la soledad se adueña de toda emoción

320 0 0 0

6. nəsil yazar

Entry: 320

blok başlıqlarını gizlət
bütün zamanlarda yazdığı ən əjdaha entrylər:

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

xarici qızlar vs azərbaycanlı qızlar

+69 əjdaha

içimdən "salam yanıqlar və şəhərimizin qonaqları" deyə bir giriş etmək istəyi doğuran göyçək sözaltı başlığıdır. Əvvəlcə onu deyək ki, insanların tükləri var, kişilərin pox götürsün varıdır, qadınların isə ondan daha az, xarici olanların da Azərbaycanlı olanların da varıdır, tüklər var, tük deyə adlandırılan kiçik qıllar mövcuddur və istəyən qadın alar, istəməyən də almaz çünki hədsiz ağrılı, yaralayıcı alma üsulları var, epilyasiya isə odu bahasınadır, üstəgəl sonrasında xərçəng müalicəsinə bədənin cavab verməmə təhlükəsi var. Axır əvvəl o tükləri görəcəksiniz, çünki özünün öz tüklərini görməkdən iyrəndiyi bir qadının belə həyatının nə qədər vaxtını tüklərini almağa xərclədiyini fikirləşəndə dəhşətə gəlib, "məndən bu qədər" deyə biləcəyi bir prosesdir tük almaq. Könlünüz anna nataşa çəkəndə və onlar sizi kübarca geri çevirəndə yenə Azərbaycanlı qızlara yönəlmək məcburiyyətində qalanda onlar da sizi kobudca geri çevirəndə (çünki Azərbaycanlı qızı qınayacağınız ən son şey belə olmamalıdır bu. Azərbaycanlı qız sizin kimi hələ tanımadığı birinə hə cavabı versə ağzını bir düzünə, bir tərsinə cıracaq anası, qardaşları, atası, adını bir nəsil uzunu çıxaracaq qohumları, ətrafında da çıxaracaq pıçıldama vəziyyətində hazır duran rəfiqələri var) kiçik penislərinizi yad gözlərdən qoruyan dəyərli tumanlarınızı başınıza çəkməyin. (Məqsədli və eyni dərəcədə qəddar bir insultdur bu) Sizi tükəzbanlıq etmədən geri çevirə bilməsi üçün müəyyən bir intellektə sahib olmalıdır o qızcığaz. Hansı ki, çoxluq gənclərimizin başda təklif edən oğlanlar olmaqla sonrasında da şüvənlə namusuna sataşılmış kimi acınası bir reaksiya verən qızlarda o y o x d u r. Təhsil səviyyəmiz və ümumiyyətlə səviyyəmiz məlumdur, bir neçə Azərbaycanca Facebook postunun ya da YouTube videosunun rəylərinə baxmaq belə bəs edir. Xaricdəki azadlıq içərisində böyümüş komplekssiz bir rus ya da avropalı qız ilə bizim yazıq, fağır, komplekslərinin əlindən tərs təpib özünü gözəllik kraliçası kimi aparan azərbaycan qızını hansı ədalət, vicdan ilə müqayisə edərsiniz. Bədəninin tükləri bir yana qalsın, bu insanların qaşlarını almağına belə təzə-təzə icazə verildiyini, bəzilərinə isə hələ də icazə verilmədiyini niyə unudursunuz axı. insafdandır bu? Entry-lərinizdəki Azərbaycanlı qız kriteriyalarına uyan bir qız bunları oxusa necə qəlbinin qırıla biləcəyini fikirləşmək istəmirəm. Coğrafiya qəzabu-qədərdir. Azərbaycanlı qızlar isə qurban olduqları qədər də günahsızdırlar. Məncə böyüdükləri şərtləri nəzərə alanda davranışları haqqındakı haqlı şikayətlərinizi dilə gətirməyiniz belə qəddarlıq sayılar.
Edit: hələ yuxarıda azərbaycanlı qızlar yataqda pis performans göstərdiyi üçün qınanılıb. Ala? Bakirəlik? Azərbaycan reallığı? Mentalitet? Üzr istəyirəm?

55 əjdaha! 06.08.2019 11:27, la soledad se adueña de toda emoción

#289153 şikayət

Notice: Undefined variable: userQuery in /var/www/soz6/sonhefte.php on line 84

Notice: Trying to access array offset on value of type null in /var/www/soz6/sonhefte.php on line 84

Notice: Undefined variable: anonim in /var/www/soz6/sonhefte.php on line 85

Notice: Undefined variable: idvv in /var/www/soz6/sonhefte.php on line 92

Notice: Undefined variable: idvv in /var/www/soz6/sonhefte.php on line 101

Notice: Trying to access array offset on value of type null in /var/www/soz6/sonhefte.php on line 102

insanı sevindirən şeylər

+30 əjdaha

Elə də bir şey deyil belə baxanda, amma adam yadırğanmamağa həqiqətən sevinir. Mən dünyadakı ən dəxlisiz adamlardanam, söhbətlərə qoşulanda mütləq nəyisə ya eşitmirəm ya anlamıram ya da söhbəti tutmuram. Olmur da, olmur, mütləq bir sual verməli oluram, çünki anlamıram. "Nəyi aparmaq?" , "Hansı qız?" , "Sıranı nə eləmək?" , "Hara qoyum dedin?". Konkret qulağı ağır eşidən ya da gec çatan adam tipləməsiyəm, boranını qoyub qabağınıza söhbət eləsəniz, daha çox zövq alarsınız. Ən böyük qorxum da ünsiyyətdə olduğum və ondan nəsə soruşmaq cəsarətini mənə verməyən adamla danışanda nəyisə anlamamaqdır. ipin ucunu itirdimsə, işlər ümumiyyətlə zibilə dönür. Amma bu gün çox sevimli bir şey oldu. Mən yenə nəyisə başa düşmədim. Yanımızdakı oğlan "Ala bu həmişə niyə belədir?" dedi. Qız da "Mən artıq öyrəşmişəm ona bir şeyləri izah eləməyə." kimi nəsə dedi. Amma əlbəttə təsadüfdən mən temanı yenə tutmadım və dedim ki, nəyi izah etməyə? Onda bir uğunuşma düşdü. "Sənə izah etməyə deyirəm, adam öyrəşir." cavabını allahdan "mənə nəyi izah etməyə?" deyə bir sual zad daha verib beyinini sikmədən anladım. Ancaq hədsiz utandım yenə fikrimin ayrı yerə gedib məni qanmaz vəziyyətinə salmağına. Dedi "Həqqi o niyə elə olur ki? Fikrin hardadır?". Dedim "Əslində hələ fikrimin tamamilə sizdə olduğu halı budur, deyəsən. Yəqin zəka geriliyim var.". Bilirəm, qız elə-beləsinə demişdi onu, ancaq həqiqətən, həmişə suallarımı cavablayır və sadəcə bir dəfə o ağlayanda vəziyyəti aydınlaşdırmaq üçün suallar verməyimə gic olub əliylə "sus." işarəsi eləmişdi. Buna fikir verəndə qəlbim əridi, çünki həqiqətən məni cavablamağa öyrəşib. Hədsiz şirindir bu, insanlardan hər gün bu qədər tolerantlıq görmək olmur, ona görə də o dialoq haqqında fikirləşmək məni sevindirir. Pis bir gündə yenə oxuyub azca sevinərəm deyə qeyd etməli olduğum dərəcədə sevimlidir.

19 əjdaha! 30.05.2019 01:55, la soledad se adueña de toda emoción

#287024 şikayət

qışın gəldiyinin anlaşıldığı anlar

+24 əjdaha

Güclü yağış yağıb havalar əvvəlki günə nisbətən hədsiz dərəcədə soyuyanda anam şkafları töküb yay paltarlarının, o gözəl, çiyələkli qırmızı şortiklərin, köynəklərin yerinə birbaşa qış paltarlarını yığardı yavaşdan-yavaşdan. Normalda arada payızlıq bir sezon da olur, amma biz Oğuzda qalırdıq deyə havalar elə o çönən çönürdü. Hələ bir həftə əvvəl həyətda şlankla özümüzü islatmağımız artıq çox uzaq və adamı üşüdən bir xatirə olaraq yada gəlirdi. Amma anam arada hava çaşıb, yenidən isti olarsa deyə də bir dəst çox da nazik olmayan yay paltarlarımızdan da qoyardı əldə bir yerə. Əynimizə keçən qışdan artıq balaca olanları varmı deyə bizə çox da boş görünməyənlərini bir-bir yoxladardı. Nə maraqlıdır ki, guya o boxçalardan yeni nəsə çıxırmış kimi davranıb heç ərinmədən yoxlayardım bir-bir geyinib. Xoşuma gəlirdi o proses, həyəcanlı idi rəsmi olaraq yeni fəsilə keçmək, halbuki mağazalarda yoxlamadan almaq üçün nə davalar qoparar, çimdiklər yeyirdim. O qış paltarları isə elə deyildi. Bez boxçaları anamdan əvvəl qarışdırırdım, üstlərində yumbalanırdım, üstümə on dəfədən qışqırdırdım yazıq qadını. Atamın paltarları, formaları töküləndə onları da geyinib yoxlayardım. Hələ ki, onun ya da qardaşımın papaqlarını başıma qoyanda atamın sanki mən onların mərtəbəsinə layiq deyilmişəm kimi "adam kişinin papağını qoymaz başına, qız uşağısan" demədiyi vaxtlar idi, işdən gələndə maşınının səsini eşdib, pilləkənin yanına qaçıb onu qarşılayanda özü papağını başıma qoyardı sonra da göyə qaldırıb öpərdi. Amma paltar dəyişməylə bağlı xoşuma gəlməyən tək şey o idi ki, qardaşımın əyninə artıq balaca olanlar geyinib yoxlamağım üzrə mənə verilirdi. Mən də bəyənmədiyim üçün deyirdim ayağı uzun oldu ya da nə isə bir bəhanə. Anam isə yaxşıca bir baxıb ölçüb-biçəndən sonra deyirdi "heç nə olmaz, ayağını kəsdirərik, əsas odur beli yaxşı oldu?". Ən sevdiyim qış koftamın qolları Viktoriya dövrü donlarınınkı tipli, mavi, ipləri isə tünd mavi olan bir kofta idi, çox gözəl idi, istəyirdim tez gedib çimim ki, onu geyinim. Kirli canıma qoymurdular çünki. Sonra nəsə ləkə saldım ona ya artıq qolları qısa oldu deyə anam geyinməyə qoymadı, yadımda deyil, amma gördüyüm ən qəşəng kofta idi. Kaş yenə olaydı, geyinəydim. ilk məktəb donumu anam saxlayıb hərçənd ki, iki qolumu belə sığışdırammıram içərisinə. Hamısı gözəl idi, isti idi, səy-səy şeylərlə gözüm, ürəyim dolurdu, başım qarışırdı. Bu il qaldığım şəhərə sadəcə bir dəfə qar yağdı, heç çölə də çıxmadım, ən son nə vaxt qartopu oynamışam yadımda da deyil. Artıq qışın heç bir əhəmiyyəti yoxdur. Elə palçıq ki, palçıq.

17 əjdaha! 22.07.2019 23:40, la soledad se adueña de toda emoción

#288753 şikayət

çirkin olmaq

+16 əjdaha

əslində olmayan bir şeydir. gözəl insan yoxdur. çirkin insan da yoxdur. ya da belə izah edim : konkret olaraq çirkin və ya gözəl olan biri yoxdur. bu nisbidir. insandan insana, nəzərdən nəzərə dəyişir. mənim çox sevimli, qəşəng hesab etdiyim bir qızın şəklini telefonumda gördükdə iyrənc və qorxulu olduğunu deyən biri olmuşdu. bunun kimi başqa da vəziyyətlər olur. hər kəsin gözəl gördüyü birinin sizə heç xoş gəlməməsi də az baş vermir. simpatiya və antipatiya çox böyük rol oynayır bu mövzuda. bəlkə də bu sadəcə mənim üçün belədir, amma çirkin hesab etdiyim kimisə görməyim həqiqətən çox nadir olur. çünki hər kəsin özünə məxsus fərqli bir gözəlliyi var.

16 əjdaha! 18.12.2017 13:24, la soledad se adueña de toda emoción

#264428 şikayət

bütün zamanların ən güclü opera ifaları

+7 əjdaha

~ Sifarişi görüb "Çəkilin, eşqimdən bəhs edəcəm." deyərək ekrana toxunar ~
Bütün zamanların ən güclü opera ifalarını siyahı halına salası olsaq, birinci yerdən də yuxarıya ömrüm uzunu eşitdiyim ən gözəl şey olan bu ilahi möhtəşəmlik gəlməlidir :

(youtube:

)

(baxma: Purcell)
Sonrasında zənnimcə, Andrew Lloyd Webber-in bəstələri gəlməlidir və siyahının başına Phantom of the Opera-dakı ifalar keçməlidir :

(youtube:

)

(youtube:

)

(youtube:

)

(youtube:

)

Ardından Turandot-u və gianni schicchisi ilə Giacomo Puccini:

(youtube:

)

(youtube:

)

Sonra bunlar :

(youtube:

)

(bax: Maria Callas)

(youtube:

)

bəstəkarı (bax: george frideric handel)

5 əjdaha! 20.12.2017 23:30, la soledad se adueña de toda emoción

#264607 şikayət

uşaq ağlı ilə inanılanlar

+8 əjdaha

Həmişə elə bilirdim ki, bir gün qardaşım artıq planı doldurub, böyüməyi dayandıracaq və mən ona çatacam. Bir dəfə dalaşanda ağzımdan qaçırdım bunu. "Mən iki il sonra səni keçəndə onda sənin də mənə gücün çatmayacaq." tipli nəsə imiş evdəkilərin xatırladığına görə. Nəysə yarış sonrası filan idi deyəsən, uduzmağı qəbul edəmməyib, dava başlatmışdım. Şeytani planımı (zəka geriliyim var imiş ya nə, ahaha) eşidəndə qardaşım bir dəqiqə belə dayandı və dünyanın ən normal şeyi imiş kimi dedi ki, onda mən də iki yaş yekəlmiş olacam da, yenə məndən balaca qalmayacaqsan? Bu faktdan çox dəhşətə gəldim, izahı mümkün deyil. Həm də axmaqlığımdan utandım, çünki ağıl çərçivəsinə oturdanda çox məntiqli idi də, hər il elə olurdu axı.
Sonra da getdi anamgilə dedi. Uğunmalar, gülüşmələr... (Pis mənada yox əlbəttə, həm inciməmişdim belə olmağından, onda mənə gülünməyiylə çox relax idim. Sadəcə bir gün kimsə "biz qırırıq sənin üçün, sən qırırsan kimin üçün?" dedi, onun mənasını qanandan mənə gülənlərə qoşulmuram. Şəxsiyyətsizlik kimi çıxa bilərmiş. Bu çox qəribə və dərin bir nüansdır, üstündən keçəcəm.) Hələ də arada danışılır ailə arasında səy uşaqlıq temalarından söhbət açılanda. Zamanı heç vaxt tam dərk edə bilmirəm, mənə çatmır mənası, dövranı, varlığı. Belə olmağı da əsəbimə toxunur. Ümid edirəm, hamı yalandan başa düşürmüş kimi edir, lakin olmaya da bilər. Ümumiyyətlə hər kəs həmişə mənim bilmədiyim nələrsə bilir. Sadəcə xəbər tutandan sonra, çox sadə şeylər olduğunu görürəm, o vaxta qədər necə bilməmiş olduğumdan heyrətə gəlirəm. Mənbələrinin nə olduğunu da heç vaxt tutammıram, mənə də deyin də ala.

6 əjdaha! 20.12.2018 07:01, la soledad se adueña de toda emoción

#280429 şikayət

mother

+9 əjdaha

Rejissorluğunu Darren Aronofsky-nin etdiyi, möhtəşəm metaforalardan istifadə edilmiş 2017 istehsalı filmdir. Çıxdığı il haqqında rejissorun ən pis işi olduğu kimi rəyləri oxuyub izləmək fikrindən daşınmışdım. Çox heyifləndim belə axmaqlıq etməyimə. Düzdür, həm də Jennifer Lawrence o aralar Harvey Irma üçün insanların Trump-ı seçməklərini səbəb kimi göstərmişdi, mən daxil hamı həqiqətən belə bir şey inanmağı fikrindən təsirlənmişdik ki, bu dumbass nə danışır. indi adamın üstə Allahı olar da, az qala hər filminə baxmışam bu qadının, amma həqiqətən səyləmişdi. Nahaq istedadını göz ardı eləmişəm o vaxt. Çünki bu filmdə dillərə dastan gözəllikdə görünür və qüsursuz oynayır.
Hər şeydən əlavə, bir neçə səhnə o qədər əsəbpozucudur ki, məni çatladacaqdı. insanın səbrinin, dözümünün son telləriylə oynayır, eləcə də yazıq, hər şeyini qurban vermiş Mother-ın. Onunla birlikdə bizi də çərəsiz hiss etdirir, narahat qoyur.

--spoiler--

Ancaq ilk ölümdə Habil və Qabil bənzərliyini anladım, ondan sonra məsələni tuta bildim. Yazıçı tanrıdır, Mother obrazı təbiət anadır, fanat və arvadı adəmlə həvva, körpə isə həzrəti isanın təmsili. Bir də insanlar var, insanlar elə təəssüf ki, insanlardırlar. Həqiqətən, şeytandan daha çirkin, daha qorxunc. Çünki tamamilə pis, mərhəmətsiz və zərərverici olmaq həm yaxşı həm də pis olmaqdan daha doğrudur deyə fikirləşmişəm həmişə. Yeni bir şey də deyil, rənglərlə bağlıdır hamısı. Elə iki dənədir ki, iki dənədir.
Filmin qorxu tərəfi yox kimidir, əsas məsələ dramdır. Mother-in həmişə nələrsə verməsi, nələrisə təmir etməsi, yeniləməsi, böyütməsi, bişirməsi, təmizləməsi və qarşılığında körpəsi didik-didik ediləndən sonra hələ bir də onlara qatil dediyi üçün qanlar içində qoyulmağı onun təbiət olduğunu qanandan sonra lap incitdi.

--spoiler--

Bir də ki, sikim o su krantının yanına oturan cütlüyün var-yoxuyla o fanatın arvadının arsız üz-gözünü.

8 əjdaha! 29.07.2019 17:55, la soledad se adueña de toda emoción

#288971 şikayət

qırışıqlıq

+7 əjdaha

insan dərisində dinamik və statik olaraq iki şəkildə meydana gəlir. Dinamik mimik əzələlərin hərəkətiylə yaranarkən statik yaşlanma, günəş şüaları kimi səbəblərdən meydana gəlir.
Bəzi pis vərdişlər var ki, bu prosesi daha da sürətləndirirlər. Şəkəri çox istifadə etmək, gecələr yatmamaq, siqaret, üzü üstü yatmaq, pis qidalanma, günəş kremi istifadə etməmək, makiyajla yatmaq və çox təkrarlanan mimikalar bunların ən başlıcalarıdır.

Həmçinin də neçə vaxtdır bütün diqqətimi üzərinə cəmləyən, dərinizin başına gəlməsi ən qorxunc, reallıq dolu, dəhşət verici olan hadisədir. Vəziyyət belədir ki, üzüm qırışır. Heç iyirmini keçməmişəm hələ, amma qırışır. Yuxarıda sadalanan şeylərdən əsas olaraq təkrarlanan mimikalar vərdişinə görə. Daha da aydın olaraq demək lazımdırsa : hırıldamaqdan. Hər şeyə gülürəm, buna da son həftələr fikir vermişəm. Çünki ü z ü m q ı r ı ş ı r . Sözün həqiqi mənasında gülən yerim xarab oldu axır ki. Gülməli bir şey olanda (əlbəttə ki), gərgin olanda, həyəcanlı olanda, təəccüblənəndə, hətta kədərlənəndə də həmişə gülürəm. Bütün mövzuları sadəcə özümün aşağı səviyyə yumoruma uyacaq zarafatlara bağlayıb, gülməli nəsə çıxara bilirəm. Yuxusuz olanda bunun sayı ilə keyfiyyəti tərs mütənasib olaraq qalxır. O gün qorxanda da güldüyümə fikir verdim. indi isə üzümdə üç qat nəmləndiriciylə oturmuşam və diqqət edəndə mimik qırışlarım heç gülməli deyil. Amma ağlayarkən 43 üz əzələsi, gülərkən isə 17-si işlədiyindən mən qələt eləyərəm, başımı daşa döyərəm ağlayaram. Deyəsən, bir də heç vaxt gülməyimi dərd etmədən gülə bilməyəcəm və də ağlamağımın genişlədə biləcəyi qırışları da səbəblərinə qatmadan ağlaya bilməyəcəm.
Bir gün mən məktəbli olan vaxtlarımda anam öz maraq dairəsinə uyur deyə demişdi ki, sənin dərin qəşəngdir, xalanınkı kimi gec yaşlanacaq. Əlbəttə mən də göydə qapdım ondan gələn bu nadir xoş sözü və bir neçə ay hər hazırlaşanda aynada nəyim yoxdursa da, qəşəng dərim var dedim. Sonra bir gün diqqət etdim ki, alnımdadır. Nəsə bir şey var orada. Kiçik, çox balaca bir xətt. O gün bu gündür, elə o başlanğıcdır ki, dərimdə görünməyən fəsad qalmayıb, nəyiməsə görə sevinməyi də artıq tərgitmişəm. Elə bil kimsə yuxarıda oturub nədən xoşum gəlsə "Bu idi? Bunu bəyəndin? Bir də belə al onda." deyib, təpəmdə qırır ya da "Di bəsindir bu qədər." deyib, əlimdən alır.
Twin Peaks cast-inin illər sonrakı, üçüncü mövsüm halı, ən babat yaşa dolanları belə mənə bir həftə rahat verməmişdi, yaşlanmaq qorxusunun əlindən baş barmağımı dişlərimdə tutub, qara-qara fikirləşmişdim. Hələ Lara Flynn Boyle travmasından bəhs etmirəm. https://goo.gl/images/JVZERd
Bir gənclik və gözəllik bu qədər itməməliydi, biz qara camaat cəhənnəm, barı gözəllər qocalmayaydı. Eva Green-in üzündəki hər yaşın izi ürəyimi ağrıdır, məsələn. Ən çox da onunku. Gənc ölsün, amma yaşlanmasın da. Ya da mən ölüm, amma gənc qalsın. Bu yaşda dursa da olar, irəliləməsin.
Eh, bu entry-nin sonu yoxdur kimi görünür, zaman da keçib gedir mən bu boş işi görərkən. Uzun sözün qısası, dərinizə yaxşı baxın və xahiş edirəm, artıq ya zaman aləti düzəldin ya da gəncliyin sirrini tapın. Hamınızı bağrıma basıram. Çünki divara da dırmaşsaq, yaşlanacağıq və bunun üçün hər kəsə yazığım gəlir, çox acınacaqlı məxluqlarıq.

3 əjdaha! 17.11.2018 02:33, la soledad se adueña de toda emoción

#279697 şikayət

heç nə oxumamışam deyib 100 alan insan modeli

+9 əjdaha

Şkalanın çox üstündə bir qəhbəlik dərəcələrinin olduğunu fikirləşdiyim insanlardırlar, çünki əsasən dərs oxumamağın cool olduğunu fikirləşmək qəflətinə düşmüş olurlar. Çox oxuyanlar inəkləyirmiş düşüncəsi. Gədə 80 alıb. Deyir "yataraq keçdim.". Yalansa, imtahan sənə keçsin, a götlək, oxuduğunu etiraf etsən nə olacaq ki? "Mən heç effort xərcləmədən də möhtəşəm nəticələr əldə edə bilirəm." kimi çıxsın deyə gizlədirsənsə, onda daha da pis. Boynunu yerə soxalar da, nə deyə bilərəm ki. Uzaq başı bir "halaldır, nə zor." deyəcəyik də, desən nə olar? Bir də bunların kimsə "imtahanda kağızını mənə də göstər imkan düşsə/dərsdən qeydlər çıxarmısansa mənə də ver də."lər eşitməkdən qorxaraq yalan deyənləri var, yenə onlar da cəhənnəm. Amma səbəbsizcə heç oxumadığını iddia etməkdən kayf tutanlar çatmır mənə. O "səhər dördə qədər movzulara baxmışam." deyib 87 alanların azarı ciyərinizə, onlar 100 alsa da paxıllıq eləmirik, haqlarıdır çünki. Cin atına mindirməyin camaatı.

8 əjdaha! 18.05.2019 12:51, la soledad se adueña de toda emoción

#286723 şikayət

unudulmaz kitab cümlələri

+6 əjdaha

"otağın qapısını açdım. böyük bir məyusluqla rezin ayaqqabılarımın bomboş olduğunu gördüm. totoco gözlərini ovuşduraraq yaxınlaşdı :
- sənə deməmişdim?
içimdə nifrət, başqaldırma və kədər qarışıq bir hiss yüksəldi. özünü saxlaya bilməyib, çığırdım :
- insanın kasıb bir atasının olmağı nə pisdir!
baxışlarımı rezin ayaqqabılarımdan ayırdım və qarşımda duran qaloşları gördüm. atam ayaq üstəydi. bizə baxırdı. gözləri sərhədsiz bir kədərlə doluydu və elə böyümüş, elə bir böyümüşdü ki, haradasa, bangu kinozalının pərdəsini doldura bilərdi. və elə qorxunc bir əzab var idi ki bu gözlərdə, ağlamaq istəsə də ağlaya bilməzdi. bitib-tükənmək bilməyən bir dəqiqə uzunu orada durub bizə baxdı, sonra da səsini çıxarmadan önümüzdən keçdi."
- my sweet orange tree (josé mauro de vasconcelos)

5 əjdaha! 19.12.2017 00:49, la soledad se adueña de toda emoción

#264463 şikayət

qızların alicənab yerinə avara adam seçməsi

+7 əjdaha

Yataqdakı güclə heç bir dəxli olmayan hadisədir. Seksin s-sını yaşamamış, xəyal etməmiş yeniyetmə qızlar belə bu xətaya düşürlər. Oğlanlarda da bənzər vəziyyət var, sakit platonikləri qala-qala onu görməzlikdən gəlib tam əksi qəlbsiz (həqiqətən pis, bildiyin qeybətcil, pis qəlbli, bu yaxşı sayılan qızların ya arxasından ya də üzdən ağzını cıran ləçər, həyasız) qızlara düşürlər. Məncə insanların hamısının canında ola bir şeyə görədir bu, cənnətdən qovulma hekayəmiz kimi ya da. Nankorluq, korluq. Özü də çox qəribədir ki, ailədə gül üzünə püf deyilməmiş qızlar bu xətaya daha çox düşür, gedib özlərini ata-anaları onlara əsla göstərməyən çətinliklərə salırlar. Ailədə diqqət görməyən qızlarda da bunun daha pis versiyası olur, o da çox şablondur, deməyim belə xətadır. Alicənablıq hər nədirsə, (mən yenə primitiv olub ona yaxşı olmaq deyəcəm) onun qədri heç vaxt heç yerdə asan bilinmir, qeyri-adi bir vəziyyət deyil bu.

7 əjdaha! 28.07.2019 23:01, la soledad se adueña de toda emoción

#288957 şikayət

azərbaycanlı qızlar

+7 əjdaha

Əksəri sadəcə (bax: azərbaycanlı oğlanlar) qədər eyni, səviyyəsiz, zövqsüz olan qızlardır. Çünki təhsil səviyyəsi aşağıdır, kitabxanalar qıtdır, televiziyada öyrədici şeylər azdır və cəmiyyətimiz uşaqların, gənclərin yetişməsi üçün qorxulu bir yerdir. Belə də ki, deyildiyi kimi olmaqlarında yetişdirilmə tərzlərini deyil, onları günahlandıranlar, azərbaycanlı qızların ya da ümumiyyətlə qızların nənəm demişkən, azarı ciyərinizə, düşün məncə yaxalarından.

5 əjdaha! 30.12.2018 01:16, la soledad se adueña de toda emoción

#280830 şikayət

qadınlarda prefrontal korteksin 25 yaşına kimi inkişaf etməməsi

+7 əjdaha

Qısa və konkret tərifi dünyanın ən qəhbə, əclaf cümlələrindən (cümlə deyil tho) biri olduğudur. Çünki "kişi və qadınlarda prefrontal korteksin 25 yaşına kimi inkişaf etməməsi" reallığını bu şəkildə ifadə etməyiniz üçün gizli ya da açıq bir qadın düşmənliyi propaqandasına könül verəcək şarlatanlıqda olmağınız lazımdır. Bütün sağlam insanlarda prefrontal korteks 25 yaşına kimi tamamilə inkişaf etmir. Kişilərdə inkişaf etdiyi halda, təkcə qadınlarda 25 yaşına kimi etmədiyini kim iddia eləyirsə, poxdur, yeyir. Bunun bir də qadınlarda 20 yaşlarında tam inkişaf etdiyi halda kişilərdə 25 yaşlarında hələ də tam etmədiyini deyən versiyaları var. ikisi də yalandır. Yəni sizcanı, beyindir bu, şitləşməyin. Belə mədəni (https://www.reddit.com/r/askscience/comments/1v3vsl/frontal_lobe_development_by_gender_and_age/) sualınızı versəniz, öyrənməyə çalışsanız nəysə, amma yanan yerlərinizdən bilgi uydurmayın, benzin tökməyimiz gəlir sonra.
Mənbə 1: gözüm (t ilə deyil bəlkə, but it is a honest work)
mənbə 2: https://www.urmc.rochester.edu/encyclopedia/content.aspx?ContentTypeID=1&ContentID=3051
mənbə 3: https://en.wikipedia.org/wiki/Frontal_lobe

7 əjdaha! 01.06.2019 04:45, la soledad se adueña de toda emoción

#287076 şikayət

öldürən yaxçı oğlan sözləri

+8 əjdaha

niyədir bilmirəm, amma onlar və o zümrədən məxluqlar hərarətli mübahisələrdə "yeri gəlsə"dən çox istifadə edirlər. bir də şey var : "bəlkə hansısa yaxşı kişinin bacısıdır/qızıdır/arvadıdır?" yəni yoxsa qadına dəyər verməyəcək də, mütləq bir kişi qohum olmalıdır. yəni kişi yaxşı olmasa bu bəhsi keçən qadının narahat edilmə şkalasında enməyə səbəbiyyət verəcək. mütləq gərək öz cinsiylə empatiya qura, insanlarla edəmmir çünki, idbar, mənfur bir canlıdır. kaş heyvan olaydı, o da deyil. hamısıı sonsuz olsunlar, törəməsinlər. fikirləşdikcə, iki barmağımı boğazıma aparıb, qusmaq istəyirəm.

8 əjdaha! 03.11.2018 12:57, la soledad se adueña de toda emoción

#279228 şikayət

ingmar bergman

+5 əjdaha

filmlərində işıqlar və kölgələr vasitəsilə böyük mənalar ifadə edən, kitab səhifələri arasından seçilmişcəsinə dolu olan, yaxşı düşünülmüş replikalarıyla qəlbimdə, ağlımda özünə yer etmiş, (əvvəlcə) sənətçi, (sonra isə) rejissor.

4 əjdaha! 19.12.2017 19:03, la soledad se adueña de toda emoción

#264532 şikayət

azərbaycan dilinin türkiyə türkcəsi ilə kirlədilməsi

+5 əjdaha

Məncə, başlığın mövzusu bir az mənasız tərəflərə çəkilib. Azərbaycan dilini zənginləşdirmək üçün türk dil qrupuna aid olan digər dillərdən sözləri tapıb, özümüzünkünə qatmaq bəlkə nəyisə dəyişə bilər. Bəlkə. Yəni bu şəkildə dil özündə olmayan, tərcüməsi ancaq üç-dörd kəlmənin birləşməsiylə ifadə edilən sözləri lüğət tərkibinə artırar. Amma onsuz da dilimizdə mövcud olan kəlmələri Türkiyə türkcəsindəkilərlə əvəz etmək çox boş və lazımsızdir. Başlıqda nəzərdə tutulan da bu olmalıdır. Yəni "xoşbəxt" varkən, niyə "mutlu", "kədərli" varkən, niyə "üzgün"href="https://azerdict.com/az/izahli-luget/" style="rgba(25,148,218, 0.8 link

" target="_blank" class="sonses" rel="nofollow">https://azerdict.com/az/izahli-luget/üzgün), "xeyli" varkən, niyə "baya", "məsləhət görmək" varkən, niyə "önermek", "alüdəçisi olmuşam" varkən, niyə "bağımlısı olmuşam" "müqayisə" varkən, niyə "kıyaslama" deyəsən ki? internetdə ortalıq "ulan"lar, "abi"lər və başqa, TV serialı türkcəsi sözləriylə qaynayır. Belə halda buna azərbaycan dilinin türkiyə türkcəsi ilə kirlədilməsindən başqa bir ad vermək təəssüf ki, mümkün deyil.

4 əjdaha! 18.12.2017 21:13, la soledad se adueña de toda emoción

#264448 şikayət

kişilərin ən çox danışdığı mövzular

+5 əjdaha

dünən nəsə demişəm, ancaq bayaq içimdə özümə kiçik üsyancıqlar oyandı ki, kişilər eləcə cəm şəkilçisi ilə haqqında nələrsə deyilə biləcək bir məhfummudurmu ki? ya da qadınlar? ümumiyyətlə insanlar?
bəzisi daha çox qadın fikirləşər deyək, bəziləri maşın, bəziləri seks. qarşı cins haqqında əlbəttə, qadınlar da düşünür. (və ya bütün insanlar özunə cazibədar gələn cinsi düşünür.) bunlar o qədər sadədir ki. əslində isə, hamımız sadəcə uşaqlıqda oynadığımız oyuncaqlardan istəyirik. ancaq bunun mövzuya elə də dəxli yoxdur. hər kəs kimi eləsi var təhsilini düşünür, eləsi var işini, dinini, ailəsini.
bunu indiyə qədər heç fikirləşməmişdim, lakin kişiləri də çox dayaz, ancaq testesteron iyi verən, seksdən puldan başqa şeyə ağlı yatmayan varlıqlar kimi qələmə verirlər axı deyəsən. onların da bolca qayğıları var. ən ortalama bir kişinin məlum cəmiyyətdə üstlənməli olduğu böyük məsuliyyətlər var : hərbisidir, ailəsidir, qazancıdır deyərəkdən. yoxsa gecə-gündüz "ay maşın belə gəldi, sərvət belə getdi, bəs qadınları necə tutum?" deyə baş sındırmaqları məntiqsiz gəlir. siyasət, silahlar, ovçuluq, vəzifə kimi şeylər də çoxluğa aid edilə biləcək şeylər deyil. pul isə... qadınlar da, hətta uşaqlar da, hamılıqca onu düşünürük də, ayının min oyunu var bir armudun başında məsəli kimi. bunlar çox dəyişkən, haqqında bəhs edilməsi gülünc olacaq qədər boş şeylərdirlər. necə ki, bütün qadınlar makiyaj, zəngin kişi, sevgi, uşaq, gözəllik fikirləşmir, eləcə də kişilərin belə konkret istəkləri yoxdur. belə də ki, idk, just sayin'.

4 əjdaha! 25.10.2018 13:42, la soledad se adueña de toda emoción

#278895 şikayət

ən çox işlədilən şablon ifadələr

+7 əjdaha

- sənin üçün deyirəm. yoxsa mənim nəyimə lazımdır?
- anlayıram.
- allah amerikanı dağıtsın.
- yenə bunlar yeyib, doyub.
- gözünün içinə kimi yalan deyir.
- ərə gedəndə sağalacaq.
- mənim xasiyyətim tünddür.

7 əjdaha! 26.12.2017 00:00, la soledad se adueña de toda emoción

#264949 şikayət

mad girl's love song

+5 əjdaha

Smith kollecində tələbə olduğu 1951-ci ildə Sylvia Plath tərəfindən yazılmış şeirdir. Şeir oxumaq heç adətim deyil, bu da təsadüfən qarşıma çıxdı onsuz da. "I fancied you'd return the way you said,
But I grow old and I forget your name.
I think I made you up inside my head." hissəsi bir miqdar toxundu. Məktəblilərin kitab-dəftərlərinə aşiq olduqları adamın adını yazmağını çox məntiqli hesab etməyə başladım, "nə ağıllıdırlar, tərgitməkləri nə pis olacaq" deməyim gəldi. Amma bilirəm, hələ də uşaqca bir axmaqlıqdır, adlar isə elə asan unudulmur. Oxuyandan bir az sonra, şeirin bu yuxu kimi həzin olan bəstəsini tapdım:

(youtube:

)

Tam mətni belədir:
I shut my eyes and all the world drops dead;
I lift my lids and all is born again.
(I think I made you up inside my head.)
The stars go waltzing out in blue and red,
And arbitrary blackness gallops in:
I shut my eyes and all the world drops dead.
I dreamed that you bewitched me into bed
And sung me moon-struck, kissed me quite insane.
(I think I made you up inside my head.)
God topples from the sky, hell's fires fade:
Exit seraphim and Satan's men:
I shut my eyes and all the world drops dead.
I fancied you'd return the way you said,
But I grow old and I forget your name.
(I think I made you up inside my head.)
I should have loved a thunderbird instead;
At least when spring comes they roar back again.
I shut my eyes and all the world drops dead.
(I think I made you up inside my head.)"

4 əjdaha! 04.04.2019 19:35, la soledad se adueña de toda emoción

#284978 şikayət

fədakarlıq

+6 əjdaha

Əsasən yaxşı niyyətlə icra edilən, başqalarının xoşbəxtlik, rahatlıq və həyatlarını özününkündən daha vacib görməklə yaxından əlaqəli olan, amma ailə ilə üçün belə etməyə dəyməyən lazımsız davranışlar, hərəkətlər yığınıdır. Bunun layiqiylə qiymətləndirildiyini görməmişəm bu günə qədər. Öz etdiklərimə əsasən demirəm, özüm lazımınca dəyər verəmmirəm, ondan bilirəm. Heç digərləri də vermir. Düz də edirlər, kimsə aşıb daşan diqqət və şişirdilmiş, qürursuzca həyata keçirilmiş aktlarımızı qəbul etmək, hələ istəmədikləri halda onlara verilən bu şeylərə qarşılıq vermək məcburiyyətində deyil. Özümüzü o qədər kiçik görməyimiz, ikinci plana atmağımız çox səfehcə və qeyri-təbiidir. Yaxşı bir yoldaş demişkən, can şirin şeydir. Əməlli-başlı fikir vermirdim mən bu ifadəyə heç vaxt, ancaq dəhşətli dərəcədə doğru bir şey deyil?
Məsələn, bütün insanlarla münasibətlərimdəki hər şeyin əla olmağını istəyirəm, aradakı məni narahat edən hər kiçik problemi, məndə gördükləri hər qüsuru düzəltməyə bütün gücümlə çalışıram. Hansı ki, onlar əlaqədə bir koftanın altında yuxarı çırmanmış başqa bir koftanın qolu kimi kiçik, amma əsəbpozan, zəhlətökən, iyrənc maneələr yaradırlar. Bax, o koftanın qolunu aşağı çəkməyə çalışmamalıyam, durmayacaq o orada. Kofta narahat eləyirsə, çıxarmalıyam ikisini də, sonra üstdəkini yenidən geyinməliyəm. Əynim qalın olmasa da olar, təki zehnim aydın, əsəbim yerində, narahatlığım da keçmiş olsun. Zəruri olmayan nədəsə nə isə xoşuna gəlmirsə, gərək rədd edəsən o yana, yəni oksigen deyil ha bu. Heç nə ya da heç kim bizim qədər vacib olmamalıdır. Zərər verməmək, kobudluq etməmək, sadəcə kömək istəyənə kömək etmək, sadəcə aranızdakı nələrisə həll etməyə sizin qədər həvəsli olanlar üçün enerji xərcləmək bəs edər.

6 əjdaha! 28.12.2018 18:22, la soledad se adueña de toda emoción

#280779 şikayət

studio ghibli

+4 əjdaha

"studio ghibli" hayao miyazaki və isao takahata tərəfindən 1985-ci ildə yaradılan, animasiya film istehsal studiyasıdır. "ghibli" ərəb dilindən götürülüb və hərfi olaraq olmasa da, külək, qasırğa mənasına gəlir.

2 əjdaha! 19.12.2017 19:54, la soledad se adueña de toda emoción

#264536 şikayət

labioplasty

+5 əjdaha

Qadın cinsiyyət orqanındakı (vagina de keç də) iç və çöl dodaqların dəyişdirilməyinə yarayan estetik əməliyyatdır. Həqiqətən anormallıq olarsa, nəysə, amma gənc qızlar sırf bildiyimiz o porno star fotolarındakı kimi bir orqana sahib olmaq üçün bıçaq altına yatır. Hansı ki, az qala heç kəs anadangəlmə elə doğulmur, normal insan bədəninin bir qismidir həmin nahiyə və o starlar da ya labioplastikalıdır ya da photoshop-lanıb iç dodaqlarının artıqlığı. Hər şeyi standartlaşdırmağa olan qorxunc meyilliliyimizin nəticəsidir bu əməliyyat. Deformasiya olmadığı halda belə bir əziyyətli, xərcli işə niyə girsin axı insan? Həqiqətən də, "normal vagina necə görünür?" deyə bir şey yoxdur. Hamısı normaldır əsasən və əməliyyatın dəyişdirdiyi hissə də elə hər kəsdə o şəkildə olur. Kəsilən yerdə hissiyyatın azalmasına belə səbəb ola bilirmiş həm. izlədiyim bir videoda iç dodaqları kimsənin görmək istəməməyi haqqında belə bir cümlə var idi:
"They basically consider labia minora "too offensive" for soft porn."
Kişilərin zövqünə xidmət edən və ona görə şəkillənən sektor vaginamızın əslində necə göründüyünü o qədər gizlədib, "dar, kiçik, balaca" (çünki eləsi çox daha qəbul ediləndir axı onlar üçün, aa) olmağına fokuslanıb ki, qadınlar artıq normal olanın özlərindəki olduğuna inanmayıb düzgün görünmədikləri kompleksinə düşürlər. Döşləri, sifətləri sonrasında bir dərd daha tapıblar özlərinə. Hətta bir növ belə də demək olar: mən daha az zövq alsam da olar, gözə xoş gəlsin, kişilərə xoş gəlsin. Qəddarca bir şeydir bu.
Çəkdiyim quote-un keçdiyi video:
https://vimeo.com/9924049

5 əjdaha! 23.05.2019 01:25, la soledad se adueña de toda emoción

#286831 şikayət

dərsin axırında müəllim tapşırıqları yoxlamadız deyən uşaq

+5 əjdaha

bəhsi keçən bu əclaflığı da eləmişəm, heç fikrim digər uşaqlarda olmayıb, əziyyət çəkib yazmışdım deyə onun da əziyyət çəkib yoxlamağından daha ədalətli şey ağlıma gəlmirdi. amma ən çox utandığım, ədəbiyyat müəllimim ən öndə oturub, dərs uzunu qolumu yellədiyim halda məndən şeiri soruşmayanda və zəng çalınıb evə getmə vaxtımız gələndə özümü saxlaya bilməyib ağlamağım idi. yanımdakı oğlan da müəllimə xəbərləmişdi. altıncı sinifdə oxuyan eşşək boyda şagirdinin bu şövqünə artıq səssiz qala bilməyən qadın isə bütün sinifi beş dəqiqəlik saxlayıb, məni tərifləyərək, lövhəyə çıxarmışdı. ən dəhşətlisi isə o idi ki, necə pis olmuşdumsa, şeirin neçəsə sətirini unudub deyə bilməmişdim. o boyda özünü öldür, axırda da şeiri deyə bilmə. bu da belə bir biabırçı xatirəmdir. növbəti dərs danışmalı olduğumuz şeiri elə keçilən dərsdə əzbərləyib qiymət aldığım da olub, yadımdadır. böyüdükcə əzbərləmə qabiliyyətimi itirdim. əzbərçiliklə keçən illərdən də boş bir baş ilə çıxdım.

4 əjdaha! 21.12.2017 05:33, la soledad se adueña de toda emoción

#264630 şikayət

yeni il ab-havalı film və serial bölümləri

+5 əjdaha

(baxma: A Christmas Carol)
(baxma: The Polar Express)

5 əjdaha! 29.12.2018 08:52, la soledad se adueña de toda emoción

#280799 şikayət

qatıq

+4 əjdaha

Dünyanın ən yaxşı hiss etdirən qidalarından biridir. Qızartmaların, şokoladların, pudinglərin, double chicken menu-ların üzərindən qaşıqla, onda belə pəhrizdəymiş, sağlam qidalanırmış illüziyası yaradır adamda, hətta o çox tox olmağın verdiyi peşmanlığı da silib-süpürür. Mədən bulananda yemək də limondan daha yaxşı təsir edir. A, E, B12 vitamini var, metabolizmaya xeyirdir. Başına dönmək lazımdır qatığın. Bir də təbii ki, yemək.

3 əjdaha! 03.04.2019 13:48, la soledad se adueña de toda emoción

#284951 şikayət

Notice: Undefined variable: user_id in /var/www/soz6/sds-themes/vengeful-light/profile.php on line 1365

blok - başlıqlarını gizlət
Notice: Undefined variable: user_id in /var/www/soz6/sds-themes/vengeful-light/profile.php on line 1372

la soledad se adueña de toda emoción

son bəyənilənlər:

oxuyucuların bəyəndikləri: