dördüncü meymun

489 0 0 0

3. nəsil yazar

Entry: 489

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

ataya demək istənilənlər

+139 əjdaha

anam həmişə bizə qarşı laqeydliyinə görə səndən narazı olub. kiçik boyun, əyri qamətin və həmişə saxladığın nazik bığınla övladları tərəfindən qəhrəman kimi görünən ata obrazından çox uzaqsan. əlini çiynimə qoyaraq, məsləhət verdiyin də olmayıb heç. bilmirəm, ya ata olmağı bacarmadığından, ya da həyatımıza müdaxilə haqqını özündə görmədiyindən... amma nə saçıma qarışmısan, nə dərslərimə, nə siqaretimə. orta məktəbdə də həftədə bir dəfə gündəliyimə "valideynin imzası" bölməsinə qol çəkməklə borcunu yerinə yetirmisən. amma yox, bir dəfə əmim siqaret çəkməyimdən danışanda "xoşluqla sənə deyirəm ki, çəkmə" demişdin. amma ikimiz də bilirik ki, əmimin sözü sənə gətirməyindən qurtulmaqçün eləmişdin bunu.
ardımca polis bölməsinə gəldiyin də olub. çıxanda bir kəlmə də deməmişdin ki, bəs "dövlətlə dövlətlik eləmək olmaz" blaa blaaa blaa... mənə münasibətin də dəyişməmişdi. sanki vecinə deyildi. amma mən bölməyə qaçaraq gəldiyini görmüşdüm pəncərədən. ümumiyyətlə, anamdan da, bütün problemlərimizin günahkarının sən olduğunu düşünən qardaşımdan da mən çox görmüşəm səni. əməliyyatdan çıxıb, narkozdan ayılanda ağladığını da görmüşdüm, ilk qısametrajlı filmimizi çəkərkən, evdəkilərə kadrları göstərəndə kənardan monitora boylandığını da görmüşdüm. siqaretimin bitdiyini görəndə cibindən çıxarıb, qutunun ağzını açaraq masaya qoyub, otaqdan çıxdığın da olub... uşaq kimi. amma qutunun ağzını açmasaydın da mən o siqaretdən götürəcəkdim.
həmişə tənbəl və bacarıqsız hesab eləmişəm səni. amma indi görürəm ki, sənə çox oxşayıram. bilmirəm, bunları bir gün özünə deməyə fürsətim olacaq, ya yox - zatən qocalmısan da, amma əminəm ki, tezliklə sənin kimi valideynlərindən çox uzaqda, onları yada salmayan biri olacam. səni sevib-sevmədiyimə əmin deyiləm. amma xəstə olub, evdən çıxa bilməyəndə, zibil qutusuna baxıb, hansı siqaretdən çəkdiyimi öyrənərək, alıb-gətirdiyinçün çox sağ ol.

111 əjdaha! 04.09.2015 15:47, dördüncü meymun

#180068 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

sözlük yazarlarının həyata dair məsləhətləri

+53 əjdaha

Yaxşılıq və ya güzəşt bir neçə dəfə təkrarlandıqda öhdəliyə çevrilir. Bu həm iş münasibətlərində, həm də şəxsi münasibətlərdə keçərlidir. Əgər qarşındakına bir müddət yaxşılıq və ya güzəşt edib, sonra bunu etməyi dayandırsan, neqativlə üzləşərsən. Qarşı tərəf üçün də səbəbi anlaşılandır. Çünki güzəşt və kömək bir problemdən və ya çətinlikdən qurtarır, təkrarlandıqda komfort yaradır. Kəsildikdə isə yenidən çətin vəziyyətə düşməyin tək səbəbkarı həmin köməyi dayandırmış şəxs olur.
Bu səbəbdən, yaxşılıq edən tərəfsənsə, bunun qarşılığında heç bir gözləntin olmasa belə, əslində neytral tərəfdə olduğunu, bunun uzun müddət davam etməyəcəyini hiss etdirməli və qarşı tərəf komforta keçmədən dayandırmalısan.

45 əjdaha! 01.03.2021 23:54, dördüncü meymun

#321277 şikayət

ata olmaq

+27 əjdaha

Yan-yana yatarkən gözünün önündə qoluna qonan ağcaqanadı, səndən uçub ona qonmasın deyə qovmamaqdır.

24 əjdaha! 06.07.2020 23:18, dördüncü meymun

#299281 şikayət

30 iyul 2016 sözlüyün görüşü

+24 əjdaha

məsləhətxanada çox götürüb-qoyan yazarların təyin etdiyi nəticədir.
məkan: radio cafe
vaxt: 17:30
iştirakçün tələblər: ən az bir tutmuş entry, 3x4 avatar, ən az bir lətifə öyrənmək (şeir də olar), qasimin nikaltısında onunla məzələnmiş olmaq (qasimin iştirakını çox istərdim, heyif ki, deaktiv edib hesabı (baxma: haqqın ən sadiq qulu öldürdü özünü).
özüylə qohum-əqrəba, dost-tanış gətirmək bütün yazarlara, balaşka gətirmək sinəsi tüklü şairə qadağandır.
daşımağa gücü çatan özüylə mafia üçün kart gətirsə əla olar. day onu da mən eləsəm anonimliyim qalmayacaq. heç olmasa bir nəfərin gücü çatsa böyük şeydi. "başqa biri gətirər yəqin" deyə düşünməyin, o bir nəfər siz olun!

başlıq təkliflərçün açılmışdır. solframedə görüşə qədər aktual qalmasına ümid olunur. burada sizin reklamınız ola bilməzdi!

24 əjdaha! 22.07.2016 18:42, dördüncü meymun

#222276 şikayət

#sözaltı şeir

+24 əjdaha

axmaq

binaların arasında ilişib-qalıb küçə.
işıqdan dirək asılıb.
bir dilənçiyə söykəyiblər dirəyi…
yıxılmasın deyə.
yatağı olmadığı üçün yuxuya gedib yatmağa.
bu anda yer kürəsini ona söykəyiblər…
yıxılmasın deyə.
tanısaz yaxşı adamdı əslində,
siz tanımadıqlarınızdan qorxun;
yatmağa yeri olduğu üçün yuxuya gedə bilməyənlər var,
yatmağa yeri ola-ola yuxuya gedənlər var hələ.
işıq dirəyindən asılıb yer kürəsi.
və işıqdan asılıb dirək…
yıxılmasın deyə.
o sönsə dirək də itəcək,
yer də diyirlənəcək.
yerin də yeri o işıq qədərdir.

bu hesabda yoxdur dilənçi.
siyasi oyunlarda,
iqtisadi əlaqələrdə,
axmaqları özünə çəkən hərraclarda,
sonsuz mübadilələrdə uduzmayan təkcə odur.
saatı olmadığı üçün vaxt da itirmir.
binaların arasında ilişib-qalıb küçə…
axmasın deyə.

binalara ulduzlar yapışdırılıb.
hər ulduzda neçə yaşanmışlıq var.
dilənçinin ulduzu başının üstündədir,
dirəyini ona söykəyiblər.
səhər ayağa qalxanda axacaq ulduzu,
axşam başqasını axtaracaq.
tanısaz yaxşı adamdı əslində,
siz tanımadıqlarınızdan qorxun.
bəlkə də ölüm yatağında olan bir nəfərin ulduzu günəşdir…

17 əjdaha! 14.07.2016 12:47, dördüncü meymun

#221362 şikayət

yalnızlıq

+24 əjdaha

bir qaratikan kolundan fərqli olmayan həyat tərzinə gətirib-çıxaran, sosioloq və psixoloqlar barəsində danışanda acı-acı güldürən, haqqında düşünərkən gözlərinin kənarlarının aşağı dartılmağını hiss etdirməklə öz simasını yaradan vəziyyətdir, yaşam tərzidir, zaddır.
qəribə psixoloji vəziyyətləri bərabərində gətirir. yalnız adama hər şey məlumdur. yalnız adam istənilən musiqidən halidir, bədii obrazdan xəbərdardır, art-xaus filmindən agahdır. yalnız adama həyat lakonikdir: "hər şey mənasızdır".
məsələn, evəd oturursan. bir saat sonra yenə oturursan. arada intervalı dəyişirsən - bir dəqiqə sonra yenə oturursan. zatən yalnız adamçün vaxt anlayışı yoxdur ki. gecə 4-də oyanırsan, bir filmə baxırsan, "hə, nə olsun?" deyib, təzədən yatırsan. yox, bu eqonun sınması deyil, eqonun ikrah oyatmasıdır. bölüşəcək kimsə olmadıqdan sonra...
işin qəribəsi, zamanla bölüşəcək kimsə axtarmırsan. nəinki axtarmırsan, o səni tapsa rədd edərsən, hətta.
əlbəttə, arada olur ki, gözlərini qıyıb, başını azca yana əyərək gülən bir qadında həyat, nəfəs duyursan. sənə gülməmişdir, lakin səninçün gülmüşdür, sanki. amma yanına gedib hər şeyi qarışıq şəkildə danışmağa cəhd eləsən dəli hesab edər, yəqin.
bir az da vaxt keçdikdən sonra mövcud olmadığına inanmağa başlayırsan. telefona gələn zəngləri açmırsan. elə bil kiminsə səsini eşitsən səni barmağın boyda dəlikdən çəkib, başqa yerə atacaqlar. özün barədə düşünmürsən. daha elementar şeylərə ilişirsən. məsələn, soyuducunun neçə dəqiqə fasiləylə işləməyini ölçürsən. təkrar-təkrar... təkrar-təkrar... axırda bezirsən və səni bir neçə dəqiqəlik həyata bağlayan bu oyunun bitməsiylə boşluğa düşürsən. qəribədi. daha soyuducunu dinləmədiyinçün kədərlənirsən.
sonra nə olur? yaşayarıq, görərik.

17 əjdaha! 14.09.2015 00:03, dördüncü meymun

#180959 şikayət

#sözaltı şeir

+20 əjdaha

vivaldiyə, "incil" ə və ölmüş xristian dayıma

"matta"-da neçə fəsil var?
arada çaşır adam.
incil ən müqəddəs kitab,
vivaldi məşhur adam.

saxla "yay sonatası" nı,
bu gecədən qoş "payız".
bu il nəsə çox yubanıb,
tüfeyli, sərxoş payız.

heç çatmadı bu il bizə
uca ruhun xaçı da.
dünəndən yarpaq tökübmüş
qonşunun ağacı da.

həvarilər iş görübmü
soyuğa hazır, əmin?
vivaldi, üçüncünü ver,
payız qoydu qədəmin.

bir kişi əl açıb göyə,
əli üfürür payız.
kişi vəhy aldı sanır,
gizlincə gülür payız.

tozlu maqnitafonunun
kişi basır düyməsin,
vivaldi hövlnak oyanır,
icra edir bəstəsin.

uzanır kişi yatağa,
yaxınlaşırıq həmən:
ata, oğul, müqəddəs ruh,
vivaldi, payız və mən.

14 əjdaha! 28.09.2017 02:44, dördüncü meymun

#260388 şikayət

bir qızdan sevgi təklifi almaq

+24 əjdaha

refleks olaraq "yox" deməklə nəticələnən hadisədir. həyatda neçə dəfə bu imkan ələ düşər ki? mütləq rədd cavabı vermək lazımdı. mən "fikirləşərəm" deyib, iki gün sonra rədd etmişdim. həm müsibət zövq alırdım, həm də içimi yeyirdim ki, necə rədd eləmək olar ala? qızların nə bomba avantajı var imiş. mən qız olsam hətta 100-cü təklifi qəbul etmək kimi bir oyun oynayardım özümçün.

24 əjdaha! 04.10.2015 01:25, dördüncü meymun

#182768 şikayət

həyatın nə qədər cındır olduğunun anlaşıldığı anlar

+19 əjdaha

Artıq əvvəlki adam ola bilməyəcəyini başa düşdüyün andır. Məsələn, illər əvvəl baxdığın filmə yenidən baxırsan. Filmdəki obrazda özünü görürsən. Obrazın keçirdiyi hissləri iliklərinə qədər hiss edirsən. ilk dəfə baxanda belə olmamışdı. Onda da bu film çox əla çəkilmişdi, amma indi hər şey çox fərqlidi. O vaxtdan sonra yaşadığın şeylərin bu qədər dərin izlər qoyduğunu, səni bu qədər dəyişdiyini bilmirdin. indi isə filmin sonunda elə ürəyin sıxılır ki.. Bu anda heç nə etmək istəmirsən. Sadəcə beynini söküb çıxarmağa, hər şeyi silməyə həyati ehtiyac hiss edirsən.

Uşaqlıqda qəribə bir narahatlığım var idi. Elə bilirdim ki, hər gecə yatıb səhər oyananda başqa adam oluram. Məsələn, sabah edəcəyim şeyləri düşünəndə sabahkı adam o qədər yad gəlirdi ki mənə. Ən çox da bayramlardan, səyahətlərdən bir gün əvvəl gecə yatmağa hazırlaşanda sabahkı adam mən olmayacam deyə sıxılırdım. Özümə möhkəmcə tapşırırdım ki, səhər oyanan kimi bu anda olduğum adamı xatırlamalıyam. Çox vaxt da unudurdum.

Onu deyirəm e... Keçən gün illər öncə baxdığım bir filmə təkrar baxdım. ilk dəfə baxan adamla aramda tonlarla yük, təəssürat, travma, yalanlar, ikiüzlülüklər, dost xəyanəti, hər cür əclaflıq var idi.

Elə yeni il ərəfəsi ikən deyim, adamların hər il sonu keçən ildən dərs çıxarması barədə fərəhlə yazılar yazması nə acıdır. Dərs çıxarmaq necə ağır ifadədir. Kaş ki, bu qədər dərs olmazdı.
Yenə həyatdayıq, yenə bacarırıq, yenə düzəlirik, sağalırıq. Ya da sağalmırıq.. Ölürük, başqası olaraq qayıdırıq.

14 əjdaha! 01.01.2023 23:43, dördüncü meymun

#364944 şikayət

sözaltı sözlük

+18 əjdaha

Uzun müddət sonra dünən girəndə beş il əvvələ səyahət etmişəm kimi hiss etdirən sözlük. Köhnələr qayıdıb, yeni babat yazarlar ortaya çıxıb, qəşəng dinamika var. Özünü lap qeyri-neft sektoru hiss eləyib.
Mənim getməyimi gözləyirdiz?
(baxma: hamıvız arvadsuz)
(baxma: qaraqan qayıtdı)

13 əjdaha! 05.07.2020 23:51, dördüncü meymun

#299210 şikayət

taleh bağırzadə

+16 əjdaha

Yaxın günlərdə aclıq aksiyası ilə gündəmə gəlmiş, şəninə irandan bəyanatlar aldığımız, siyasiliyi legitim olmayan siyasi lider.
Əvvəla onu deyim ki, həbsini dəstəklədiyim yeganə "siyasi fəaliyyətlə" məşğul olan adamdır.
Siyasi sözünü iki dəfə istehzaya salmağımın səbəbi odur ki, islamın heç bir siyasi əsası, motivləri, partiyaçılığı, idarəetməsi ola bilməz. 1400 il əvvəl ola bilərdi, amma daha yox. Çünki əsl islam bu olmayacaq. Bu olacaq şəriət dövləti. Və iran kimi onu da dünya müsalmanlarına neqativ örnək kimi göstərəndə, "əsl islam bu deyil" deyəcəklər. Çünki, quranda yazmır ki, kiber məsələlərlə bağlı qanunları, cəzaları konstutisuya necə tənzimləməlidir. Yaxud, kosmos haqqında, su sərhədləri haqqında və ya bazar iqtisadiyyatı haqqında quranda heç bir beynəlxalq tənzimləmə yoxdur.

Adamın həbsini dəstəkləməyimə gəlincə, bunun səbəbi bu yaxınlarda gördüyüm bir yuxudur. Ciddi deyirəm. Yuxuda gördüm ki, hara getsəm qara çadralı qadınlar, qaşqabaqlı, saqqallı kişilər görürəm. Necə ürəyim sıxıldı. Ölkəni nə günə qoydular dedim yuxuda.
indi deyə bilərsiz ki, islam dövlətində azadlıqlar qoruna bilər. Ola bilər. Bu cür vəd verilə və praktikada həyata keçirilə bilər. Gəl ki, o praktika özü dar çərçivəli olar. Məsələn, təsəvvür edin ki, veganlar siyasiləşir və dövlət qurur. Deyirlər ki, biz ət yemək azadlığınıza tolerantıq. Amma həyətyanı sahədə əti yeyilə biləcək bütün heyvanların saxlanması qadağandır. Ov etmək də qadağandır.
Əslində, elə bu nümunədən baxsaq siyasi islam və siyasi veqanlıq yaxın məntiqlər ola bilər. Çünki, hər ikisi fərdidir, şəxsidir, hətta müəyyən qədər intimdir. Ümumiyyətlə kiməsə tanrınla aranda olan münasibəti izah eləmək, ona sevgilinlə yataqda nələr etdiyini danışmaqla eyni dərəcədə ayıb bir şeydi.
Digər tərəfdən, əgər ideoloji olaraq baxsaq, veqanlıq kimi islamçılığın da partiyaçılıq əsası yoxdur. Çünki toplum üçün pozitiv fəlsəfəsi yoxdur. Məsələn, sən kommunist partiyası qursan, pozitiv fəlsəfəsi gün kimi aydın olar - bərabər işləyəcəyik, bölüşüb bərabər yaşayacağıq. Amma islamda insanlara deyə bilməzsən ki, hamımız mömin olacağıq və hamımız cənnətə gedəcəyik.
Lap bunu qəbul eləsək belə, partiyaçılığa gedilsə belə, taleh bağırzadənin heç bir siyasi istiqaməti də yoxdur axı. Deyir ki, bizim bayraq bir dəfə qalxıbsa, qoşulmaq istəyən onun arxasınca gəlsin. Bəs platforma? Bəs kampaniya? Cənnət vədi ilə kampaniya yarada bilməzsən axı. Deyə bilərsiz ki, azərbaycanda demokratiya var ki, partiyaçılıq da olsun? Düz deyərsiz. Mənə qalsa azərbaycanda heç demokratiya olmamalıdır da. Çünki azərbaycan xalqı müdrikdir. Bu coğrafiyanı da, ölkəsinin iqtisadi, siyasi vəziyyətini də, ən əsası özünün hansı qərar gücündə olduğunu da yaxşı bilir. Ona görə də, bütün qərarları həvalə edib bir nəfərə.
Yaxşı, deyək ki, demokratiya da oldu, partiyaçılıq da. Azərbaycan xalqı çadraya girməyə razıdırmı sizcə? Böyük əksəriyyət deyil. Bəs burda islamın addımı nədir? Daha böyük cənnət? Daha seksi hurilər? Əlbəttə yox. Basqı, qısnama, məcburiyyət. Bu səbəbdən, ölkədəki şəriət dövləti istəyənlər hüquqa əsaslanıb təşkilatlanmırlar. Onlara görə azərbaycan çoxdan pozulub. Onlara görə küçədəki adamlar yolunu azıb. Çünki bunu onlara quran deyir. Və adamların konstitusiyası qurandır. Əllərində olsa qamçılayaraq, kəsib doğrayaraq məcbur edərlər islama. Çünki öz hüquqlarında əsasları var buna.
Yekun olaraq, yuxarıda bir dənə dəstək entrysi də gördüm. Əzizlərim, əgər həqiqətən tale bağırzadəyə beynəlxalq insan haqları əsasında davranılması və hökm çıxarılmasını istəyirsizsə, dediklərimi bir də düşünün və soxub içinizə oturun.

10 əjdaha! 06.07.2022 09:13, dördüncü meymun

#353495 şikayət

sözlüyün türk düşmənləri və dindarlardan təmizlənməsi

+16 əjdaha

dindarın sözlükdə nə işi var ki? onsuz da hamısı quranda yazılıb da
(bax: quranda hər şeyin yazılmış olması)

16 əjdaha! 28.08.2015 14:49, dördüncü meymun

#179324 şikayət

avtobusda yanı boş olan qadının yanında oturmamaq

+15 əjdaha

əsasən qarşı tərəfin neqativ reaksiya göstərməsi ehtimalından qaçınmaq üçündür. buna da ciddi əsas var. (baxma: avtobusda yanındakı boş yerə keçməyə imkan verməyən qadın)
bu prototip çox qorxuncdur və güclü psixologiyaya sahibdir. yanında ayaqüstə qalanları elə görməzdən gəlir, yanındakı boş yeri elə önəmsiz qılır ki, o yerin mövcudluğuna şübhə edirsən.

15 əjdaha! 27.06.2016 17:57, dördüncü meymun

#219376 şikayət

cəhənnəmə böyük ümid

+17 əjdaha

cəhənnəmə böyük ümid və çılpaq gözəllik
və ya "əzabın ecazkar cəlbediciliyi!"
və ya "gözəlliyin dözülməz yüngüllüyü!"
və ya... hər nə isə. ya paytaxtın qeyri-standart templi yaşayışına, ya da gəncə üçün heç darıxmadığıma görə neçə müddətdir uzaq qaldığımı bilmədiyim şəhərimizə gələndə bu yazının motivləri yerləşdi ağlıma.
şəhərdə yeni ticarət mərkəzi tikilmişdi. indi də yolun digər - şah abbas məscidinin yerləşdiyi tərəfindən yeraltı keçid salınırdı bu ticarət mərkəzinə. doğulduğum şəhərə axırıncı dəfə nə vaxt gəldiyimi xatırlamıram. yəqin ki, bundan sonra da uzun müddət gəlməyəcəkdim... amma bu quruculuğu görəndə, uşaqlıda həmişə bu yolu keçməkdə çətinlik çəkməyim yadıma düşdü. şəhərdə qalacaq olsaydım belə, heç vaxt bu keçiddən istifadə edib, tezliklə brend geyim markalarının mağazalarının, bahalı kafelərin dolduracağı ticarət mərkəzinə getməyəcəkdim. nə mən, nə də bu soyuq havada, palçığın içində işləyən fəhlələr... onları bu gözəl strukturla ovundurmaq olmazdı!
gözəllik öz təkamülü, deformasiyası ilə "boyumuzu ötsə" də, getdikcə daha böyük strukturlarda əks olunub, ona çatımlılığı uzaq qılsa da, o makiyaj məmulatları, o böyük əzələlər, o bahalı maşınlar, bahalı geyimlər, həmişə bir sinif daha yuxarıda olanlarçün ucuz və yüngüldür. bu, bir az cənnətin yeddi qatı məsələsini xatırladır. gözəllik o qədər yüngül və məhduddur ki, cənnət heç vaxt təsəvvürümüzdə yaşıl çəmənliklər, meşələr, hündür şəlalələr, dadlı meyvələr, gözəl hurilərdən artığı ola bilmir. yer kürəsi, dərkimizin mümkün qıldığı bütün cismani gözəllikləri özündə ehtiva edir. onların da az qala mütləq əksəriyyətini, yəqin ki, bu ticarət mərkəzinin sahibi əldə edir. bəs bu fəhlələr?! əgər bir gözəlliyə yalnız bir və ya bir neçə nəfər sahib ola bilirsə, bəs qalanları?! bax cəhənnəm bizə burda lazımdır. buna görə cəhənnəmə olan ümid cənnətdən daha böyükdür.
" what dreams may come" filmində cənnət və cəhənnəm, arzuların və xəyalların cövlan elədiyi mücərrəd fəza kimi göstərilir. rəssam qadının vəfat etmiş əri, onun rəsm əsərindəki yerə düşür. yəni, nəyi düşünürsənsə, hiss edirsənsə ordasan. moralist tərəfdən bu film, mövzusunun ən yaxşılarındandır. amma həmişə ən ağır, ən bədbin filmlər ən uğurluları olur. nəinki filmlər, hətta bütöv incəsənət əsasən bu motivlərdə təşəkkül tapır.
cəhənnəmə olan ümidi insan üçün əzabı ecazkarlaşdırır. əzabı duymaq, onun nəfəsini hiss etmək, hər dəfə varlığına əmin olmaq bizə yaşamaq stimulu verir. daha bir nəfər əclafın öldüyünü görmək, daha bir əlçatmaz gözəlliyin destrukturaya uğramasını izləmək ədalətsizliklərin vurduğu yaralarımızı dindirir. gözəlliyə olan nifrətimiz, bizə küçədə rastlaşdığımız şikəst adamdan daha sağlam əclaflar olmağımızla rahatlıq gətirir. hər hansı - bu, "itiraf" və ya "masumiyet" ola bilər - zeki demirkubuz filmindəki insan əzabı o filmləri bizə sevdirir. bu cür, hətta daha ağır filmlərin çəkilməsini istəyirik. amma heç birimiz o obrazlardan biri olmağı arzulamarıq. sadəcə cəhənnəmin hərarətini bu dünyada hiss etmək istəyirik.
bu fikirlərdən məni ayıldan, arxamdakı şah abbas məscidindən yüksələn azan səsi oldu. və sanki, bu səs, gözlərim önündə cismi bərqərarlıq qazanaraq, küləklə birlikdə fəhlələrin arasında dolanıb, bu köhnə məscidin qarşısında ucaldıldıqca ona meydan oxuyan ticarət mərkəzinin boş mərtəbələrinə doldu. təsəvvürümün ən dəli halıyla bu ticarət mərkəzində plastik qablarda cənnət meyvələrini masalarına aparan insanları, bilgi ağacına erotik pozalarda söykənən huriləri düşündüm.
mövzu o qədər şaxəli, paradoksal və həm müzakirəyə açıq, həm də müzakirə edilməyəcək qədər şəxsidir ki, gözəlliyin istismarının ən bariz nümunəsi kimi məsələnin seksual tərəfi barədə nəticələr çıxara biləcəyimiz istismar filmləri barədə məlumat vermək qərarına gəldim.

istismar kinosu: porno, mondo, roughies, nudies
kinoyla əlaqəm haqda ən dəqiq, arxayın deyə biləcəyim təqdimat – kinoman olaraq, yazını yazdıqca hər məsələyə dair bir filmi misal göstərməkdən özümü güclə saxlasam da, nəhayət ki, bir yolunu tapıb, daxilimdəki kino sevgisinə azadlıq verirəm.
kinoya çılpaqlıq propaqanda kimi daxil olsa da, nudistlər tərəfindən əsas motivə çevrilməyə başladı. “nudies”, videoçəkim məhsulu kimi kinodan ayrı şəkildə, fərqli tələbli auditoriya seçdi. “nudies” senzuranı elə bir şəkildə aşdı ki, filmlərə yerləşmə üsulu dillərdən keçərək, getdikcə hardan gəldiyi unudularaq, az qala hamımızın ağlına yerləşdi. hazır olun, beyninizdə işıqlar yanıbmış kimi hiss edəcəksiz. bunu xüsusən kişilər bilər; uşaqlıqda yarasa qanını eynəyə yaxanda insanları çılpaq görəcəyinizə inandığınızı xatırlayırsınızmı? bəlkə də, aranızda bunu etmiş olanlar da var. bax bu, əslində uşaqlıqda sizdən böyük olan uşaqların uydurduğu hekayə deyil. elə “nudies”in hekayəsidir. filmdə kimsə eynəyi boyayır, gözünə taxır və filmin bir parçası imiş kimi erotizm başlayır.
“nudies” qərb ölkələrinin şimal istiqamətindən yayılarkən, yaponiyada təkcə cinsəlliyə senzura qoyulan, mövzuca tərbiyələndirici olub, mahiyyətcə erotk tələbatı ödəyən əsl istismar filmləri – “roughies” yarandı. italyanlar məsələyə daha ciddi yanaşdılar. və sənədli film növü kimi “mondo” erotik çəkimləri yayıldı.
və nəhayət, 1970-lərdə avropa ölkələrinə müasir porno yayıldı. bu, həm də kinonun istismarı idi. amerikada porno filmlərin “sənət filmi” adıyla bazara çıxması səbəbiylə, amerikanlar əksərən, hələ də, sənət filmini porno hesab edirlər.
istismar kinosu təkcə erotizmdən ibarət deyil, əlbəttə. sadəcə mövzumuzla əlaqəli qismi qeyd etməyə çalışdım. istismar kinosu ilə bağlı daha geniş yazı yazaram, yəqin ki.
cəhənnəmdən pornoya qədər gəlmişkən, yazını büküb, əvvəli ilə sonunu əlaqələndirim. məncə, istismar filmlərinin iki əsrdir kino sosiologiyası ilə paralel irəliləməsinin səbəbi, içimizdəki sado-mazoxist toxumlardır. ələxsus da porno produksiyalarının sosial və sənət filmlərindən daha vecsiz, arxayın olmasının altında bu səbəb yatır. əlbəttə, hər kəs kinoman olmalı deyil – bu anormal olardı. amma gözəlliyin, seksin istismarda bu qədər əzilməsini belə çox izləmək də böhranımızın xəbərçisidir.

11 əjdaha! 21.03.2017 01:55, dördüncü meymun

#249176 şikayət

#sözaltı şeir

+17 əjdaha

görüş

üst-başım səliqəliydi,
dayanmışdım yayın düz ortasında –
iyulun sonlarıydı.
daxili orqanlarımı boşaltmışdılar elə bil;
həyəcanlıydım,
əllərimə baxırdım tez-tez,
gah cibimə qoyurdum,
gah da yanımda yellənmələrinə əsəbiləşirdim.
cümlələr hazırlayırdım...
amma bilmrdim ki, qara gözlərinə baxaraq deyəcəm,
yoxsa ki, yerə.
saçlarım da düz idi o gün –
bir tel belə burulmamışdı...
sənin xoşuna gəlsin deyə.
gəlmədin.

16 əjdaha! 04.09.2015 18:20, dördüncü meymun

#180087 şikayət

gəncə dövlət dram teatrı

+14 əjdaha

eşşək meyillilərinin incəsənət adamı olduğu yerdir.
başlıq üçün log yoldaşa təşəkkür edirəm, əvvəla. çox ürəyimcə oldu.
gəncə dövlət dram teatrında bir müddət ştatsız ssenarist kimi fəaliyyətdə olmuşam. bu müddət ərzində qoca rejissorlardan elə münasibət görmüşəm ki, elə bil bunların taxtını yıxıb, yerində kaktus əkməyə gəlmişəm teatra. bir dəfə atv-də bir verilişə çağırmışdılar teatrın yaradıcı heyyətini. adamlar oturub incəsənətdən elə şövqlə danışdılar ki, elə bil bütün gün teatrın qadın qapıçısı ilə yanıq, iyrənc zarafatlar, hərəkətlər edən bunlar deyillər.
bundan başqa, əgər teatrda nəsə səhnələşdirmək istəsəz, müdriyyəti 200 manata qədər "görməlisiz". tanışlıqla 100 də olar. amma ondan da əvvəl icra hakimiyyətinin icazəsi olmalıdı.
sifarişi verən: log

11 əjdaha! 01.08.2016 10:27, dördüncü meymun

#223403 şikayət

lavaş dönərin çörək dönərdən baha olması

+16 əjdaha

zatən daha az satılması səbəbiylə ola bilər. lavaş dönər yeyən kontingent heç vaxt çörəkdə yemir. bir də dönərsevərlər, fastfoodçular da öz aralarında elitarlar və qara dönərçilərə bölünür. qaralar çörəkdə, ağlar lavaşda yeyir. çörəkdə yeyən adam çox acdı, çox yemək istəyir. deməli bir müddətdi acdı və bir müddət də yeməyəcək. deməli pulu da azdı. lavaşçılar da varlı-zad deyillər. sadəcə qlamurluq həvəslərini dönərin başına fırlayırlar. 40 qəpik artıqlıqdan dolayı o qiymət fərqinin mənasızlığını görməzdən gəlirlər.

16 əjdaha! 16.10.2016 16:46, dördüncü meymun

#234492 şikayət

kino sosiologiyası

+13 əjdaha

hörümçək adama rəğbətimiz böyük idi. o, tanıdığımız ən yaxşı oğlan idi. atamızdan daha güclüydü, böyük qardaşımızdan daha böyük idi. onun kimi ola bilməkçün biləyimizə hörümçək qoyub dişləməsini, mutasiyamızı gözləyirdik. əvvəl adi oğlan idi, sonra bütün dünyanın diqqət mərkəzi oldu. bizdə inam yaradırdı ki, bizim də belə bir şansımız var.
bizim balaca ölkəmizə bir az gec gəlib-çatdı hörümçək adamın oyuncaqları. amma onu – hörümçək adamı əldə etmək, ona daha yaxın olmaq möhtəşəm bir şey idi. artıq yeni ildə yolkanın altında şaxta baba ilə yanaşı hörümçək adam da olurdu. ora-bura tor atıb, uçmurdu, amma bizi qucağına alıb, şəkil çəkdirirdi. həmin ərəfədə maskaları da satışa çıxmışdı artıq. sonra da paltarları doldu bazarlara, vitrinlərə.
artıq hamımız hörümçək adam ola bilirdik. bəzilərimiz bahalı, orijinala daha yaxın paltarlarla, bəzilərimiz də nəfəsimizi kəsən maskalarla. amma heç birimiz uça bilmədik. bu məsələdə ən çox qazanan “hörümçək adam” oldu. bizə yaxşılıq etməkdən çox hərisliyi, rəqabəti, eqoistliyi, şöhrətpərəstliyi öyrətdi.
incəsənət hər sahəsi ilə yaxşı kommersiya vasitəsidir. çox pis başlanğıc oldu, amma kino sosiologiyası marketinqçün əlverişli müstəzadır.
əslində, bu yazını "kino sosiologiyası və sosioloji kino" olaraq yazmaq istəyirəm. amma ikisini bir başlıqda verə bilmədim ki, qaydalardan kənara çıxmasın.
tanım: kino sosiologiyası - sırf hədəf auditoriyasının yaşamına, həyatına dair məsələləri özündə ehtiva edən anlayışdır. yaxşılıq, pislik, qəhrəmanlıq, vicdan və bu qəbildən digərlərini özündə ehtiva edir. amma nümunə olmaq, yaxşılığı aşılamaq kimi öhdəliyi yoxdur. kino sosiologiyası, adı çəkilənləri göstərməklə kifayətlənə bilər. tarixi filmlər, müəyyən elm sahəsinə aid filmlər kino sosiologiyasına daxil deyil.
əgər siz kino sosiologiyasına yaxşılıq prinsipləriylə müraciət etsəz, onda sosioloji kino çəkmiş olarsız. sosioloji kino modernizmin incəsənətdən tələbi ilə geniş şəkildə meydana gəlmişdir. aşılamaq, aşılamaq, aşılamaq...
sənət filmi kino sosiologiyasına daxildir, amma sosioloji kino deyil.
kommersiya filmləri də sosioloji kino sayıla bilməz. çünki, məqsədi sosial bərabərlik, sosial rifah, sosial tolerantlıq və s. deyildir. bunlar sadəcə kommersiya üçün vasitədir.

9 əjdaha! 20.10.2016 13:54, dördüncü meymun

#234805 şikayət

riff

+16 əjdaha

bu barədə musiqi təhsili olanlar daha aydın məlumat verə bilərlər, amma indi ki, sözlükdə bu barədə yazılmayıb, tez-tez qarşımıza çıxan "riff nədi, qaqa?" sualına cavab verməyə çalışacam.
riff - musiqidə solonun akkordunu təyin edən və taktlar boyunca təkrarlanan melodiyadır. məsələn:

(youtube:

)

- bu videoda jamal alinin özünün akustik gitarada çaldığı riffdir. ki, mahnının sonuna qədər notları müvafiq şəkildə dəyişərək eyni kombinasiyada gedir.
bir mahnıda birdən artıq riff də ola bilər. ki, bu rock, pop, funk musiqi tərzlərində nadir görülməkdə olub, əsasən klassik, blues kimi janrlarda reallaşmaqdadır. məsələn:

(youtube:

)

bu kombinasiyada gördüyünüz göy rənglə bildirilən hissə musiqinin riffləridir.

zəruri, elementar, amma əksəriyyətin bilmədiyi qeyd: jazz janrı musiqinin dağınıq olmasının səbəbi taktın olmamasında deyil, jazz-da takt mövcuddur, sadəcə standart riff mövcud deyildir. ki, bu da müəyyən uyğunluqları olan şəkildədir. yəni, hər ağlına gələni ifa eləməklə jazz olmur.

edit: bu bəstədə riff-ləri daha aydın seçə bilərsiz:

(youtube:

)

haşiyə: bu yann tiersen bir harika doostom

editə daha da aydınladıcı əlavə:
burda çox məşhur, hard rock tərzində əksər mahnılarda rast gələ biləcəyiniz riff-lər var:

(youtube:

)

(baxma: mən day bundan artıq nə deyim)

15 əjdaha! 13.09.2015 18:42, dördüncü meymun

#180937 şikayət

fövqəl insan

+12 əjdaha

sözlüyə ən ciddi töhfə verən yazarlardan biri. entrilərinin çoxu kiçik kəsimə xitab etsə də, həmin kəsim üçün əvəzolunmazdır. məlumat paylaşılmasında səxavətindən ibrət götürməli olduğum yazardır. eşq olsun!

11 əjdaha! 19.07.2017 22:41, dördüncü meymun

#257363 şikayət

güldürən dialoqlar

+15 əjdaha

- bax, mama, bu qəpiyi masaya qoyuram. hansı tərəfinin üstdə olduğuna bax əvvəlcə. indi bu papağı qəpiyin üstünə qoyuram. indi iddia edirəm ki, papağa toxunmadan altındakı qəpiyi çevirə bilərəm.
- hə, çevir.
- mərcləşək də.
- niyə ki? çevir.
- necə niyə? səncə çevirə bilərəm? mümkün deyil axı.
- məncə çevirə bilərsən.
- elə? hə, heç nə, mama.

15 əjdaha! 17.10.2015 22:20, dördüncü meymun

#184044 şikayət

söz6 yazarlarının ev heyvanlarının adları

+12 əjdaha

adını "bubble" qoymuşdum. adını çox sevməliydi, yəqin. çevrədə heç bir itdə bu ad yox idi axı, toplanların, rekslərin arasında cool olmalıydı. qardaşım işlədiyi zavoddan onu gətirəndə hələ süddən yeni ayrılmışdı. ilk 3 gün gecələri zingildədi və qorxmasın deyə yanından ayrılmamalı oldum. amma sonra başını yelləyə-yelləyə qaçmağa başladı. ən sevdiyi yemək də mərciydi. böyüyüyb kenquru olacaqdı, söz vermişdi mənə.
bizə gəlməyindən bir həftə sonra sahibsiz itlərin güllələnməyi vaxtı zavodda anasını digər balaları ilə birgə güllələmişdilər. bizim piç şanslı çıxmışdı, yəni.
çox sürətlə böyüyürdü və qarışıq cins itlərdə görünməyən müstəsna bədən ölçülərinə qədər davam elədi bu böyümə. bir də, yalnız müəyyən cins itlərdə görünən bir xüsusi dominantlığı var idi. kefi istəyəndə saymırdı bizi.
bir yaşında xəstələndi. evə iki baytar gətirdik. birinci dedi ki, burnuna dağ basın. qovdum evdən beyinsizi. ikinci də iynə-dərman yazdı. amma işə yaramadı. bir yaşındaykən həyətdə qoca itlər kimi dolaşan bubble bir gün oyanmadı.

12 əjdaha! 07.11.2015 13:14, dördüncü meymun

#186266 şikayət

sözaltı sözlük

+12 əjdaha

iki gündür özünü ans kimi aparan sözlükdür.
hər şey bir tərəfə, çok özledim lan sizleri

12 əjdaha! 04.08.2016 14:01, dördüncü meymun

#223645 şikayət

tükəzban qızların evləniləsi qız olması

+15 əjdaha

mövcudluğunu hələ uzun müddət davam etdirəcək zad.
bu məsələylə bağlı maraqlı bir tendensiya şahidi olmuşam. adətən rusiyaya qazanc dalıyca gedən kişilər evlilik məqamında gəlib azərbaycandan qız axtarırlar. səbəbi anlamaq çətin deyil. çünki azərbaycanlı qızın haqqını tapdamaq çox asandır. azərbaycanlı qız nəsilartırma maşınıdır. kişilərin ağıllı qadınlardan qorxmasına dair fikir də bundan yaranıb. tükəzbanın tək xəyalı bir novruzəli tapıb, ərə getməkdir. başqa bir istəyi yoxdur həyatda. ona görə də novruzəli üçün evlənməyə ən münbit şərait tükəzbandadır.

15 əjdaha! 27.09.2015 23:04, dördüncü meymun

#182259 şikayət

gələcək təxminləri

+12 əjdaha

təsəvvür edin; kompüterin qarşısında oturub, mərci şorbası qaşıqlayaraq film izləyirsiz və dadadadaaammmm! bir nəfərin üçölçülü elektron şəkli qarşınızda peyda olur və deyir ki, qolunuza yerləşdirilmiş düyməyə basaraq qidalanmanızı təmin edə bilərsiz. filmlər isə çoxdan arxivə basdırılıb.

the artist filmində belə bir şey var: səssiz film ulduzu olan adamın kariyerası səsli filmlərin yaranması ilə çöküşə uğrayır. film boyu hər şey səssiz ikən səsli filmlərin yarandığı nöqtədə adamın toxunduğu hər şeydən səs çıxır, insanların güldüklərini eşidir, hər tərəfdən səslər gəlir. bircə öz səsi çıxmır.
bu filmə buna görə aşiqəm.
həyatınızı bütün ciddiyyətilə həsr etdiyiniz şeylər gündəmdən çıxdıqda nə hiss edərsiz? yaxud, zövq aldığınız şeylər köhnəfikirlilik kimi qəbul olunsa, həyatınızı boş yaşadığınız fikri sizi dəli etməzmi? hazırda biz gənclərin də yaşlı nəsildə yaratdığımız təəssurat bu deyilmi?

bir dövrə modernizm adı qoymaq sanki sonuncuymuş kimi dəyərləndirmək idi. amma insanlar son atımlıq bomba olaraq postmodernizmi ortaya atdılar. "postpostmodernizm" və daha çox "post"lar ağ eləmək olar.

insanlığı nə gözləyir? zamanla hər kəs faniliyini qəbul edə bilərmi? bütün fikirlərin sonu nihilizm gətirirsə, sondan sonra nə olacaq? insan psixologiasının rasionalistləşdiyi göz önündədir - bizdən əvvəlki nəslin emosianal və pafoslu fikirləri bizdə ikrah oyadır. yeni müxalifət köhnəyə gülür, yeni aktyorlar əvvəlkilərə qəribə baxır, alternativ musiqi janrları qəlibləşdirilmiş ton keçidlərini rədd edir... bəs ən sonda olacaq olan nədir? məsələn, incəsənət mənasız hesab olunanda (artıq başlayıb), seksual həzz minimum həddinə çatanda insanlar nəyin uğrunda yaşayacaqlar? hər şey nisbidir, amma nisbətənin nisbətinə nisbətdə ən minimumlar təzədən yüksək göstəricilərə qayıda bilərmi? heç inanmıram.

11 əjdaha! 30.10.2015 22:08, dördüncü meymun

#185400 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

dördüncü meymun

son bəyənilənlər:

oxuyucuların bəyəndikləri: