şuşa

Bakı avtovağzalından avtobusla (15 manat, 6 saat) gedə bilərsiniz.Yay fəsli olsa belə gödəkcə götürməyiniz tövsiyyə olunur çünki bəzən axşam saatlarında temperatur kəskin düşür. Avtobus QoçƏt restoranının qarşısında sərnişinləri düşürüb 4 saat sonra eyni yerdən Bakı istiqamətinə yola düşür.Qayıdanda avtobus Laçından Şuşaya gəldiyi üçün 10 dəqiqə gec gələ bilir. Otel qiymətləri absurd olduğu üçün (100-250) 4 saat ərzində Şuşanın əsas turistik yerlərini (Cıdır düzü, Şuşa Qalası, Gövhərağa məscidləri, Natavan sarayı, Bülbülün ev muzeyi ) gəzib qayıtmaq daha qənaətcil olur. Şəhərin böyük bir hissəsi dağıntı halında evlərdən ibarətdir.ANAMA lövhəsi vurulan (yəni minadan təmizlənmiş olduğu gostərilən) evlərə hər ehtimala qarşı girməməyiniz məsləhətdir. Ən sərfəli və xidmət keyfiyyəti yüksək olan restoran QoçƏt restoranıdır.insanları xoş qarşılayıb çay ikram edirlər. Son olaraq Google Maps tətbiqinə güvənməyin.Məni bir neçə dəfə "kəsə yol" adı ilə kolluğa salıb vaxtımı itirməyimə səbəb oldu. Di gedin gəzin...

quba

Bakı avtovağzalından (6 manat, 3 saat) avtobusla getmək mümkündür.Turistik məkanları biri-birinə uzaq olduğu üçün tur vasitəsilə getmək daha əlverişlidir.Şəhərdə Dağ Yəhudiləri muzeyi (10 manat, bələdçi daxil) və Memorial Kompleksi ziyarət edə bilərsiniz.Təbiət səyahəti etmək istəsəniz şəhərdən qərb istiqamətində Qəçreş meşə zonası və cənub istiqamətində Çənlibel gölünə gedə bilərsiniz. Çənlibel gölünə giriş bir nəfər üçün bir manatdır (qapıda bir dayı durub qanunsuz şəkildə yığır.şaşırdıkmı?hayır).Gölətrafı gəzinti ərazisi azdır (təxmini 15-20 dəqiqəyə bitir).Katamaran (5 manat) ,tir , zipline, oyuncaq aparatı və digər parklarda olan standard şeylər mövcuddur. Macəra axtarırsınızsa yüksək dağ kəndlərinə (məsələn Qrız) gedə bilərsiniz. Qutab və Quba paxlavası (bir neçə çeşidi var, dənəsi 3 manat) mətbəxin məşhur nümunələridir Di gedin gəzin...

lənkəran

Lənkərana Bakı avtovağzalından avtobusla (9 manat, 3 saat) gedə bilərsiniz.Şəhər kiçik olduğu üçün şimaldan (avtovağzaldan) cənuba (Sütəmurdov kəndi körpüsü) piyada təxmini 2 saata gedə bilərsiniz.Şəhərdə gəzməli yerlərə Xan Evi, Həzi Aslanovun Ev muzeyi, Mayak və Zindanqalanı misal göstərmək olar.Xan Evi və Həzi Aslanov muzeyinə getməmişdən qabaq bir neçə platformada həmin yerlərin açıq olduğu haqqında məlumat alıb əmin olun.Sezon olmayan dövrdə getsəniz bağlı olduğunu görə bilərsiniz (mən gedəndə iş saatları olsa da Xan Evini işçilər bağlayıb çıxıb getmişdilər.şaşırdıkmı?hayır). Mayak və Zindanqala keçmiş Lənkəran qalasının hissələri olmuşdur.Daha sonra 20-ci əsrdə bir tikili dairəvi zindana çevrilmiş (rəvayətə görə Stalin burada cəza çəkib) digəri isə mayak olaraq fəaliyyət göstərmişdir.Hal- hazırda hər iki tikiliyə giriş qadağan olduğu üçün yalnız kənardan müşahidə edə bilərsiniz. Şəhər kiçik olduğu üçün və turistik məkanlar şəhərin cənub hissəsində biri-birinə yaxın olduğu üçün günlük səyahət üçün əlverişli destinasiyadır (təbii ki, Hirkan Milli Parkını marşrutunuza əlavə etməsəniz). Ləvəngi, çay, limon hamıya məlum olduğu üçün çox tanınmamış iki mətbəx nümunəsi qeyd edəcəm : 1.Qatlama - Spiralvari şəkərli (üzərində şəkər dənəcikləri olan) şirniyyat. 2.Külçə - Ballı və Qəndi külçə olmaqla iki növü var.Bəzi yerlərdə "partdama" da deyilir. Dəqiq qiymətlərini xatırlamıram amma birlikdə 2 qatlama, 4 qəndi külçə 5-10 manat civarı etmişdi. Di gedin gəzin...

psixologiya

Həddindən artıq uzanan buynuzlarımızı idarə etməyə kömək edib həyatda qalmağımızı təmin edən elm. Norveçli filosof Peter Wessel Zappfenin "Son Məsih" məqaləsində insanın şüuru özünümüdafiə mexanizmi kimi ortaya çıxıb kontrolsuz şəkildə təkamül etmiş və insana yük olmuş bir özəllik kimi qələmə verilir.Məqalədə bu "varoluşçu geyik" nəzəriyyəsi ilə izah olunur : Buynuzları kiçik olduğu üçün asanlıqla yırtıcılara yem olan maral növünün buynuzları təkamül nəticəsində böyüməyə başlayır.ilk dövrlərdə bu maralların özünü qoruması üçün yararlı bir özəllik olur, amma buynuzların təkamülü davam etdikcə marallar nəinki özlərini mudafiə edə bilmir hətta başlarını tərpətməkdə belə çətinlik çəkir.Beləliklə avantaj kimi başlamış təkamül həmin maral nəslinin kəsilməsinə səbəb olur. Səhv təkamül nəticəsində qazandığımız avantaj (şüur) bizim sonumuz olmasın deyə psixologiya elmindən istifadə etməliyik.

qusar

Qusarın Şahdağ Turizm Mərkəzi və Laza Şəlaləsi olmaqla iki əsas turizm resursu mövcuddur.#400870 nömrəli entri ilə Şahdağ haqqında lifehack ləri öyrənə bilərsiniz. Laza kəndində yerləşən şəlaləni görmək üçün isə Quba-Qusar turlarına qatıla bilərsiniz.Tək həmin şəlalə üçün Qusara gəlmək xərcli olacaq.Bəzi tur şirkətləri (məsələn 4fəsiltravel) Qubanın turizm obyektləri ilə Laza şəlaləsinin kombinasiyasını bir turpaketdə təqdim edib 20-30 manata satış edir. Şəlalənin ətrafında kiçik mağazalarda yerli mətbəxə aid Tskan (20-25 manat) satılır.Əlavə olaraq qutab və Quba paxlavası da ala bilərsiniz. Ləzgilər sərt səslənən səmimi danışıqları ilə elə edəcəklər ki, mütləq nəsə alıb qayıdacaqsınız. Di gedin gəzin...

beşbarmaq dağı

insanların əksəriyyəti inanc məqsədli səfər etsə də , macəra axtaran insanlar üçün də əlverişlidir. Bakı avtovağzalından avtobusla 2 saatlıq məsafədə yerləşir.insanların az olduğu və havanın şaxtasız olduğu vaxtda getməyiniz məsləhətdir (məsələn mart aprel ayları).Əks halda dar və dik yollarda pillələrdən sürüşə bilərsiniz.Fiziki vəziyyətiniz yaxşı deyilsə ümumiyyətlə qalxmayın çünki bəzi yerlərdə pillələr həddindən artıq dik vəziyyət alır və yol daralır. Bəzi qaya dəliklərində duran xalalar sizə həmin "dəlikdən keçib xoşbəxt olma fürsəti" təklif edəcək.Edib etməmək isə sizə qalıb. inanc və macəra məqsədlərindən başqa quş izləmə (birdwatching) turizmi üçün də əlverişli destinasiyadır. Di gedin gəzin...

şahdağ

Azərbaycanın qış turizmi destinasiyalarından biri. Şahdağa getmək üçün əvvəlcə Bakı avtovağzalından Qusar avtovağzalına (7 manat, 4 saat) avtobusla, ordan da taksi ilə (20 manat, təxmini yarım saat) Şahdağ zirvəsinə hərəkət etməlisiniz. Şahdağ Turizm Mərkəzinin girişinin tam qarşısında əsas bina yerləşir.Həmin binada restoranlar, bilet satış məntəqələri, avadanlıq icarəsi yerləri mövcuddur.Bilet satış məntəqələrindən rollercoaster, zipline, kvadrosikl, yelləncək, snowboard, poliqon və sayrə kimi əyləncələrə bilet almaq mümkündür.Saytda bu haqda ətraflı yazılıb deyə mən yalnız öz təcrübəmdən danışacam : Mən zipline və rollercoaster bileti almışdım.Zipline uzun və qısa olmaqla iki xətt mövcuddur.Mən qısaya mindim (15 manat) və kəmər bağlandıqdan sonra heç bir adrenalin hiss etmədim.Qorxu yalnız ora qalxana qədər var idi.Siz getsəniz ən uzunu yoxlayın ki, ən azından daha uzun müddət havada qalıb "pulum boşa getmədi" deyəsiniz. Rollercoaster sırasını 2-3 saat gözlədim.Qiymət 25 manat idi amma vip biletlər 50 manat və daha çox ödəyərək sıra gözləmədən keçirdilər.Kasıblığın üzü qara olsun.Sırada soyuqdan titrəyərkən ərəblərə oryental show göstərirmiş kimi oldum.Sıra çatdı və mindim.Yavaş-yavaş zirvəyə qalxdıq.Qarlı dumanlı təpədə yerləşən checkpointdə bir də dayanıb bileti təqdim etdik.Sonra yenidən minib ordan üzü aşağı sürməyə başladıq.Qarşımda sürən dayı yüksək sürətin can alacağını düşündüyü üçün tormozlayaraq gedirdi və rollercoaster sistemi iki aparatın toqquşmaması üçün dayı tormozlayanda mənim də aparatımı (türkün məsəli) dayandırırdı.Beləliklə dayının sayəsində rollercoastera minsəm də qolf maşını sürmüş oldum.Onsuzda donurdum, üstəlik zirvədə dayı o qədər yavaşladı ki, kiçik çaplı "frostbite" kimi bir qıcolma yaşadım.25 manat ödəyib qıc olmuş və 0 adrenalin yaşamış şəkildə rollercoasterdan düşdüm. Burdan alacağımız dərslər bunlardır : 1.Şahdağa pik sezonda getməyin (mən 30 dekabr getmişdim).Həddindən artıq sıxlıq olur. 2.Rollercoasterə minsəniz yaşlıları önə buraxmayın.Onlar minsələr siz iki sıra sonraya minin ki, arada çox məsafə yaransın. 3.Çox çox çox qatlı geyinin Əsas binada çoxlu restoranlar var.Pulunuz azdırsa girişdən binanın sol hissəsində dilimi 3 manata olan pizza satılan yer var.Pik sezonda getsəniz yeməyi alıb çöldəki masalarda da yeyə bilərsiniz. Səyyah bir zürafə olaraq son "lifehack" də deyim.Qayıtmaq üçün taksi axtardığınız halda taksilər sizə 30,40,50 manat qiymət deyəcək.Bolt 10 manat göstərsə də digər bölgələrdə olduğu kimi ya gəlməyəcək ya da zəng edib deyəcək ki, daha çox verirsənsə gəlim.Pulunuz azdırsa belə edirsiniz : Mərkəzin girişindən əsas binaya baxdıqda sol tərəfdə bir otel var.Həmin otelin reception bölümünə yaxınlaşıb staff avtobusunun gələcəyi saatı öyrənin.Staff avtobusu "smen" dəyişikliklərində orda olan işçiləri daşıyan avtobusdur.Oradan işçiləri götürərək Qusar şəhəri boyunca düşürdür.Həmin avtobusun gələcəyi saatı öyrənəndən sonra həmin saatda orda olub avtobus şoferinə vəziyyəti izah edin (avtovağzala getməli olduğunuzu və pulunuzun az olduğunu deyin).Avtovağzala çatdıqda bir-neçə manat verməyiniz kifayətdir (mən 5 manat versəm də götürməmişdi).Staff avtobusu olmadığı halda eyni şeyi Qusar şəhərinə gedən digər turist avtobuslarından xahiş edə bilərsiniz. Zürafədən bu qədər. Di gedin gəzin...

qəbələ

Qəbələyə Bakı avtovağzalından avtobusla və ya dəmiryolu vağzalından qatarla getmək mümkündür.Nohurgöl, Yeddi Gözəl Şəlaləsi, Laza kəndi, Tufandağ Qəbələnin əsas turistik bölgələri hesab olunur və şəhərdən kənarda yerləşir.Şəhərdə isə "Qəbələnd" istirahət mərkəzinə baş çəkə bilərsiniz. Nohurgöl və Yeddi Gözəl şəlaləsi şəhərə çatmamış Nohurqışlaq kəndinin şimal hissəsində yerləşir.Avtobusla getdikdə Vəndam və Nohurqışlaq kəndlərinin arasında düşüb sağa burulan yolla Yeddi Gözəl şəlaləsinə (45 dəqiqə piyada məsafə)və oradan da Nohurgölə kəsə yolla (deyilənə görə 40 dəqiqə piyada məsafə) gedə bilərsiniz.Mən eyni istiqamətdə geri qayıdıb magistralla getdiyim üçün kəsə yolu tapa bilmədim və piyada 1.5 saat yol getməli oldum.Yeddi Gözəl Şəlaləsinə giriş pulsuzdur.Ən zirvəyə qalxmaq üçün daş pillələr düzülsə də yollar dar və insan sayı çox olduğu üçün qalxmaq çətindir.Qəbələyə getməmişdən qabaq gedəcəyiniz yerlərin açıq olub olmadığını bir neçə üsulla (tripadvisor, google maps, instagram və s.) yoxlamanız məsləhətdir.Mən getdiyim tarixdə bir neçə aydır ki Nohurgöl bağlı idi. Qəbələ mətbəxinə aid iki əsas şirniyyat növü mövcuddur : Həmzəli halvası (küncütlü və sadə olmaqla paketi 8-10 manat) və Üçqulaq paxlavası (dənəsi 30 qəpik).Şəhərdə istənilən şirniyyat dükanından tapmaq mümkündür. Nəqliyyat sistemi yaxşı təşkil olunmayıb.Şəhərdən kəndlərə gedən müntəzəm marşrut yoxdur.Bolt və Yango işləmir.Yoldan taksi tapmaq isə şansa bağlıdır.Digər rayonlarda avtovağzalda həm avtobus həm də taksilər durur amma Qəbələdə avtovağzaldan sonuncu avtobus getdisə son çarə 2-3 km uzaqda olan taksilərin durduğu yerə getməlisiniz (ki, bu da heç yerdə qeyd olunmayıb.yalnız yerli sakinlərlə ünsiyyətdə bu detalları öyrənirsiniz).Taksi qiyməti isə 20 manatdır (Bakıya qayıtmaq üçün). Di gedin gəzin...

şəki

Şəkiyə Bakı avtovağzalından avtobusla və ya dəmiryolu vağzalından qatarla getmək mümkündür.Şəki avtovağzalı şəhər mərkəzinə yaxın yerləşir.Qatar stansiyası isə şəhərdən bir qədər uzaq olduğu üçün taksi istifadə etməli olacaqsınız. Şəki Xan Sarayı (2 manat, bələdçi daxil) , Yuxarı Karvansaray (pulsuz) , Aşağı Karvansaray (xaricdən baxış mümkündür, giriş bağlıdır) , Şəki Qalası ərazisi , Məbəd , Qurucana Şəlaləsi , Xan yaylağı , Alban məbədi (Kiş kəndində) gəzilməli olan yerlər arasındadır.Avtovağzaldan piyada şəhərin əsas turistik bölgəsinə 1 saatlıq məsafə var.Şəhərdaxili müntəzəm avtobuslardan da istifadə etmək mümkündür (əsasən 40 qəpik).Turistik obyektlər biri-birinə yaxın olduğu üçün ilk gün Qurucana Şəlaləsi və Alban Məbədi (Kiş kəndində) istisna olmaqla digər yerləri gəzə bilərsiniz. Qurucana Şəlaləsi şəhərin yaşayış hissəsinin bitişindən 1 saatlıq məsafədə yerləşir (avtovağzaldan birbaşa piyada gəldikdə 2-3 saat çəkə bilər).Sağlamlığınızda problem yoxdursa və hiking sevirsinizsə bu çətin relyefi keçmək sizin üçün maraqlı ola bilər. Kiş kəndində yerləşən Alban məbədi də gəzilməyə dəyəcək yerdir.Səhər tezdən gedib yüksəklikdən görünən dumanlı bölgələri görüb kəndin sakitliyindən həzz ala bilərsiniz.Məbəd səhər saat 9da açılır.içəridəki eksponatlar dönəmin (mistik) ruhunu hiss etdirir.Şəki şəhər mərkəzindən 1.5 saatlıq piyada məsafədə yerləşir.Şimal istiqamətində Kiş kəndində gedən əsas yolun kənarında gözləyərək 25 nömrəli avtobusla da 40 qəpik ödəniş etməklə getmək mümkündür. Şəhərin mərkəzində gecələmək üçün hotel və hostellər mövcuddur.Ən ucuz hostellərdən biri Canal Hosteldir.Hosteldə qadınlar və kişilər üçün ayrı otaqlar mövcuddur.Hər otaqda 5 nəfərin qalması üçün çarpayı və təzə örtüklər təmin olunub.Hosteldə öz yeməklərinizi hazırlamağınız üçün mətbəx və sanitar qovşaq mövcuddur.Mart ayında səfər etdikdə bir gecə üçün qiymət 12 manat təşkil edirdi (yerlilər üçün).Ucuz olması və əlverişli ünvanda olmasından əlavə turistlər də gəldiyi üçün eyni otaqda qalıb mədəni mübadilə etməyiniz də mümkündür. Şəki mətbəxinin məşhur nümunələri Piti və Paxlavanı şəhərin mərkəzində bir çox yerdən tapa bilərsiniz.Ən çox tövsiyyə olunan yerlər Piti üçün "Arıməmmədin Pitixanası" halva üçün isə "Hacı Əhməd" Şirniyyat evidir.Piti yemək üçün 11:00 - 13:00 arası yaxınlaşmağınız daha məqsədəuyğundur çünki limitli sayda olur və tez bitir.Qiyməti turşu, içki , soğan , çörək və piti daxil 10-15 manat təşkil edir. Ümumilikdə iki gün ərzində Şəkini gəzmək mümkündür.Bakıya qayıtmaq üçün avtobus, qatar və ya yol taksilərindən (25 manat) istifadə edə bilərsiniz. Di gedin gəzin...

yazarların paylaşmaq istədikləri şeirlər

Burda Araz Arabaçının adını gördüm dedim şahəsəri bir daha xatırladım :

Çoxdan ütüləyiblər sən oxuyan nəğmədə,
"Do"nun da var-yoxunu, "re"nin də var-yoxunu...
Kəkələmə dinəndə kəlməbaşı ı,ı,e,
"I"-nın da var-yoxunu, "e"-nin də var yoxunu...

Kimdən bala tutmusan içində gennəyirsən,
Hansı murdar niyyətin yerini şennəyirsən,
indi hansı eşşəyin dalını fennəyirsən,
Eşşəyin də, sənin də, fenin də var yoxunu...

Odey, tapındıqların düşür bir-bir "ves"indən,
Rusun "net"i yaxşıdı ingilisin "yes"indən,
Heç nəynən fərqlənmir ha, dərdin a-sı, be-sindən,
A-nın da var-yoxunu, Be-nin də var-yoxunu...

Bir yanlış beş doğrunu kitabdan siləcəksə,
Qoy ölsün bəri başdan ümid "acaq", "əcək"sə,
Böyüyüb bu millətə qənim kəsiləcəksə,
Dölün də var-yoxunu, genin də var-yoxunu...

Yaladı bir zürafə yaramızın duzunu,
Heç bir isti əritmir səbrimizin buzunu,
Burda haramxorların birdi eni, uzunu...
Elə o uzunun da, enin də var-yoxunu...

Neçə sahib olurlar bilirsənmi ağ üzə...
Qoy oturaq bu dərdi salma dilə-ağıza,
Bu yurdun ağrısını köçürmürsə kağıza,
Əlin də, qələmin də, "pen"in də var-yoxunu...

lahıc

Lahıca Bakı avtovağzalından ismayıllı şəhər avtovağzalına avtobusla (3 saat, 7 manat) ordan da şəhərdən Lahıca gedən köhnə avtobuslarla (1 saat, 2 manat 50 qəpik) gedə bilərsiniz. Lahıc avtobusları 11:00 da və 14:00 da ismayıllı Bazarının arxa hissəsindən (Bazarı google mapsdə eyni adla tapa bilərsiniz) Lahıca yola düşür.Bazar isə ismayıllı avtovağzalından 30 dəqiqəlik piyada məsafədədir.Mən sözügedən ərazidən getsəm də bəzi yerlilərin dediyinə görə ismayıllı avtovağzalının yanından kəpənək dairəsi adlanan yerdən də avtobuslar gedir. Mədəni-tarixi turizm sevirsinizsə Lahıc sizin üçün əlverişli destinasiya ola bilər.Maksimum 2 saat ərzində bölgəni gəzə, lokal mağazalardan alış-veriş edə bilərsiniz (müxtəlif ədviyyat növləri və xüsusi çay bitkiləri).Əsas yolun axırında 5 otaqdan ibarət Lahıc Tarix Muzeyi yerləşir (qiyməti 2 manatdır və bələdçi daxildir).Köhnə avtobusla sıldırım dağ yollarında səyahət etmək də Lahıca çatana qədər sizə Disney Land'in ən qorxulu attraksionunun adrenalinini verir (Lahıca kavuşmadan Allahınıza kavuşabilirsiniz). Eyni avtobus Lahıcdan ismayıllı şəhərinə 13:00 və 16:00 saatlarında yola düşür.Bakıya qayıtmaq üçün avtovağzal yaxınlığında düşüb yolun əks tərəfində dayanan taksilərdən istifadə edə bilərsiniz (qiyməti 15 manat ).Təbii ki əvvəlcədən avtobus bileti alıb (7 manat) qayıda bilərsiniz amma vaxt idarəetməsini düzgün etmədikdə avtobusu qaçırma ehtimalı var.Taksilər gecə saatlarına qədər əlçatan olur."Flexibility" baxımından tələsmədən səyahət edib biraz artıq pul ödəyərək qayıtmaq mənə daha məntiqli gəlir. ismayıllı mətbəxinə aid xüsusi yemək və ya şirniyyat nəzərimə çarpmadı.Birgünlük səyahət üçün mədəni/təbii turizm resursu olaraq əlverişli hesab edirəm. Di gedin gəzin...