işləyib, gələn il ev tutub dayımgilə bir daha getməməkdir. lənət olsun belə həyata. 'layiq olduğun həyatı yaşayarsan' deyiblər amma düşünürəm ki, kölə kimi yaşamalı deyiləm. gələcəkdə heç vaxt evlənməyəcəm, işdi əgər evlənsəm, heç vaxt ata olmayacağam. çünki varlı olsam da bir gün kasıblaya bilərəm və ailəm kiməsə möhtaç qalar. əslində, getmək istəyirəm azərbaycandan çox uzaqlara. avropaya ya da amerikaya. bu üç ili unutmaq və yeni bir həyata başlamaq istəyirəm. bu lənətə gəlmiş, üzdəniraq ölkədə bir uşaq da dünyaya gəlməsin istəyirəm. balacalara baxanda ürəyim ağrıyır. onların da həyatları məhv olacaq... ağırdır. çox ağırdır, möhtaç olmaq, qohum-əqrəba evində qalmaq... etməyin...

24 əjdaha! 03.09.2018 01:56, adtapabilmedim

#277513 şikayət

whatsapp-da yazışmağa adamın olmaması

+28 əjdaha

bugün etibarilə whatsapp hesabımı silməyə səbəb olan hadisədir. bir neçə dəfə 3-4 dənə dost tanışa yazdım gördüm ki, yola verir məndə daha yazmadım, gözlədim bəlkə biri yazar amma yox heç kim ipləmədi məni. (bir dəfə unidən biri yazdı ki deyərsən qayıb yazmasınlar) əsl həyatda da belədir heç kim məni ciddiyə almır ya da qulaq asmır. günahkarı özüməm yoxsa cəmiyyət? deyəsən özüməm.

22 əjdaha! 30.10.2016 11:18, adtapabilmedim

#235641 şikayət

özünəinamı yıxan şeylər

+29 əjdaha

böyük bir marketdən bir ədəd etiketi üzərində 2 manat yazılan "pringles" aldım. əlimdə iki manatla kassaya yaxınlaşdım və "dııııd" səsindən sonra kassir qızın "2.10" deməsi ilə yıxıldım. məndən arxada xeyli adamın da olması məni yerin dibinə soxdu. bir neçə saniyə güya 10 qəpik axtarırmış kimi eşələndim və sonra hərəkətsiz dayandım. qız da başa düşdü ki, bəs 10 qəpiyim yoxdur. "yaxşı, yaxşı, götür get." deyərək bir növü mənə acıyaraq məni yola saldı.

24 əjdaha! 25.06.2017 14:11, adtapabilmedim

#256197 şikayət

bazlıq

+20 əjdaha

Bilən bilər, psixoloji vəziyyətim hərbi xidmətdən sonra daha da korlanmışdır, psixoloq yardımını da maddi vəziyyətimə görə ala bilmədim; iş tapa bilmirəm;
köhnə bir tanışım mənə "qız" yanına getməyi tövsiyə etdi, "əə məni dinlə get yanına səni düzəldəcək sən öl." heç vaxt belə şey etməmişdim ancaq hərhalda "denemekten bir zarar gelmez" deyərək qəbul etdim. Nömrəsini verdi zəng elədim ünvanını verdi.
Qapıya çatmamış qapı açıldı amma o qapının arxasındaydı qonşular bunu görməsin deyə. Olduqca pis bir bədən quruluşuna malik bir 30-35 yaş arası qadın idi. Oturdum divanda mənə "pulu verdə" dedi. Verdim. Çıxdı üstümə başladı zorla öpməyə məni, ağzımı tez-tez qaçırtsam da yenə də əl çəkmirdi. insan düşünür ki bunun ağzına görəsən nələr girib çıxıb bunla da öpüşmək olar axı. "Aa heç vaxt öpüşməmisən bilinir." Tanışım demişdi yəqin ki buna bakir olduğumu. Nə isə. Keçdik otağa başladı soyunmağa mən də soyundum. Kor-koranə bu nə deyir mən də eləyirəm. Heç belə həvəsim də yoxdur. Ehtiras da 0 amma belə alət dəmir kimidir; lakin heç nə hiss etmirəm, çıxdı üstümə bir dəqiqə olurdu ki bu qurtardı güya. "Aa sən qurtarmamısan?" Mənsə heç nəinki qurtarmaq heç oralı belə deyiləm ara sıra bunu tumarlasam da beynim "wtf" vəziyyətindədir. Bir iki pozisyon zad yoxladı güya sonra bunun içində olanda "elə bil yumuşaldı axı" dedi və "gəl gedək mən siqaret çəkəcəm". Geyindim keçdik otağa oturdum divanda. "Yəqin bu yaşa kimi əlinə öyrəşdirmisən indi də belə olur həzz ala bilmirsən. Bu döşləri (döşlərini sıxaraq) görənlər elə boşalır (hansı ki, az qala yerə dəysin)." "O qədər porno izləmisən ki realı həzz vermir. Yeni nəsili petuxlaşdıran həmin şeylərdir." Həmin an özümə nifrət elədim, bütün həyatıma, insanlara, tanışlara, bu üç qəpiklik fahişəyə, yalanlara... bəlkə də orta məktəbə belə getməyən şəxsin mənə diaqnoz qoyması gülünc idi. Qəribə tərzdə "nə deyirsən ala" deyər kimi bunun üzünə baxdım gözün qaçırtdı. "Ancaq düzələre yəqin get sonra gələrsən endirim edəcəm." Bu da yəqin ki, "pulunu qaytarmayacam onsuz" deməyin başqa yolu idi. "sən gec gəlmisəne həm də çox oğlan 16-17 yaşında gəlir, niyə 22-yə kimi gözləmisəne." Yəni bu insan hətta az yaşlılarla da cinsi əlaqəyə girə bilir; əsas odu pul olsun. öz-özümə dedim: "ala bu nə deyir?! Düşünür ki yenə bu iyrənc proses üçün geri qayıdıb pul verəcəm? bir pox idi yedim, bilmədən. Eşşək belə düşdüyü çuxura bir də düşmür."
Evdən çıxarkən "heç kimə demə belə oldu" dedi ancaq qozlamadım, küçəyə çıxdım az qala ağlayacaqdım, "ala mən niyə özümü bu səviyyəyə saldım" deyirdim özü özümə. Onsuz da pis olan psixoloji vəziyyətim daha da ağırlaşdı. Lənət olsun verdiyim qərarlara. Lənət olsun bu həyata da. Lənət olsun "bazlıq" kəliməsinə.

silinmiş entry.

19 əjdaha! 02.09.2020 00:35, adtapabilmedim

#303767 şikayət

kamil zeynallı

+18 əjdaha

qatı-milliyətçi, irqçi. birinci qarabağ müharibəsi vaxtı qadınlara, qocalara, uşaqlara zorakılıq edən erməni milliyətçilərindən heç bir fərqi yoxdur.
azərbaycan ermənistanla müharibə edə bilər amma bu sənin ermənilərə qarşı irqçilik edə biləcəyin mənasına gəlmir.
bu cür faşist insanın xalq arasında populyar olması isə ayrı bir biabırçılıqdır. instagram hesabı isə birdəfəlik silinməlidir.

15 əjdaha! 13.10.2020 20:52, adtapabilmedim

#306330 şikayət

yaşından balaca görünmək

+29 əjdaha

əsasən fiziki görünüşə görə yaşından balaca görünmək mümkün olur. başa gələ biləcək şanssızlıqlardan biridir.
kassir qızın səndən kiçik olmasına baxmayaraq, sənə "qaqaş" deyə xitab etməsi adama zərbə vurur. ciddiyəti məhv edir. orta məktəbi bitirəli haradasa 3 il olsa belə yenə də təsadüfi bir bərbər'ə gedəndə "neçənci sinifdə oxuyursan?" sualını almaq da adamı dəliyə çevirir. cavab olaraq universitetdə oxuduğun kursu deyirsən və bərbər gülümsəyərək "hə? bağışlaye, tələbəyə oxşamırsan ona görə." deyir. adamın əhvalı pozulur, asosial olmağa davam edirsən. başqa bir problem də var ki, xarici görünüşə görə ciddiyə alınmırsan. hamı səni yola verir. yaxın hesab etdiyim adama (artıq yoxdur) ciddi bir şey haqqında danışırdım, sonra fikir verdim ki, bəs bu məni yola verir. əvvəl elə bilirdim problem məndə deyil amma çoxluğun məni yola verdiyini görəndə başa düşdüm ki, problem məndədir.
insan həyatının ən dəyərli dövrü olan gəncliyi belə yaşamağa imkan vermir, yaşından balaca görünmək. gəncliyinin ən yaxşı dövründəsən və artıq universiteti belə bitirirsən amma hələ də 11-ci sinifi bitirməyə hazırlaşan yeniyetmə kimi görünürsən. nazik qollar, içəri batmış bir qarın boşluğu, içində üzdüyün bir köynək; qısaca xərçəng xəstəsi kimi görünürsən. belə halda, səni kim ciddiyə alar? heç kim sənə yaxın belə durmaz çünki xaricdən narkotik istifadəçisinə oxşayırsan. keçən dəfə bulvardayam, oturmağa boş yer var idi amma yenə də ayaq üstə kənarda dayanmışam. çünki tək başımayam, əlbəttə ki, dost tanışım yoxdur, asosialam. tək başına da oturanda gəlib keçən cütlüklərin, qocaların "ala yeri niyə zanit eləmisən?" baxışlarına məruz qalırsan. məcburən ayaq üstə dayanıb telefonda pulsuz internet vasitəsilə house of cards'ın yeni sezonunu yükləyirəm. birdən yolda təsbeh sallayan qaqalara bənzəyən birisi "konturun olmaz, qaqaş?" dedi mən də yox cavabı verdim. gəldi yanımda durdu "ala yaman gündəyəme qaqa, sən başa düşən oğlana oxşayırsan." deyəndə bildim ki, işə düşdüm pul istəyəcək. sonra başladı mənə klassik "qaqa sözləri" deməyə, yəqin məni də o "qaqalara" bənzətdi çünki elə kənardan baxanda elə o "qaqalara" oxşayıram. bir də mənə yaxınlaşmasının səbəbi zəif fiziki görünüşüm idi. ibrətli "qaqa sözülərinə" məcburən qulaq asandan sonra məndən biraz pul istədi. cibimdə 60 qəpik var idi, 20 qəpiyini buna verdim. amma getmədi, mən də bilmirəm ki, nə deyim gedim. durdu mənim yanımda hələ bir nəfəri də çağırıb "qaqalar sözü" deyəndən sonra 1 manat aldı və mən isə yavaş-yavaş qorxurdum. çünki polis "pul yığan qaqaları" gördüyü anda bölməyə aparır. hələ bu "qaqa" mənə əvvəlki tutulmağından da danışırdı. bilmədim necə gedim, sonra bu dedi ki, gəl gedək tualetə biraz işim var. mən də çarəsiz qaldım bunun yanında gedirəm. tualetə bu girdi, mən isə gizlincə bayıra çıxaraq qaçdım. metroya özümü atdım və evin yolunu tutdum. bir dəfə də artıq bulvara tək başıma getmərəm. bu da o deməkdir ki, heç vaxt getməyəcəm. bu hekayəni sizə danışmaqda məqsədim odur ki, xarici görünüş çox şeyi müəyyən edir. məsələn, mən əgər zəif, cılız, xəstə kimi görünməsəydim həmin "qaqa" cürət edib yaxınlaşa bilməzdi.
təbii ki, bu hal insanın psixologiyasına da təsir edir, sosial fobiya yaradır, ən yaxşı halda asosiallığın təməlləri güclənir.
xarici görünüşü yaxşı olmayan, yaşından balaca görünənlər bəlkə də heç vaxt əsl sevgini yaşaya bilməyəcək. istər bütün dünya elmlərini əla bil amma heç kim xarici görünüşünü bəyənmədiyi kimsənin daxili ilə maraqlanmaz. əgər maraqlanırsa bilin ki, onu siz yox, başqa şey (pul, vəzifə) maraqlandırır.
amma çox da fikir etməyin, həyatdır. daha da pis vəziyyətdə ola bilərdik.

21 əjdaha! 24.07.2017 00:48, adtapabilmedim

#257557 şikayət

ikinci qarabağ müharibəsi

+17 əjdaha

Azərbaycan ordusunun böyük itkilər verdiyi müharibədir. Bir tərəfdə 30 ildir bələd olduğu dağlıq ərazilərdə müdafiə olunan erməni birləşmələri, digər tərəfdə zəif döyüş təcrübəsinə malik yaxşı silahlanmış hücum edən azərbaycan ordusu. Azərbaycan, şəxsi heyət sayı baxımından üstün olsa da erməni qoşunları taktiki olaraq daha əlverişli mövqelərdədir. Əgər azərbaycan hava qüvvələrindən səmərəli istifadə etməsə, və planlanmış hücumlar təşkil etməsə başlatdığı müharibənin məğlubiyyətlə nəticələnməsi qaçınılmazdır. Və bu məğlubiyyət qarabağın (*arsax respublikası*nın) beynəlxalq hüquqda tanınmış müstəqilliyinə yol aça bilər.
Amma hərhalda müharibə pis şeydir, və müasir dövrdə müharibəyə yer yoxdur; ən səmərəli həll yolu sülhdür.

16 əjdaha! 29.09.2020 12:38, adtapabilmedim

#305274 şikayət

kondisionersiz ev

+22 əjdaha

bizim evdir. düzdü, heç vaxt öz evimiz olmayıb, həmişə kirayə qalmışıq. və təbii ki, də heç bir evimizdə kondisioner olmayıb. atamın kondisioner almağa imkanı olmayıb. əvvəllər, göy rəngdə pərləri olan *sərinkeş*imiz var idi amma qırılandan sonra atam yeni dəmir pərləri olan sərinkeş almışdı. bugün hava yenə qaynar istidir amma sərinkeşi vurmaq istəmirəm. çünki onsuz da heç bir faydası olmur və əlavə enerji işlədir. bəzən günortalar qaynar isti olanda məcburən yaxınlıqdakı marketə gedirəm, dəqiqələrcə güya mallara baxıram amma əslində kondisionerdən faydalanıb sərinləyirəm. və marketdən çıxanda çox vaxt su alıram və kasiyerin baxışlarına məruz qalıram. yay kasıblara uyğun fəsil deyil. yenə qışda soyuq olanda girirsən yorğanın altına qızışırsan.

20 əjdaha! 29.07.2017 01:57, adtapabilmedim

#257796 şikayət

azərbaycan vətəndaşlığından çıxma

+18 əjdaha

vətəndaşın müraciəti əsasında aidiyyəti dövlət qurumları şəxsin vətəndaşlıqdan çıxma məsələsinə baxdıqdan sonra əgər bütün sənədlər qaydasındadırsa, prezidentin müvafiq sərəncamı əsasında şəxsin vətəndaşlığına xitam verilir.
vətəndaşlıqdan çıxmaq üçün şəxsin, azərbaycan respublikası qarşısında heç bir öhdəliyi olmamalıdır.
əlavə olaraq 60 dollar da dövlət rüsumu tələb olunur.

--spoiler--

azərbaycan respublikasının vətəndaşlığından çıxma üçün tələb olunan sənədlər
azərbaycan respublikası prezidentinin adına yazılmış ərizə-anket
4 ədəd 3x4 ölçüdə fotoşəkil;
yaşayış yerindən ailə tərkibi haqqında arayış;
dövlət qarşısında icra edilməmiş öhdəliklərinin olmaması və ya azərbaycan respublikasında hüquqi və fiziki şəxslərin mənafeləri ilə bağlı olan əmlak öhdəliklərinin olmaması barədə müvafiq sənədlər;
hərbi biletin surəti;
dövlət rüsumunun ödənilməsi barədə sənəd;
şəxsiyyəti təsdiq edən sənədin surəti;

--spoiler--

8 əjdaha! 18.10.2017 18:52, adtapabilmedim

#261088 şikayət

nə edəcəyini bilməyən insan

+16 əjdaha

Həyatda bir məqsədi olmayan, məqsədi olsa da heç vaxt ona nail olmayacağını dərk edən insandır. Həyatında addım atmağa qorxan, ən xırda bir qərarı verməkdə belə aciz insandır. halbuki səhv addım atmaq belə heç nə etməməkdən daha yaxşıdır.
Əsgərlikdə ehtiyata buraxılmağıma az qalmış yüksəklikdəki hərbi postdan hərbi hissəyə enəndə məhz orada bölüyün giziri belə bir şey soruşdu məndən:
- deməli, xidmət qurtardı adtapabilmədim, hə? Yaxşı, mənə maraqlıdır ki, bundan sonra nə edəcəksən?
+ əsas xidmət idi, o da bitdi. Bundan sonrası asandır.
- yox, əsas xidmətdən sonrakı həyatdır. Hər şey bundan sonra başlayır. Axı sən necə yaşayacaqsan bu həyatda?!
+...
Bunu deyib getdi və mən isə cavab verə bilmədim. Həqiqətən də bundan sonra nə edəcəyimi, necə yaşayacağımı bilmirdim. hərdən özümü aldadaraq "artıq hər şey gözəl olacaq" desəm də heç nə yaxşı olmadı. Hətta daha pis oldu. Pul qazanmaq, işləmək, bir həyata sahib olmaq lazım idi ki, mən də bunları etməkdə aciz idim. Bir tərəfdən də covid-19, və digər problemlər də məni daha da acizləşdirir.
Hamı deyir; öz həyatını özün düzəltməlisən, axı bir həyata sahib deyiləm. Doğrudur, nəfəs alıram, canım da var amma yoxdur həyat əlamətim. Canlı ölüyəm. Kömək lazım olduğunu dərk edirəm ancaq heç kim kömək etməyə könüllü deyil. Real həyat *friends*'dəki kimi deyil təəssüf ki. Bəlkə özümü iki yerə bölsəm belə bir hissəm digərinə kömək etmək istəməz. *mary and max*'dəki max kimiyəm sadəcə mary yoxdur və olsa idi belə yəqin ki filmdəki kimi gecikərdi kömək etməyə.
Sözlük bəlkə də yeganə köməyimdir, başqa dərdini açacağın bir yer yoxdur bu ölkədə; yerli psixoloqların 1 saatı 30-50 manatlıq "seansları" lap 'lame' gəlir insana.

12 əjdaha! 23.08.2020 16:17, adtapabilmedim

#303445 şikayət

ilham əliyev qarabağı alsa olacaqlar

+16 əjdaha

dünya mediasını azca araşdırmaq kifayətdir ki, əksər jurnalist, tarixçilər müharibənin səbəbi kimi neft qiymətlərinin düşməsi ilə azərbaycandaki iqtisadi çətinliklərdən xalqın fikrini yayındırmaq olduğunu görürlər.
böyük ehtimalla növbəti devalvasiya olacaq, amma xalqın vecinə olmayacaq uzun bir müddət çünki qarabağ gündəmdə olacaq. xalq ayılanda... bir dəqiqə? necə? yəni sosial mediada işsizlik, muxalif fikirlər, ilhama söyüşlər, meydan tv-nin "camaat qırılır" xəbərlərindən çoxalanda növbəti okus fokus olacaq və reset!
20 dekabr editi: dünya mediası zad boş şeymiş sən demə, sorry guys l was so wrong.

13 əjdaha! 06.10.2020 02:44, adtapabilmedim

#305727 şikayət

azərbaycandan rədd olub getmək

+18 əjdaha

universitetin birinci kursunda olanda yolda bir "qazel" saxladı. 40-50 yaş arasında olan bir kişi sürürdü. Sağolsun məni yolda qoymamışdı. Qısa tanışlıqdan sonra söhbət fırlandı gəldi ölkəyə.
"Adam kimi yaşamaq istəyirsənsə xaricə, avropaya get. Burada insanın dəyəri yoxdur. Buralar nədi axı, Əfqanıstana oxşayır. Oxu qurtar, qaç buralardan. Mən qaça bilmədim, indi it kimi peşmanam."
Bu şəkili də atmaq adətdəndir.

15 əjdaha! 29.04.2021 21:06, adtapabilmedim

#326077 şikayət

ilham əliyev

+18 əjdaha

17 oktyabr 2018'ci ildəki seçkilərdə 4'cü dəfə prezidentliyə namizədliyini açıqlayan 2003'cü ildən prezident postunu zəbt edən şəxs.
görünür, heç cürə prezidentliyi əldən vermək niyyətində deyil, belə bir vəziyyətdə əldən verməsi üçün axmaq olması lazımdır yəqin ki. haqqında çıxan xəbərlərə, (ofşor hesablar, panama papers) eləcə də açıq-aşkar hakimiyyət balansını pozan *26 sentyabr 2016 referendum*undan sonra hələ bir də *21 fevral 2017 mehriban əliyevanın vitse prezident təyin edilməsi*ndən sonra əməlli-başlı etirazın olmaması adamda ciddi özünə güvən yaradıb. lağ etdiyimiz, trump'ın "pox çuxuru" dediyi afrika ölkələrindən tək fərqimiz yerdən çıxan neftdir ki, o da xaricə axır.

17 əjdaha! 02.02.2018 01:27, adtapabilmedim

#267829 şikayət

çirkin olmaq

+26 əjdaha

həyat oyunu'na 1-0 geridə başlamaqdır. bir oğlanın başına gələ biləcək ən böyük şanssızlıqlardan biridir. özümdən bilirəm, ciddiyə alınmamağa; gülüş obyekti olmağa; sevgisiz qalmağa; asosiallığa; sındırılmış özgüvənə səbəb olur.
sosial fobiya'nın əsas səbəblərindən biri də məhz çirkin olmaqdır. məs: hərhansı tanımadığım bir yerə gedəndə, ünsiyyətə girəndə ağlıma çirkin olduğum reallığı gəlir və buna görə də kəskin şəkildə həyəcanlanıram. deyəcəyim söz yadımdan çıxır, dilim topuq atır və bu da təbii ki, nüfuzuma zərbə vurur, ciddiyətimi yox edir. hətta qohumlar arasında belə məni ciddi olaraq qəbul etmirlər, yola verirlər. məhz bunlar da sosial fobiya'ya, şəxsiyyət böhranı'na səbəb olur.

özümdən misal verəcəm:
hərdən bakı'nın mərkəzinə gedəndə bulvar'da gəzişən sevimli cütlüklər görürəm. bir-birlərinə necə sevgi ilə baxdıqlarını görürəm ki, bu da məni pis hiss etdirir. ağlıma gəlir ki, mənə heç vaxt kimsə belə sevgi ilə baxmayacaq... çünki sevgini pul ilə satın almaq olmur.
ictimai nəqliyyatı heç sevmirəm, insanların qəribə baxışlarına məruz qalıram. bilirəm, qəribə görünürəm, çirkin sifətim; böyük burnum; bərbad geyim tərzim var. həmin baxışlar da məni kəskin şəkildə narahat edir, sıxılıram, özümü görməyə gözüm qalmır.
heç məcburən tanış olmağa çalıştığınız bir insanın "bu nədi ala" deyər kimi gülümsəməsinə məruz qalmısınız? həmin an insanın içində olan bütün hər şey darmadağın olur. ümidin puç olur.
çoxları deyir, xarici görünüş önəmli deyil əsas olan daxili gözəllikdir. bu səhvdir. insanlar xarici görünüşü bərbad olan birinin əsla daxilini öyrənmək istəməz. belə deyim, birisi ilə danışmağa başlamazdan əvvəl o sizin sadəcə xarici görünüşünüzü görür. bəlkə də sizin yüksək dünyagörüşünüz var amma çirkin olsanız onu göstərmək üçün fürsətiniz olmayacaqdır.

banka gedirdim bir gün məcburən. yaxınlaşdım xidmət göstərən gözəl bir xanıma, salam verdikdən sonra göstərilməsi lazım olan xidməti deyirdim amma xanımın alçaldıcı gülümsəməsinə şahid oldum. mənə qulaq asırmış kimi davranırdı amma üzündə "bu nədi ala?!" deyər kimi bir gülümsəmə var idi. həmin an özümü bir şey olmamış kimi aparmağa çalışdımsa da içimdə sanki hər şey qırıldı, boğazım düyünləndi. onsuz xanım da məni ciddiyə almadı, həmin əməliyyatın bugün aparılmayacağını deyərək məni yola verdi.

sadəcə tanımadığım insanlar yox eyni zamanda tanışlarım da mənə gülür. məni görəndə alçaldıcı şəkildə gülümsəyirlər.

təkcə ictimai nəqliyyatda yox, eyni zamanda yolda gedərkən də insanların qəribə baxışlarına məruz qalıram. səbəbini yaxşı bilirəm, telefonumda bir dənə belə şəkli olmayan xarici görünüşümdür. o xarici görünüş ki, heç vaxt qaça bilməyəcəyim, hər gün aynada görəcəyim. bahalı bir maşına sahib belə olsam, içində yamaq kimi görünəcəyim xarici görünüşüm.

düzdü, daha pisləri var amma bu mənim vəziyyətimi yaxşılaşdırmır. şikayətlənmirəm, hannibal yaxşı deyib: "vəziyyətindən şikayətlənmə, əgər indiki vəziyyətdə olmasaydın daha pis vəziyyətdə olardın." dünya birliyi bu ədalətsizliyə hələ də dözür...

21 əjdaha! 10.07.2017 00:32, adtapabilmedim

#256891 şikayət

qızla tanış olmaq üçün mükəmməl üsullar

+18 əjdaha

*ada universiteti*nin qabağında durub çatana "salam xanım, deyəsən ada'da oxuyursunuz. Bəs mənimlə qeyb olmuş məhəbbət adasına gedib sonsuza kimi mənə ada əhalisinin paylaşdığı statusları da oxuyarsınız?" demək.

12 əjdaha! 18.09.2020 10:38, adtapabilmedim

#304764 şikayət

yaraşıqlı oğlanların uğursuz olması

+19 əjdaha

bu sifarişi verən: la jolie fille
mənim kimi yaraşıqsız, əzik, çirkin oğlanların özünü təsəllisidir.
xoşladığın qıza özünü heç vaxt layiq bilmirsən, ona heç vaxt hisslərini açmırsan, onu daha yaraşıqlı birisinə layiq görürsən. asosial'sansa, cəmiyyətdən təcrid olunmusansa, dostun hətta tanışın yoxdursa və həm də çirkinsənsə özünü kitablara, seriallara, filmlərə, internetə adayırsan; bütün günü araşdırma aparırsan, öyrənirsən çünki onsuz da zamanını xərcləyəcəyin başqa məşğuliyyətin yoxdur. baxmayaraq ki, dünyagörüşün formalaşır, az-çox biliyə malik olursan amma onu istifadə etməyə imkanın olmur. çirkin sifətinə, yaraşıqsız bədəninə baxan səni ciddiyə almır. "carpe diem" sözünü deyirlər, istəyirsən ki, deyəsən "hə, bilirəm bu sözü, latın ədəbiyyatının nümayəndəsi *horatius*'un şeirində deyilir, mənası 'anı yaşa' deməkdir..." lakin deyə bilmirsən çünki hamı bu sözü *dead poet society*'dən eşidib. bilirsən ki, desən "whatever" deyib səni yola verəcəklər.
"tanrı hər şeyi sadəcə bir adama verməz. hərənin öz bacarığı olur. yaraşıqsız ola bilərsən amma ağıllı, varlı ola bilərsən." kimi bir fikir ağlına tez-tez gəlir. düşünürsən ki, yaraşıqlı birisi həm də bilikli olmaz, "mən yaraşıqsız olsam da bilikliyəm" deyirsən amma yaraşıqlı oğlanın qızlar ilə rahat ünsiyyət qurduğunu, çoxlu dostları olduğunu, axtarılan, istənilən olduğunu görürsən bütün fikirlərin alt-üst olur. sən bildiyin onca məlumat, film, serial haqqında danışa bilmirsən amma o, hamının diqqətini adicə bir məlumat ilə də çəkə bilir. əslində, onun boş-boş kompyuter arxasında oturub, araşdırma aparmağa, film və serial izləməyə vaxtı yoxdur, dostları ilə bayıra çıxır, sosial bir həyatı var. o, həyatını yaşayır, sən isə kompyuter ekranındakı həyatı. o yaraşıqlı oğlan həmişə səndən bir neçə addım qabaqdadır. bilikli olsan da onu məğlub edə bilmirsən. ölsən, bir neçə gün sonra xəbər tutarlar; amma o yaraşıqlı oğlan bir neçə dəqiqə geciksə "bəlkə nəsə olub?" deyərlər. whatsapp'da heç kim sənə yazmaz, yola verərlər səni; amma yaraşıqlı oğlan açdığı qrupda onlarla insan toplaşar. hərdən həyatına, uğursuzluğuna nifrət edərsən, platonik olaraq sevdiyin lakin heç vaxt hisslərini aça bilmədiyin qızı düşünərsən, lakin onu narahat etməmək, həm də gələcəkdə vicdan əzabı çəkməmək üçün ona əsla hisslərini açmazsan. beləcə günlər keçər, sənə ancaq kompyuter ekranındakı həyatlar qalar.

14 əjdaha! 10.11.2017 00:00, adtapabilmedim

#262470 şikayət

youtubedan milyonçu olmaq yolları

+15 əjdaha

əvvəlcə bunu deyim ki bu başlıqda sizə youtubedan milyonçu olmağın yollarını öyrədəcəm amma siz bu yollarla çox uzun müddətə milyonçu ola bilərsiniz, daha qısa yolu üçün buyurub mərkəzi bankı soyabilərsiniz. dünyada youtubedan milyonçu olan yüzlərlə adam var niyə biri də siz olmayasınız?
1-ci yol: kreativ olaraq ingilis dilində video hazırlamaq. bu yol nisbətən daha çətindir amma mümkünsüz deyil. maraqlı məlumatları internetdən götürüb daha sonra həmin məlumatlara görə maraqlı video hazırlasanız xeyli sayda abunə yığa bilərsiniz. video hazırlamaqdan başınız çıxmırsa bir dostunuzdan xahiş edin və ya dostunuzla ortaq kanal açın, bu daha asan olar.
2-ci yol: bu yol biraz illegaldır. youtube bilən kimi sizin kanalı banlayacaqdır amma youtube bilənə kimi siz pulu götürə bilərsiniz (adsense ayrı email ilə açılmalı olsa əgər) ingilis dilində olan çox abunəsi olmayan və izlənməsi 10-20 min arası olan kanal tapın, daha sonra həmin kanalın videolarını türk (tövsiyə eləmirəm), ərəb (reklam gəlirləri çoxdur), fransız (google translatedən istifadə edərək) vs dillərdə yükləyin, cəlbedici taglar (+18) ilə çox sayda baxış yığa bilərsiniz.
qeyd: cəlbedici tagları tapmağın yolu chromeda youtube tag deyə bir əlavə var onu yükləyin daha sonra izlənməsi 3-4 milyon olan erotik tərzdə video tapın həmin əlavə vasitəsilə tagları öz videonuzda istifadə edin (əvvəllər youtube keyvords vardı amma indi pulludur)
3-cü yol: bu yol çox daha asandır. rastgələ bir neçə videonu kanalınıza yükləyin (copyright olmasın). həmin videoda reklamların açıq olduğundan əmin olduqdan sonra çıxın internet kafelərə (hər kafeyə bir dəfə gedin çünki kompüterlər eyni modemdən bağlanır) öz videolarınızda olan reklamlara bir dəfə kilikləyin və açılan reklam saytlarında 1-2 dəq surf eliyin. bakıda xeyli sayda internet kafe olduğunu nəzərə alsaq sizin yenə də milyonçu olmaq şansınız var.

13 əjdaha! 01.10.2016 10:54, adtapabilmedim

#232243 şikayət

4 noyabr 2016 demirtaş və hdplilərin həbs olunması

+14 əjdaha

terror təşkilatı olan pkknın məclisdə olan qolu hdp-lilərin həbs olunması çox yaxşı bir hadisədir. pkk-lı şərəfsizlərin törətdiyi terror aktları nəticəsində minlərlə günahsız insan həlak olub, indi ona dəstək olan hdp-lilərin həbs olunmasına dırnaqarası baxanlar yəqin ki, sabah yapçıların həbs olunmasını da pisləyər. mənim üçün önəmli deyil ərdoğan və ya qeyrisi əsas olan pkk kimi şərəfsiz terror təşkilatlarına vurulan zərbədir.
hdp demokrat partiya deyənlər var amma sual olunur bəs niyə hdplilər həbs olunan kimi diyarbakırda pkk partlayış törətdi?
bu kürdlərə qarşı əməliyyat deyil kürd qılığına girən şərəfsizlərə qarşı əməliyyatdır, özüdə pkk terror fəaliyyətlərini kürdlər yaşayan ərazilərdə törədir. pkknın məhvi kürd xalqının da xeyrinədir.

13 əjdaha! 04.11.2016 14:13, adtapabilmedim

#236130 şikayət

yola verilən insan tipi

+17 əjdaha

müxtəlif səbəblərdən yola verilən insan tipidir. ən birinci səbəbi xarici görkəmidir, çünki insan ağzını açmazdan qabaq ona xarici görünüşünə qiymət verilir. özümdən misal çəkəcəm, mən hər zaman yola verilirəm. daimi olaraq getdiyim diş həkimi var, qadındır, elə bilirdim məni ciddi qəbul edir. dişim şişmişdi, getdim yanına dərman yazdı dişimin şişi yatdı. amma dişin ətində hələ də azca şişkinlik vardı. dedi ki, rentgen elə təkrar yanıma gəl. elədim və dişin dibində iltahab olduğu ortaya çıxdı. məni yola verərək "hmm. yaxşı get 1 həftə ya da 10 gün keçsin, sonra yenə həmin dərmandan istifadə et. əgər keçməsə baxarıq." dedi. səs tonundan, üz ifadəsindən anlayırdım ki, məni yola verir. sadəcə diş həkimim yox hamı məni yola verir. əvvəllər whatsapp'da tanışlara yazardım hal-əhval tutardım, sonralar gördüm ki, mən yazmasam mənə nəsə yazan olmur. mən onlara yazanda belə tələsik söhbəti bitirmək istəyirdilər. inciyirdim amma sonra başa düşdüm ki, mən əgər başqasının yerində olsam, özüm ilə danışmaq istəyərdim? xeyr. çünki asosialın biriyəm, həyatımda maraqlı heç nə olmur. danışmağa mövzü tapa bilmirəm. aylarla evdən çıxmadığım zamanlar olub. səbəbi isə çoxdur, cılız və zəif görünüşüm var. bir neçə paltarım var ki, yay qış fərqi olmadan geyinirəm. yəni, hələ mən bir söz deməsəm belə görünüşə görə ciddiyətimi itirirəm. danışıq tərzimdə uğurlu deyil, çox zaman dediyim bir sözü təkrarən demək məcburiyyətində qalıram.

15 əjdaha! 08.07.2017 00:36, adtapabilmedim

#256826 şikayət

inkişaf etməmiş ölkədə yaşamağın dözülməz ağırlığı

+17 əjdaha

yararsız təhsil sistemi ilə ortalama insanların həyatının məhv olduğu; ən adi tibbi sığortanın belə olmadığı; insan hüquqlarının tanınmadığı, işçilərin qul olduğu; məcburi hərbi xidmətin olduğu; rüşvətxorluğun, diktaturanın, mədəniyyətsizliyin, cahilliyin hökm sürdüyü bir ölkədə yaşamağın dözülməz ağırlığıdır.
ortalamanın üstünə çıxaraq özünü inkişaf etdirməklə, inkişaf etmiş, mədəni bir ölkəyə miqrasiya etmək normal bir həyat əldə etmək üçün yeganə çıxış yoludur.

15 əjdaha! 12.06.2018 21:48, adtapabilmedim

#273551 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 3409

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 3416

adtapabilmedim

son bəyənilənlər:

oxuyucuların bəyəndikləri:

adtapabilmedim

Post Ardıcıllığı

Yazı Saatları

Səviyyə Sistemi

Yazı Statistikası

son bəyənilənlər:

oxuyucuların bəyəndikləri: